1 Timɔte 1:9 - Fana Ngbangɔ 1987

⁹ E hĩnga nga ya, ta Nzapa alu ndia na lo tɛ abɛta azi ma, kanda lo lu ni na lo tɛ asiɔ azi, azi mɛ ndosaba tɛrɛ lo, azi mɛ ndokɛ̃ nyɔ lo, azi mɛ ta ndokpe lo, ndokpe nga aye mɛ Santo ma, azi mɛ na siɔ bɛ, azi mɛ ndoho to la bere ta la, azi mɛ ndokpɔ azi,

1 Timɔte 1:9 Iomraidhean Croise

Matie 10:21

“Ambanga azi na kangɔ ayata la nvɛni ya, aho la. Ato ayangambi na lingɔ aya la nga so, ayangambi na sabangɔ tɛrɛ awa dúngɔ la, ala nga na kangɔ awa dúngɔ la ya, aho la.

Roma 1:30

ala ndotɛnɛ tɛnɛ siɔni na ili afɔ̃ la. Ala ndokɛ̃ Nzapa ka ka ka, ala ndoguru afɔ̃ la, ala awa yakɛ, ala ndogonda tɛrɛ la, ala ndosi na fana lege ti lingɔ siɔ ye. Ta ala ndoma nga nyɔ awa dúngɔ la ma,

Roma 4:13

Nzapa ako ndo kapa hɛ̃ Abrahama na atara lo ya, ni na hɛ̃ngɔ la sese, ya ala ti anvɛ̃ ni. Ko ta lo ko ndo kapa ni hɛ̃ Abrahama, na lo mɛ ya, Abrahama atɔndɔ ndia ma, kanda adu na lo mɛ ya, Nzapa amu lo ka lɛ lo ya, lo bɛta zo, na lo ti lo yengɔ tɛ lo.

Roma 5:20

Nzapa alu ndo ndia ya, na lo ni ko, siɔ ye tɛ azi ati ma wo ma. Ko ndo ko la azi ali siɔ ye da sĩ ko, ndo mɛ nga Nzapa ali nzɔ̃ bɛ hɛ̃ azi da sĩ la.

Roma 6:14

Ta siɔ ye na nguru ndo ĩ ma, na lo mɛ ya, ta ĩ na gbe ti ndia ma, kanda ĩ du azi mɛ Nzapa ali nzɔ̃ bɛ hɛ̃ ĩ.

Galatia 3:19

Wa Nzapa alu ndo ndia hɛ̃ e Ayuda ya nɛ? Lo lu ndo ndia hɛ̃ e so fangɔ e na aye mɛ ta ndode bɛ lo ma. Ta lo lu ndia ni ya, angbã buai ma, lo lu ndo ndia ni ko so kungɔ na tara Abrahama mɛ ndo lo ko kapa hɛ̃ lo. Adu ti ndo aangelo ndo la Nzapa alu ndia ni hɛ̃ azi, ko zo kɔi alɛkɛ ndo popo tɛ Nzapa na azi.

Galatia 5:18

Se Tɔrɔ Santo afa ĩ na lege ti lingɔ ye ko, afa ya, ta ndia na nguru ndo ĩ ma.

Galatia 5:21

dungɔ na gwɛ̃ ti ye tɛ zo, nyɔngɔ kana ɔngɔ nyɔ kpɔ̃ ni, lingɔ ye zu ɔngɔ nyɔ kpɔ̃ ni, lingɔ nga gi tɛrɛ asiɔ ye olo. Wa mbi tisa ĩ na olo, nga ma se ko ndo mbi pia mbi tisa na ĩ uzu ya, azi ko la ndoli asiɔ ye ko la ko, ta ala si gbanda ka Kɔdɔrɔ Gbia tɛ Nzapa ma.

Galatia 5:23

adu adede azi, afɔ̃ bɛ la. Ti biani ko, ta ndia akɛ̃ aye ni ko ma!

2 Tɛsalɔnikɛ 2:8

Siɔ Zo ni ko aga gbanda na nguru tɛ Satana. Ko lo li gbanda aye ti kpɛnɛ ndɛ̃ ndɛ̃ ndɛ̃, nga na aye ti ndima mɛ adu aye ti nvɛnɛ. Lo li gbanda asiɔ ye na se kɔdɛ ndɛ̃ ndɛ̃ ndɛ̃ so handangɔ azi mɛ gbanda Nzapa asa la ka lifɛlo. Nzapa asa la gbanda kai, na lo mɛ ya, ala ndokɛ̃ yengɔ lo bɛta lo tɛ lo. Se adu ya, ala ye ni ko, ale Nzapa aso la. Siɔ Zo ni ali gbanda aye ko zu, ko na ngoi mɛ gbanda Gbia Yezo adiri aga na ndima tɛ lo ko, lo ulu gbanda mbo tɛrɛ Siɔ Zo ni, ko mbo ni aho lo.

1 Timɔte 4:7

Wa abuba tɛnɛ ti mbaye mɛ ta ndode bɛ Nzapa ma ko, ta mɔ ye ni ma. Li kpengbani ya, du tɛ mɔ ade bɛ Nzapa.

1 Timɔte 6:20

Ee Timɔte, ló mɛ Nzapa azia na yamba ti mɔ ko, bata ni nzɔ̃ni. Gɛgɛrɛ tɛnɛ, na tɛnɛ mɛ ta ndode bɛ Nzapa ma ko, ta mɔ dɔ nyɔ mɔ ya ni ma. Ta mɔ dɔ nga nyɔ mɔ na ya lo ti nvɛnɛ mɛ azi ndoha ma. Ala ndoili lo ni ko ya, adu hĩngangɔ ndo. Kanda ta adu bɛta hĩngangɔ ndo ma.

2 Timɔte 2:16

Gɛgɛrɛ tɛnɛ, na tɛnɛ mɛ ta ndode nga bɛ Nzapa ma ko, ta mɔ yɔrɔ nyɔ mɔ da ma. Ta sanga ma, azi ko la ndotɛnɛ gi tɛrɛ atɛnɛ ni ko, ala ndoyu lege tɛ Nzapa, agwe yɔngɔrɔni.

2 Timɔte 3:2

Na ngoi ko gbanda ko, azi adu gbanda awa kinya, awa gwɛ̃ faranga, awa gwalo, awa yakɛ. Ala guru gbanda Nzapa, ala kɛ̃ gbanda nyɔ awa dúngɔ la. Ta ala hĩnga gbanda nzɔ̃ lo mɛ Nzapa ali tɛrɛ la ma. Ta ala tɔndɔ nga gbanda ye mɛ santo ma.

Tito 1:10

Ale mɔ kpã awa batangɔ Eklezia, na lo mɛ ya, azi gba, mai bo Ayuda la ta ndoma nyɔ ma, ko ala ndohanda azi na abuba tɛnɛ.

Tito 1:16

Ala ndopa ya, ani hĩnga Nzapa, kanda ye mɛ ala ndoli ndofa ya, ta ala hĩnga lo ma. Ala abɛta asiɔ azi, ta ala ndoma nyɔ ma, ta ala lengbi nga ti lingɔ nzɔ̃ ye kɔi ma.

Tito 1:6

Ale kangba ti Eklezia adu zo mɛ ta ndoli ye mɛ alengbi ti belangɔ lo na lo ni ma. Ale lo du na wali bo kɔi, ale aya lo adu awa Kristo, ale se li ye tɛ la adu nzɔ̃ni, ko ala du nga awa mangɔ nyɔ.

Tito 3:3

Ta sanga ma, ndo uzu ko, e ndo awa buba, ta e ndoma ndo nyɔ ma, e yu ndo lege. E ti ndo ambɛ ti gwe ye ndɛ̃ ndɛ̃ ndɛ̃, e nga ndo na gwɛ̃ ti aye ndɛ̃ ndɛ̃ ndɛ̃ mɛ ndode bɛ zo. E ndo asiɔ azi, e ndo na gwɛ̃ ti ye tɛ afɔ̃ e. E ndokɛ̃ngbi ndo,

Aebreo 11:31

Rahaba ndo ngbabo, lo ye ndo lo tɛ Nzapa, lo yamba ndo awa Izrayɛlɛ mɛ awa ginɔ, lo li la nzɔ̃ni. Ko na lo ni ndo la, na ngoi mɛ awa Izrayɛlɛ aga so kpɔngɔ azi mɛ akɛ̃ nyɔ Nzapa ko, ta ala ho ndo Rahaba ma.

Aebreo 12:16

Ĩ du na kpengba lɛ, so zo ali siɔ ye ti kamɛnɛ, bere so lo samana na ló tɛ Nzapa. Se zo ali nga so ko, lo ti nga ma Ezau mɛ ndo asamana na ló ti kɔzo tɛ lo mɛ na tɛrɛ lo. Lo mu ndo ló ti kɔzo ni, lo vɔ̃ na sɛmbɛ ti tɛ kɔi ka ti ngambi lo, lo tɛ.

1 Petro 2:7

Ĩ azi mɛ ĩ ye lo tɛ tɛ́nɛ ni ko, ĩ ndohũ ni ka le ĩ ngbondoni. Wa azi ko la akɛ̃ yengɔ lo tɛ tɛ́nɛ ni ko, ala ndohũ ni ka lɛ la gɛgɛrɛ, nga ma se mɛ asu ka ya Buku tɛ Nzapa ya: “Tɛ́nɛ mɛ ndo awa wangɔ da akɛ̃ abi ko, Ni la ati tɛ́nɛ ti nda ngɔrɔ da.”

1 Petro 3:20

Adu atɔrɔ tɛrɛ azi ti uzu mɛ ndo akɛ̃ nyɔ Nzapa na ngoi mɛ ndo Noa alɛkɛ na masua. Ko Nzapa agbe ndo bɛ lo, lo ku la ya, ala gbinya bɛ la. Kanda bo azi miambe gɛgɛrɛ ndo la ali ya masua, la aso kwa ti ngu.

1 Petro 4:18

Asu ka ya Buku tɛ Nzapa ya: “Adu kpengbani ya, abɛta azi aso. Wa oko la adu nga so ko, songɔ tɛ asiɔ azi na awa lingɔ asiɔ ye adu gbanda kpengbani buai nvɛni!”

Yudɛ 1:15

Lo ga gbanda na la ya, ni fa ngbanga tɛ azi zu, ni hɛ̃ nga etumbu hɛ̃ asiɔ azi zu na lo ti asiɔ ye zu mɛ ala li, nga na lo ti asiɔ tɛnɛ zu mɛ ala tɛnɛ tɛrɛ Nzapa, na ngoi mɛ ndo ala kɛ̃ mangɔ nyɔ lo.”

Suma 21:8

Wa adu tɛ azi mɛ ta ala na mimi bɛ ma, na azi mɛ akɛ̃ tɛnɛ tɛ Nzapa, na azi mɛ siɔ ye ako ndo bɛ la, na awa hongɔ azi, na awa lingɔ siɔ ye ti kamɛnɛ, na awa biando, na awa vɔrɔngɔ angbilondo, nga na awa nvɛnɛ zu ko, asa gbanda la ka ya wá mɛ lɛ ni kotani nga ma lɛ kpo. Ko wá ni adu nwa tɛ́nɛ la ndoza da. Adu ndo ti kwá ti sɛ.”

Suma 22:15

Azi mɛ gbanda angbã ka pɛ gbágbá mɛ aka kɔdɔrɔ ni lo mɛ: azi mɛ asiɔ ye ako ndo bɛ la, awa biando, awa lingɔ siɔ ye ti kamɛnɛ, awa kpɔngɔ azi, awa vɔrɔngɔ angbilondo, awa nvɛnɛ mɛ ahɛ̃ tɛrɛ la so pangɔ nvɛnɛ nga so lingɔ kwa ti nvɛnɛ!