1 Timɔte 2:5 - Fana Ngbangɔ 1987

⁵ Ta sanga ma, Nzapa bo kɔi, ko zo mɛ ndolɛkɛ popo tɛ lo na azi nga bo kɔi la Yezo Kristo

1 Timɔte 2:5 Iomraidhean Croise

Matie 1:1

Ĩ ba ili akotara Yezo Kristo mɛ tara Davidi, Davidi mɛ tara Abrahama lo mɛ:

Matie 1:23

“Wali mɛ ade li lo ngbɔ̃ amɛ gbanda ngɔ, lo dú gbanda nyi kɔli, Ko adi gbanda ili nyi ni ya, Emanuɛlɛ.” (Nda ili ni ko la: “Nzapa ndodu ndoni kɔi na e.”)

Luka 14:22

Ĩ ninga yakere ko, wa kwa adiri aga, apa hɛ̃ gbia ya: ‘Gbia, mbi li ye zu na se nyɔ mɔ, kanda ndo adɛ bo dɛngɔ.’

Yoanɛ 1:14

Tɛnɛ ni amu ndo tɛrɛ zo, lo ndodu ndo so popo tɛ e. Lo na nzɔ̃ bɛ ma wo ma, ko lo fa nga e na beta lo tɛ Nzapa zu. E hũ ndo ndima tɛ lo mɛ ndo To lo Nzapa ahɛ̃ lo, na lo mɛ ya, lo ngbongi Nyi.

Yoanɛ 17:3

Du ti kaka mɛ ala lua afa ya, ala hĩnga mɔ mɛ bo mɔ kɔi la bɛta Nzapa, ala hĩnga nga mbi Yezo Kristo mɛ mɔ to mbi ge lɛ sese.

Awa Pangɔ Kwa 4:12

Bo Yezo kɔi la ndoso azi, ta sanga ma, na le sese zu ko, ta Nzapa ato hɛ̃ e zo mɛ ndɛ̃ ya, e so na lo tɛ lo ma.”

Roma 1:3

Nzɔ̃ Pa ni adu na lo tɛ Nyi lo Yezo Kristo mɛ Gbia tɛ e. Lo mu ndo tɛrɛ zo, lo ndo tara gbia Davidi.

Roma 10:12

Na lo ni ko, Ayuda na azi mɛ ta Ayuda ma adu bo kwe kɔi. Gbia tɛ la zu bo kɔi, lo la lo ndoli anzɔ̃ lo hɛ̃ azi zu mɛ ndoili lo ya, lo za ani.

1 Kɔrinto 8:4

Ĩ hũnda ndo mbi na lo ti sa mɛ alu na angbilondo ya, zo alengbi ti tɛngɔ ni, bere ta lo lengbi ti tɛngɔ ni ma? E hĩnga nzɔ̃ni ya, angbilondo adu agɛgɛrɛ ye ge lɛ sese. Ko e hĩnga nga nzɔ̃ni ya, Nzapa bo kɔi.

1 Kɔrinto 8:6

Abɛ nga so ko, e hĩnga tɛ e ya, Nzapa bo kɔi, lo To e, lo li aye kwe zu, ko e azi tɛ lo. Gbia tɛ e nga bo kɔi, lo la Yezo Kristo. Nzapa ali ndo aye zu ti ndo lo, ko na lo tɛ lo nga la e ndodu lɛ e ngɛ̃.

Galatia 3:20

Na se mɛ e hĩnga ko, zo la ndolɛkɛ popo tɛ azi. Kanda na ngoi mɛ ndo Nzapa ako kapa hɛ̃ Abrahama ko, lo nvɛni ndo la lo ko kapa ni. Ta lo ko ndo kapa ni ti ndo wa lɛkɛngɔ popo tɛ lo na azi ma.

Efɛzɛ 4:6

Nzapa bo kɔi, lo To azi zu, lo ndole gbia na ndo azi zu, lo ndoli kwa tɛ lo na se kɔdɛ zu, lo ndodu nga na ya bɛ azi tɛ lo zu.

1 Timɔte 6:13

Na ili Nzapa mɛ ndohɛ̃ dungɔ lɛ ngɛ̃ hɛ̃ aye zu, nga na ili Yezo Kristo mɛ ndo apa nzɔ̃ lo ni na gbɛlɛ Pɔnse Pilato ko, mbi hɛ̃ mɔ nyɔ ya,

Aebreo 12:24

Ĩ i nga tɛrɛ ĩ ka tɔ̃ Yezo mɛ alɛkɛ popo tɛ Nzapa na azi, na lege ti fana ngbangɔ. Lo ndo la mɛnɛ tɛrɛ lo asa so kpongɔ asiɔ ye tɛ ĩ. Mɛnɛ ni ko afa e na lo mɛ nzɔ̃ni buai aɔ lo mɛ ndo mɛnɛ tɛ Abɛlɛ afa na e.

Aebreo 7:25

Na lo ni la lo lengbi ti songɔ azi mɛ ndoi tɛrɛ la ka tɛ Nzapa ti ndo lo. Lo lengbi ti songɔ la ti buai, ta sanga ma, lo ndongbã lɛ lo ngɛ̃ buru na buru so sambelangɔ Nzapa na lo tɛ la.

Aebreo 8:6

Ko na olo ko, Nzapa ahɛ̃ Yezo kwa mɛ aɔ kwa tɛ awa lungɔ Nzapa na ye. Ta sanga ma, Yezo la alɛkɛ popo tɛ Nzapa na azi na lege ti fana ngbanga mɛ aɔ ngbangɔ ti uzu. Ko na lo ti fana ngbangɔ ni ko la Nzapa ako hɛ̃ e anzɔ̃ kapa mɛ aɔ akapa ti uzu.

Aebreo 9:15

Na lo ni la Kristo adu wa lɛkɛngɔ popo tɛ Nzapa na azi na lege ti fana ngbanga. Lo li so ya, azi mɛ ndo Nzapa aili la ko, ala lua anzɔ̃ lo mɛ lo Nzapa lo ko kapa ni hɛ̃ la. Ko anzɔ̃ lo ni ko na ngbãngɔ ti la ti buai. Ala lengbi ti luangɔ anzɔ̃ lo ni, na lo mɛ ya, Kristo akpi ndo so tɔ̃ngɔ azi mɛ ndo ali asiɔ ye na ngoi ti ngbina ngbanga.

1 Yoanɛ 2:1

Aya mbi, mbi su mbɛti olo hɛ̃ ĩ ya, ta ĩ li siɔ ye ma. Wa se zo ali siɔ ye ko, ale e hĩnga ya, wa lɛngɔ kongba tɛ e ka gbɛlɛ To e Nzapa da. Ili lo la Yezo Kristo, lo bɛta zo.

Suma 1:13

Mbi hũ mbanga ye mɛ akpa zo, alo so ndo bɛ gɛrɛ wá ko mbara mbara. Zo ni ayu bɔngɔ mɛ asa ka ndo papu gɛrɛ lo, agbe gba mɛ alɛkɛ na wɔrɔ na li bɛ lo.