1 Timɔte 1:7 - Fana Ngbangɔ 1987

⁷ Ala ndoye ya, ani du awa hangɔ ndia tɛ Nzapa, kanda ta ala ndohĩnga nda tɛnɛ tɛ la nvɛni mɛ ala ndotɛnɛ, nga na ló mɛ ala ndoha na kpengba bɛ ma.

1 Timɔte 1:7 Iomraidhean Croise

Matie 15:14

Ĩ zia la. Ala du nga ma awa ziba mɛ ndofa lege na awa ziba mɛ ndɛ̃! Ko se wa ziba afa lege na wa ziba ko, ala zu sɛ asa ya du.”

Matie 21:27

La ala gbinya hɛ̃ Yezo ya: “Ta e hĩnga ma.” Ko lo pa hɛ̃ la ya: “Wa ta mbi nga na dingɔ hɛ̃ ĩ zo mɛ ahɛ̃ mbi nyɔ ya, mbi li na aye ni ma.”

Luka 2:46

Ĩ la so pɛni bi ta ko, ala lua lo ka ya kota da Nzapa. Lo du so popo tɛ awa hangɔ ndia, lo so ndoma la, ko lo so ndohũnda nga la na ndo.

Awa Pangɔ Kwa 15:1

Ambanga azi alo ka sese ti Yudea agwe ka Antiɔsɛ. Ala lɔ ha azi ti Eklezia mɛ kai na ye ya: “Se ta ĩ fa ganza nga ma se ko ndo Mɔizɛ alu na ndia tɛ lo ma ko, ta Nzapa aso ĩ ma.”

Roma 1:22

Ala ndopa ya, ani awa ndara, kanda ala awa nyingɔ.

Galatia 3:2

Wa mbi na hũndangɔ ĩ na tɛnɛ kɔi, ko mbi ye ya, ĩ gbinya ni hɛ̃ mbi. Tɛnɛ ni lo mɛ: Tɔrɔ Santo mɛ Nzapa ahɛ̃ ĩ ko, lo hɛ̃ lo hɛ̃ ĩ, na lo mɛ ya, ĩ tɔndɔ ndia tɛ Mɔizɛ? Ipɔ, ta seni la ma. Nzapa ahɛ̃ ĩ Tɔrɔ Santo, na lo mɛ ya, ĩ ma Nzɔ̃ Pa, ĩ ye nga ló ni.

Galatia 3:5

Ngoi mɛ Nzapa ahɛ̃ ĩ Tɔrɔ Santo tɛ lo, ali nga aye ti kpɛnɛ na popo tɛ ĩ ko, ĩ da bɛ ĩ ya, lo li so, na lo mɛ ya, ĩ tɔndɔ ndia? Ipɔ! Kanda lo li so, na lo mɛ ya, ĩ ma Nzɔ̃ Pa, ĩ ye nga ló ni.

Galatia 4:21

Ĩ azi ko la ĩ ndoye bingɔ tɛrɛ ĩ so tɔndɔngɔ ndia ko, ĩ pa hɛ̃ mbi hĩ, ta ĩ ma tɛnɛ mɛ ndia atɛnɛ ma?

1 Timɔte 6:4

zo ni ko lo wa yakɛ sĩ, ko ta lo hĩnga nga ye kɔi ma. Lo nga zo mɛ lo ye bimbingɔ tɛnɛ sĩ, lo ye nga pangɔ pa ngbɔndɔ ngbɔndɔ na lo ti atɛnɛ. Na lo ni la azi ndoli sɔbɛrɛ, ndopa pa, ndoguru afɔ̃ la, ndodu na siɔ dangɔ bɛ ndo afɔ̃ la,

2 Timɔte 3:7

awe mɛ ndogi ngoi zu ya, ani hĩnga ye, kanda ta ala lengbi ti hĩngangɔ bɛta lo tɛ Nzapa bɛ gbɔ ma.

Zaki 3:1

Aya bua, na popo tɛ ĩ ko, ale ta azi mɛ aye hangɔ lo tɛ Nzapa adu sĩ ma. Ta sanga ma, ĩ hĩnga ya, e mɛ awa hangɔ lo tɛ Nzapa ko, ngbanga tɛ e adu gbanda kpengbani aɔ tɛ azi mɛ ndɛ̃ zu.

2 Petro 2:12

Awa nvɛnɛ ni ko adu nga ma asa ti ya ndo mɛ ta ndoli ye na kɔdɛ ma, ko azi ndogbɔ̃nɔ la, akpɔ la. Awa nvɛnɛ ni ko ndoguru aye mɛ ta ala hĩnga nda ni ma, ko ala na kpilingɔ nga ma se tɛ asa ti ya ndo.