1 Timɔte 2:4 - Fana Ngbangɔ 1987

⁴ Andode bɛ lo, na lo mɛ ya, lo ye ya, ni so azi zu, ko ala hĩnga nga bɛta lo tɛ ni.

1 Timɔte 2:4 Iomraidhean Croise

Matie 28:19

Wa ĩ gwe ka tɛ azi ti lɛ sese zu, ĩ li ya, ala ti ava mbi. Ĩ hɛ̃ la batisimɔ na ili To mbi Nzapa, na ili mbi Nyi lo, nga na ili Tɔrɔ Santo.

Marko 16:15

So pɛni, lo pa hɛ̃ la ya: “Ale ĩ gwe ka le sese kwe, ĩ pa Nzɔ̃ Pa hɛ̃ azi zu.

Luka 1:77

Nga so fangɔ na azi tɛ lo ya, ala hĩnga ya, Ni na kangɔ lɛ ni ndo asiɔ ye tɛ la, Ko ni nga na songɔ la.

Luka 14:23

La gbia apa hɛ̃ wa kwa tɛ lo ya: ‘Nɔ ka ta lege mɛ aɔ na le yaka, nɔ nga ti tɛrɛ gbágbá, mɔ hɛ̃ nyɔ hɛ̃ azi, ala ga ge ya da tɛ mbi, wadila ya da ni asĩ.

Luka 24:47

Ko ale ato nda pangɔ lo tɛ lo uzu ka Yeruzalɛmɛ. So pɛni, apa nga ni hɛ̃ azi ti lɛ sese zu, so ilingɔ azi ya, ala gbinya bɛ la, ko Nzapa aka lɛ lo ndo siɔ ye tɛ la.

Yoanɛ 14:6

Yezo agbinya hɛ̃ lo ya: “Mbi nga ma lege mɛ agwe ka tɛ To mbi, mbi beta lo tɛ Nzapa, mbi ndohɛ̃ nga beta du. Zo ko la aye singɔ ka tɛ To mbi ko, ale lo ɔ uzu ti ndo mbi.

Yoanɛ 17:17

Ha la na beta lo tɛ mɔ, wa ala ti azi tɛ mɔ biani. Tɛnɛ tɛ mɔ ndofa beta lo.

Yoanɛ 6:37

Azi ko la To mbi ahɛ̃ la hɛ̃ mbi ko, ala na gangɔ ge tɛ mbi, ko ta mbi na kɛ̃ngɔ zo kɔi ko la na gangɔ ge tɛ mbi bɛ gbɔ ma.

Roma 11:14

se alengbi ko, mbi li ya, Ayuda mɛ na ale tɛ mbi adu na sɔbɛrɛ, wadila Nzapa aso ambanga na popo tɛ la, na lo ti kwa tɛ mbi.

1 Timɔte 4:10

Ĩ ba nda mɛ e ndoli kwa kpengbani sĩ la. Ta sanga ma, e ndolɛndɛrɛ Nzapa mɛ lɛ lo ngɛ̃, lo mɛ Wa songɔ azi zu, lo mɛ lo ndoso mai bo awa yengɔ lo tɛ Yezo Kristo.

2 Timɔte 2:25

Azi ko ndokɛ̃ tɛnɛ tɛ lo ko, ale lo ha la na lo tɛ Nzapa na dede bɛ. Ale lo ha na la, wa bere na mbanga lá kɔi gbanda, se Nzapa azi lege hɛ̃ la, wadila ala gbinya bɛ la, aye bɛta lo tɛ Nzapa.

2 Timɔte 3:7

awe mɛ ndogi ngoi zu ya, ani hĩnga ye, kanda ta ala lengbi ti hĩngangɔ bɛta lo tɛ Nzapa bɛ gbɔ ma.

Tito 1:1

Mbi Polo mɛ wa kwa tɛ Nzapa, mbi mɛ nga wa pangɔ kwa tɛ Yezo Kristo la mbi to mbɛti olo hɛ̃ mɔ Tito. Mbi bala mɔ. Nzapa ahɛ̃ mbi kwa ya, mbi za azi tɛ ni mɛ ni sara la ni kpa. Mbi ndoza la ya, ala ye lo tɛ lo, ala hĩnga nga bɛta lo mɛ ndofa sé du mɛ ndode bɛ lo.

Tito 2:11

Ale du tɛ azi tɛ Nzapa adu gi tɛrɛ oko, ta sanga ma, Nzapa afa nzɔ̃ bɛ tɛ lo so songɔ azi zu.

Aebreo 10:26

E hĩnga bɛta lo tɛ Nzapa, wa se e baba bo lingɔ siɔ ye na sana ko, ta ye mɛ ndɛ̃ mɛ e lengbi ti mungɔ, lungɔ na Nzapa, ya aonzi asiɔ ye tɛ e da ma.

Zaki 3:14

Kanda se ĩ du na siɔ sɔbɛrɛ ka ya bɛ ĩ na tɛrɛ afɔ̃ ĩ, ko se ĩ gi kɔdɛ ya, ĩ nvɛni ĩ du nzɔ̃ni aɔ la ko, ta ĩ yakɛ se tɛrɛ ĩ ya, ĩ awa ndara ma, ko ta ĩ mu nga se bɛta lo ya adu nvɛnɛ ma.

2 Petro 3:9

Ambanga azi ndoda bɛ la ya, Gbia ndondanga tɛrɛ lo na lingɔ aye mɛ ndo lo ko kapa ni. Ipɔ, ta seni la ma! Lo na lingɔ aye mɛ ndo lo ko kapa ni. Kanda lo na yɔngɔrɔ bɛ na ndo ĩ, na lo mɛ ya, ta lo ye ya, zo kɔi ayu ndo ma. Kanda lo ye tɛ lo ya, azi zu agbinya bɛ la.

2 Yoanɛ 1:1

Mbi mɛ kangba ti Eklezia la mbi su mbɛti olo hɛ̃ mɔ zo wali mɛ Nzapa asara mɔ akpã mɔ ya, mɔ du zo tɛ ni. Mbi su nga ni hɛ̃ aya mɔ mɛ mbi ye la na bɛ mbi kɔi. Mbi bala ĩ. Ta bo mbi kɔi la mbi ye ĩ ma, kanda azi zu mɛ ahĩnga bɛta lo tɛ Nzapa aye nga ĩ.

Suma 14:6

Mbi hũ angelo mɛ ndɛ̃ so ndoɔ ka lɛ ndozu yanga yenge. Lo ndoɔ so pangɔ hɛ̃ azi ti lɛ sese Nzɔ̃ Pa mɛ ndongbã kaka. Lo ndoɔ so pangɔ Nzɔ̃ Pa ni hɛ̃ azi ti lɛ sese zu, ti ale zu, nga na ti yanga kɔdɔrɔ zu.