1 Timɔte 2:1 - Fana Ngbangɔ 1987

¹ Tɛnɛ ti uzu mɛ mbi na wangɔ na ĩ awa Kristo lo mɛ: ĩ sambela Nzapa na lo tɛ azi zu, ĩ vɔrɔ tɛrɛ ĩ hɛ̃ lo na lo tɛ la ya, lo za la, ĩ́ hɛ̃ nga lo sia kɔli na lo tɛ la.

1 Timɔte 2:1 Iomraidhean Croise

Awa Pangɔ Kwa 17:30

Ndo uzu ko, ta azi ahĩnga Nzapa ma, la ala ndovɔrɔ angbilondo, ko ta Nzapa ti de kpa bɛ lo na ndo ngoi ni ko ma. Kanda na olo ko, lo ndoili azi zu, na ndo kwɛ zu mɛ ge lɛ sese ya, ala gbinya bɛ la.

Roma 1:8

Uzu ti tongɔ nda tɛnɛ tɛ mbi ko, mbi hɛ̃ sia kɔli ti ndo Yezo Kristo hɛ̃ To mbi Nzapa na lo tɛ ĩ zu. Ta sanga ma, na lɛ sese zu ko, azi ndopa lo ti lo yengɔ tɛ ĩ.

Roma 6:17

E gonda Nzapa, ta sanga ma, ndo uzu ko, ĩ ndo ambɛ ti lingɔ siɔ ye, kanda na olo, ĩ ndoma nyɔ Nzapa na be ĩ kɔi, ko ye mɛ aha na ĩ ko, ĩ ndoli ni na seni.

1 Kɔrinto 15:3

Mbi ha ndo ĩ na ngbondo lo mɛ aɔ ndo alo zu, ko Yezo Kristo ndo la aha mbi na ngbondo lo ni ko. Ngbondo lo ni lo mɛ: Yezo Kristo akpi so hãngɔ siɔ ye tɛ e, nga ma se mɛ asu na ni ka ya Buku tɛ Nzapa.

2 Kɔrinto 8:6

Nda mɛ ndo e gbɔ̃ gɛrɛ Tito ya, lo nɔ ka tɛ ĩ, lo kɔ nda nzɔ̃ kwa mɛ ndo lo to nda ni kai la.

Efɛzɛ 3:13

La mbi gbɔ̃ gɛrɛ ĩ ya, ta ĩ nzɛ̃ na lo ti pɛnɔ mɛ mbi ndohũ so ĩ ma. Ta sanga ma, se zo ahũ pɛnɔ so ĩ ko, adu kota ndima na lo tɛ ĩ.

Efɛzɛ 5:20

Ngoi zu ko, ale ĩ ndohɛ̃ sia kɔli hɛ̃ To e Nzapa, na ili Gbia tɛ e Yezo Kristo na lo ye zu.

Efɛzɛ 6:18

Ĩ li aye olo zu na sambelangɔ Nzapa, ko ĩ hũnda lo ya, lo za ĩ. Ale ĩ sambela Nzapa ngoi zu, nga ma se mɛ Tɔrɔ Santo afa na ĩ. Na lo ni ko, ĩ du na kpengba lɛ, ta ĩ nzɛ̃ nga bɛ fani kɔi ma. Ale ĩ sambela hɛ̃ azi tɛ Nzapa zu.

Filipɛ 1:3

Ngoi zu mɛ mbi ndoda bɛ mbi na ĩ ko, mbi ndohɛ̃ sia kɔli hɛ̃ Nzapa na lo tɛ ĩ zu.

Filipɛ 4:6

Ta be ĩ angbã ngbũ na lo ye kɔi ma, kanda na ya alo zu mɛ asi na ĩ ko, ĩ hũnda Nzapa ya, lo hɛ̃ ĩ ye mɛ ĩ na gwɛ̃ ni, ko ĩ hũnda lo na ya sambela tɛ ĩ, ĩ hũnda nga lo na hɛ̃ngɔ lo sia kɔli.

1 Tɛsalɔnikɛ 3:12

Gbia tɛ e Yezo Kristo ali bɛ ya, ĩ ti ĩ yengbi aɔ ti uzu, ko ĩ ye nga azi mɛ ndɛ̃ zu aɔ ndo ti uzu ma ke! Lo li bɛ nga ya, ĩ ye la, nga ma se mɛ e ndoye na ĩ ma ke!

2 Tɛsalɔnikɛ 1:3

Aya bua, ale e ndohɛ̃ sia kɔli hɛ̃ Nzapa ngoi zu na lo tɛ ĩ. Adu nzɔ̃ni ya, e li so, ta sanga ma, ĩ ndoye lo tɛ Yezo Kristo aɔ ndo ti uzu, ko yengbingɔ tɛ ĩ andomai bo maingɔ.

1 Timɔte 2:4

Andode bɛ lo, na lo mɛ ya, lo ye ya, ni so azi zu, ko ala hĩnga nga bɛta lo tɛ ni.

1 Timɔte 5:5

Wali mɛ we muã nvɛni, ko ta zo ti zangɔ lo da ma ko, lo ndolɛndɛrɛ Nzapa, ta lo ndonzɛ̃ na vɔrɔngɔ Nzapa, nga na hũndangɔ lo bi na lá ya, lo za ni ma.

2 Timɔte 2:24

Kanda ale ta wa kwa tɛ Gbia Yezo apa pa ma, ale lo ndoli tɛ lo nzɔ̃ ye hɛ̃ azi zu, lo hĩnga hangɔ lo tɛ Nzapa, lo du nga na yɔngɔrɔ bɛ.

Tito 2:11

Ale du tɛ azi tɛ Nzapa adu gi tɛrɛ oko, ta sanga ma, Nzapa afa nzɔ̃ bɛ tɛ lo so songɔ azi zu.

Tito 3:2

Pa hɛ̃ la ya, ta ala tɛnɛ tɛnɛ siɔni na ili zo ma. Ale ala du na mangbingɔ, ali afɔ̃ la nzɔ̃ni, ali ye ngoi zu na tɛrɛ azi zu na dede bɛ.

Aebreo 6:11

Kanda e ndosepara ya, zo kɔi kɔi na popo tɛ ĩ ali kwa ni na gonvɛnɛ, ko lo li bo ni ngbĩi asi ka nda ni, wa gbanda aye zu mɛ ĩ ndolɛndɛrɛ ko, ĩ lua ni zu na seni.

Zaki 5:16

Ale ĩ pa siɔ ye tɛ ĩ hɛ̃ afɔ ĩ awa Kristo, ĩ sambela na lo tɛ la, ala sambela nga na lo tɛ ĩ, wa se mɛ Nzapa asara ĩ la. Ta sanga ma, sambela mɛ bɛta zo ndosambela na bɛ lo kɔi ko, andodu na nguru sĩ.