1 Timɔte 2:6 - Fana Ngbangɔ 1987

⁶ mɛ ndo aka tɛrɛ lo so tɔ̃ngɔ azi zu. Lo kpi ndo na bi mɛ ndo Nzapa ako, ko oko afa ya, Nzapa aye ya, ni so azi zu.

1 Timɔte 2:6 Iomraidhean Croise

Matie 20:28

Ĩ ba se mɛ ta mbi Nyi Zo mbi ga ge lɛ sese ya, azi ali kwa hɛ̃ mbi ma la. Kanda mbi ga ya, mbi li kwa hɛ̃ azi, ko mbi ka nga tɛrɛ mbi, wa mbi tɔ̃ azi gba na ya siɔ ye.”

Marko 1:15

“Ngoi ti gangɔ tɛ Nzapa alengbi wɛ, Nzapa adoli so lɛngɔ gbia na ndo ĩ! Ale ĩ gbinya bɛ ĩ, í ye Nzɔ̃ Pa tɛ lo!”

Marko 10:45

Ta sanga ma, ta mbi Nyi Zo mbi ga ge le sese ya, azi ali kwa hɛ̃ mbi ma. Kanda mbi ga ya, mbi li kwa hɛ̃ azi, ko mbi ka nga tɛrɛ mbi, wa mbi tɔ̃ azi gba na ya siɔ ye.”

Yoanɛ 6:51

Mbi tɛ mɛ alo ka ndozu la azu, ko tɛ ni ndohɛ̃ azi beta du. Se zo atɛ ni ko, lo lua du ti kaka. Tɛ mɛ mbi na hɛ̃ngɔ hɛ̃ azi ko, adu mi tɛrɛ mbi. Mbi hɛ̃ ni hɛ̃ azi ya, ala tɛ, wa ala lua beta du.”

Roma 16:26

ko na olo ko, abuku mɛ ndo awa pangɔ nyɔ Nzapa asu, afa Nzɔ̃ Pa ni yango. Ko Nzapa mɛ lo kaka ahɛ̃ nyɔ ya, apa Nzɔ̃ Pa ni hɛ̃ azi ti le sese zu, wadila ala ye lo tɛ Yezo Kristo, ko ala ma nga nyɔ mɛ ni hɛ̃.

Roma 5:6

Ngoi mɛ ndo ta e de e lua nguru ma ko, Yezo Kristo akpi ndo so e asiɔ azi, na bi mɛ ndo Nzapa ako.

1 Kɔrinto 1:6

Ngoi mɛ ndo e pa na tɛnɛ tɛ Yezo Kristo hɛ̃ ĩ ko, ĩ bata ndo tɛnɛ ni nzɔ̃ni ka ya bɛ ĩ.

2 Kɔrinto 5:21

Ta Kristo ali ndo siɔ ye bɛ kɔi ma, ko Nzapa aminya ndo siɔ ye tɛ e na li lo. Nzapa ali ndo so ya, nga ma la e na Kristo e ti bo kɔi ko, ni mu e ka lɛ ni ya, e abɛta azi.

Galatia 1:4

Kristo aka ndo tɛrɛ lo nvɛni ya, ni so e na ya asiɔ ye tɛ e, wadila ni tɔ̃ e na ya asiɔ ye ti lɛ sese olo. Lo li ndo so nga ma se mɛ bɛ To e Nzapa aye.

Galatia 4:4

Ko ngoi mɛ ndo bi mɛ Nzapa ako ĩ lengbi ko, lo to Nyi lo ge lɛ sese. Zo wali kɔi adú ndo lo, ko Nyi lo ni abi ndo tɛre lo so tɔndɔngɔ ndia tɛ Mɔizɛ ya,

Efɛzɛ 1:17

To e Nzapa mɛ na ndima, lo mɛ ndo Gbia tɛ e Yezo Kristo ndovɔrɔ ko, mbi ndohũnda lo ya, lo hɛ̃ ĩ Tɔrɔ Santo, ko Tɔrɔ Santo ni asa ndara bɛ ĩ, wa ĩ hĩnga lo nzɔ̃ni.

Efɛzɛ 1:7

Na lo kwa tɛ Yezo Kristo la Nzapa atɔ̃ e na ya siɔ ye, lo ka nga lɛ lo ndo siɔ ye tɛ e. Ye mɛ ndo Nzapa ali ko, afa ya, kota nzɔ̃ bɛ

Efɛzɛ 3:5

Ndo uzu ko, ta Nzapa afa ndo lo ni na azi ma, kanda na olo ko, lo to Tɔrɔ Santo tɛ lo ya, lo fa ni na abɛta awa pangɔ kwa tɛ Yezo, lo fa nga na abɛta awa pangɔ nyɔ lo.

Efɛzɛ 5:2

Ale ĩ ndoye afɔ̃ ĩ, nga ma se mɛ Kristo aye na e, akpi nga na lo tɛ e. Lo ka ndo tɛre lo, nga ma sa mɛ aho alu na Nzapa, ko bɛ Nzapa ade ndo na lo tɛ lo sĩ.

2 Tɛsalɔnikɛ 1:10

Ala na tongɔ nda hũngɔ pɛnɔ ni na lá mɛ gbanda Gbia Yezo adiri aga na ni. Lo ga gbanda na lá ni ko ya, azi tɛ ni zu mɛ awa yengɔ lo tɛ ni agonda ni, atɔndɔ nga ni. Ĩ nga na tɔndɔngɔ lo, ta sanga ma, ĩ ye ndo tɛnɛ tɛ lo mɛ ndo e pa hɛ̃ ĩ.

1 Timɔte 6:15

Ngoi mɛ gbanda bi mɛ Nzapa ako alengbi ko, lo to Yezo Kristo. Bo Nzapa kɔi la lombe, wa dengɔ bɛ, Gbia tɛ agbia.

2 Timɔte 1:8

Wa ale ta kamɛnɛ agbɔ̃ mɔ na ngoi mɛ mɔ ndopa lo tɛ Gbia tɛ e Yezo ma, ta kamɛnɛ agbɔ̃ nga mɔ na lo tɛ mbi mɛ mbi li bɔlɔkɔ na lo tɛ lo ma. Kanda ale mɔ hũ pɛnɔ na lo ti Nzɔ̃ Pa nga ma mbi, ko mɔ gbe bɛ mɔ na nguru mɛ Nzapa ahɛ̃ mɔ.

Tito 1:3

Ko ngoi mɛ ndo bi mɛ lo ko ĩ lengbi ko, lo fa e na lege ti luangɔ du ti kaka ni na ya tɛnɛ tɛ lo mɛ lo zia na yamba ti mbi, ya mbi pa hɛ̃ azi. Ko adu nyɔ mɛ Nzapa mɛ Wa songɔ e ahɛ̃ mbi la.

Tito 2:14

Lo nvɛni lo ka ndo tɛrɛ lo na lo tɛ e, so tɔ̃ngɔ e na ya siɔ ye zu. Lo li ndo so ya, e du na vuru bɛ, e ti azi tɛ ni, wa e li anzɔ̃ kwa na gonvɛnɛ.

Aebreo 9:12

Ngoi mɛ Kristo ali bo fani kɔi ti buai ka ndo mɛ Santo sĩ nvɛni ko, ta lo mu ndo mɛnɛ tɛrɛ ato ngasã ngbaga, na mɛnɛ tɛrɛ ambɔngu bagara la lo lu na Nzapa ma. Kanda lo lu ndo Nzapa na mɛnɛ tɛrɛ lo nvɛni. Na lo ni la lo so e ti kaka buai.

1 Petro 2:24

Yezo Kristo nvɛni ayɔ ndo asiɔ ye tɛ e, lo kpi na ni ka ndo krusi ya, e ti nga ma awa kwáni mɛ tɛ la na lingɔ siɔ ye awe, ko e li ye na seni. Tɛrɛ ĩ ahã na lo ti kã mɛ ndo adɛ na lo.

1 Petro 3:18

Yezo Kristo nvɛni akpi ndo so ĩ. Lo kpi ndo bo fani kɔi so hãngɔ siɔ ye tɛ azi zingɔ. Lo mɛ ndo ta lo li siɔ ye ma ko, lo kpi ndo so songɔ asiɔ azi, wadila ĩ ti azi tɛ Nzapa. Azi aho ndo ngbonga tɛrɛ lo, kanda Nzapa aso ndo lo na nguru tɛ Tɔrɔ Santo.

1 Yoanɛ 4:10

Ko lo yengɔ ni adu nga so mɛ: Nzapa aye e kɔzoni, la lo to Nyi lo ya, lo ga, lo tiɔ sende ti siɔ ye tɛ e, wadila ni Nzapa ni ka lɛ ni ndo asiɔ ye tɛ e. Kanda ta e ndo la e ye Nzapa kɔzoni ma.

Suma 1:5

Yezo Kristo lo bɛta temwɛ tɛ Nzapa, lo kɔzo zo mɛ ndo lo so na pɛ kwa, lo nga Gbia tɛ agbia ti le sese. Lo li bɛ nga nzɔ̃ bɛ hɛ̃ ĩ, lo li bɛ nga ya, bɛ ĩ adu pii ma ke! Bɛ lo aye e, lo kpi ndo so hãngɔ siɔ ye tɛ e zingɔ.

Suma 5:9

Ala ndoye fana bia ya: “Mɔ lengbi ti mungɔ buku Kongbingɔ andã ni zingɔ. Ta sanga ma, aho ndo mɔ, Ko na lo ti kwá mɛ ndo mɔ kpi ko, Mɔ tɔ̃ ambanga azi hɛ̃ Nzapa. Azi mɛ mɔ tɔ̃ la ko, adu azi ti ale zu, Ti yanga kɔdɔrɔ zu, nga na ti lɛ sese zu.