1 Timɔte 2:15 - Fana Ngbangɔ 1987

¹⁵ Abɛ nga so ko, se wali angbã bo na yengɔ lo tɛ Nzapa, na yengɔ afɔ̃ lo azi, na lingɔ ye mɛ ndode bɛ Nzapa, nga na lingɔ ye ya, ta gwɛ̃ tɛ lo agbɔ̃ akɔli ma ko, lo na songɔ kwá, na ngoi ti lo dúngɔ nyi.

1 Timɔte 2:15 Iomraidhean Croise

Luka 2:7

Ta ala lua ndo ka ya da tɛ awa fɔnɔ ma, la ala nɔ ka ya da ti batangɔ asa. Ala ĩ si kai ko, Maria adú kɔzo nyi lo ti kɔli. Lo gana lo na bɔngɔ, lo kpa lo so ndo sã, na ya ku ti tɛ tɛ asa.

1 Kɔrinto 12:23

Apɛnzɛ tɛrɛ mɛ ta e ndohũ ni ngbondoni ma ko, e ndobata ni nzɔ̃ni aɔ ala mɛ ndɛ̃. Apɛnzɛ tɛrɛ mɛ e ndoma kamɛnɛ na lo ni ko, e ndobata ni nzɔ̃ni sĩ.

1 Timɔte 1:14

Gbia tɛ e Yezo Kristo ali nzɔ̃ bɛ tɛ lo ma wo ma hɛ̃ mbi, lo zi lege hɛ̃ mbi, la mbi ye lo tɛ lo, mbi ye nga lo.

1 Timɔte 1:5

Mbi pa hɛ̃ mɔ ya, mɔ gbanzi la, wadila ala ye afɔ̃ la. Ti nɛngɔ ya, ala ye afɔ̃ la ko, ale bɛ la adu vuruni, ale ala li ye mɛ ala hĩnga ya adu nzɔ̃ni, ale ala ye nga lo tɛ Nzapa na bɛ la kɔi.

1 Timɔte 2:9

Wa tɛ awe ko, mbi ye nga ya, ala yu bɔngɔ na se mɛ alengbi, nga na se mɛ nzɔ̃ni, ala yu bɔngɔ ni na se mɛ ya, ta gwɛ̃ tɛ la agbɔ̃ akɔli ma. Ale ta ala fua li la na se kɔdɛ mɛ ya, le azi asa tɛrɛ la ma. Ta ala fua tɛrɛ la na anzɔ̃nzɔ̃ ye mɛ alɛkɛ na wɔrɔ ma. Ta ala fua nga tɛrɛ la na lenge, bere na bɔngɔ ti kota ngere ma.

Tito 2:12

Nzɔ̃ bɛ ni ndoha e na kɛ̃ngɔ siɔ du, nga na kɛ̃ngɔ gwɛ̃ ti aye ti lɛ sese ya, so lɛ sese olo ko, e li ye na nyɔ kpɔ̃ ni, e li bɛta ye, e li nga ye mɛ ndode bɛ Nzapa.

1 Petro 4:7

Angbã yakere, nda aye zu akɔ. Na lo ni ko, í du na kɔdɛ, ĩ́ du na kpengba lɛ, wadila ĩ sambela Nzapa na seni.