1 Timɔte 2:3 - Fana Ngbangɔ 1987

³ Ĩ ba sambela mɛ Nzapa mɛ Wa songɔ e ndohũ ka le lo nzɔ̃ni, ko ndode nga bɛ lo la.

1 Timɔte 2:3 Iomraidhean Croise

Luka 1:47

Ko bɛ mbi ndode sĩ na lo tɛ Nzapa Wa songɔ mbi.

Roma 14:18

Zo ko la ndoli kwa hɛ̃ Nzapa so ko, bɛ Nzapa ndode na lo tɛ lo, ko azi ndogonda nga lo.

Filipɛ 1:11

Ĩ na lingɔ bo abɛta ye, na lo nguru tɛ Yezo Kristo. Wa na lo ni ko, azi agonda Nzapa, atɔndɔ nga lo.

Filipɛ 4:18

Aye zu mɛ ndo ĩ to hɛ̃ mbi na Epafroditɛ ko, mbi lua ni na olo, ko aye ni aɔ maka. Aye zu mɛ ndo mbi na gwɛ̃ ni ko, alengbi zu. Aye ko ndo ĩ to ko, adu nga ma aye mɛ na nzɔ̃ finya, aye mɛ alu na Nzapa, la lo ye ni, ko bɛ lo ndode na lo ni.

Kɔlɔsɛ 1:10

wa se mɛ ĩ du du mɛ Gbia Yezo aye, ko ĩ li nga ye zu mɛ ndode bɛ lo la. Ĩ na lingɔ anzɔ̃ ye ndɛ̃ ndɛ̃ ndɛ̃, ko ĩ nga na hĩngangɔ Nzapa ɔngɔ ti uzu.

1 Tɛsalɔnikɛ 4:1

Aya bua, e na kɔngɔ nda mbɛti tɛ e so mɛ: ndo uzu ko, e ha ĩ na se li ye mɛ ndode bɛ Nzapa, ko e hĩnga ya, ĩ ndodu nga so biani. Ko na olo ko, e gbɔ̃ gɛrɛ ĩ ka ka ka na ili Gbia Yezo ya, ĩ ti du nzɔ̃ni aɔ ndo ti uzu.

1 Timɔte 1:1

Mbi Polo mɛ Nzapa na Yezo Kristo ahɛ̃ nyɔ hɛ̃ mbi ya, mbi du wa pangɔ kwa tɛ Yezo Kristo, la mbi to mbɛti olo hɛ mɔ Timɔte mɛ mɔ nga ma bɛta nyi mbi, na lo mɛ ya, mɔ ye lo tɛ Yezo Kristo. Nzapa la aso e, ko Yezo Kristo la e ndolɛndɛrɛ lo. Mbi bala mɔ. To e Nzapa na Gbia tɛ e Yezo Kristo ali bɛ nzɔ̃ bɛ hɛ̃ mɔ, ama bɛ vundu tɛ mɔ, ali bɛ nga ya, bɛ mɔ adu pii ma ke!

1 Timɔte 4:10

Ĩ ba nda mɛ e ndoli kwa kpengbani sĩ la. Ta sanga ma, e ndolɛndɛrɛ Nzapa mɛ lɛ lo ngɛ̃, lo mɛ Wa songɔ azi zu, lo mɛ lo ndoso mai bo awa yengɔ lo tɛ Yezo Kristo.

1 Timɔte 5:4

Kanda se we muã adu na aya lo, bere na atara lo da ko, uzu ale ala hĩnga lingɔ ye mɛ ndode bɛ Nzapa, na tɛrɛ azi ti nda se wa tɛ la nvɛni. Ale ala bata nga awa dúngɔ la, nga ma se mɛ ndo awa dúngɔ la abata na la, ta sanga ma, ye mɛ nzɔ̃ni ka lɛ Nzapa la.

2 Timɔte 1:9

Lo la lo so e, lo nga la lo ili e ya, e du azi tɛ ni. Ko ta lo so e, lo ili nga e na lo ti anzɔ̃ kwa mɛ e li ma, kanda lo li ndo so na se bɛ lo nvɛni, nga na nzɔ̃ bɛ tɛ lo. Uzu ti lo lingɔ sese ko, lo hɛ̃ ndo nyɔ lo ya, ni na lingɔ nzɔ̃ bɛ hɛ̃ e ti ndo Yezo Kristo.

Aebreo 13:16

Ale ĩ ndoli anzɔ̃ lo na tɛrɛ afɔ̃ ĩ, ale ĩ ndoza nga afɔ̃ ĩ na aye mɛ ĩ na ni. Ta bɛ ĩ ali na lingɔ aye ni ko ma. Ta sanga ma, aye ni ko adu nga ma aye mɛ ĩ mu, ĩ lu na Nzapa. Ko aye ni ko la ndode bɛ Nzapa.

1 Petro 2:20

Ta sanga ma, se ĩ li ye mɛ siɔni, ahɛ̃ ĩ pɛnɔ na lo ni, ko bɛ se ĩ gbe bɛ ĩ ko, ta zo alengbi ti gondangɔ ĩ ma. Kanda se ĩ li ye mɛ nzɔ̃ni, ahɛ̃ ĩ pɛnɔ na lo ni, wa se ĩ gbe bɛ ĩ ko, adu nzɔ̃ni ka lɛ Nzapa.

1 Petro 2:5

Ĩ mɛ ĩ lua bɛta du, ĩ nga ĩ du nga ma atɛnɛ ko, ĩ i tɛrɛ ĩ ka tɔ̃nda Nzapa, wa lo mu ĩ, lo wa na da mɛ Tɔrɔ Santo ndodu da. Lo nga na kpãngɔ ĩ ka ya da ni ya, ĩ du abɛta awa lungɔ Nzapa na ye, ko ĩ lu lo na aye na bɛ ĩ kɔi ti ndo Yezo Kristo, wadila aye ni ko adɛ bɛ lo.