1 Timɔte 1:4 - Fana Ngbangɔ 1987

⁴ Pa nga hɛ̃ la ya, ala zia kpãngɔ bɛ la na ndo agɛgɛrɛ tɛnɛ ti mbaye, ala zia nga dikɔngɔ ili akotara la gbara gbara, na lo mɛ ya, andohɛ̃ azi lege ya, ala bimbi tɛnɛ na popo tɛ la. Ko ta gi tɛrɛ ye ni ko ndoza la ya, ala li ye mɛ Nzapa aye ma. E hĩnga ye mɛ ndode bɛ Nzapa, na lo mɛ ya, e ye lo tɛ lo.

1 Timɔte 1:4 Iomraidhean Croise

2 Kɔrinto 1:12

Ĩ ba ye mɛ e lengbi ti gondangɔ tɛrɛ e na lo ni lo mɛ: e hĩnga nzɔ̃ni ge ya bɛ e ya, na ya du tɛ e ge lɛ sese, mai bo du mɛ e du ka popo tɛ ĩ ko, du ni adu bɛtani, adu nga mbiri mbiri. Ko Nzapa la ali ya, du ni ko adu so. Wa ta du tɛ e adu so, na lo ti ndara tɛ azi ti lɛ sese ma, kanda adu na lo ti nzɔ̃ bɛ tɛ Nzapa.

Efɛzɛ 3:2

Biani, ĩ ma ya, na lo nzɔ̃ bɛ tɛ Nzapa ko, Nzapa ahɛ̃ mbi kwa ti pangɔ Nzɔ̃ Pa hɛ̃ ĩ.

1 Timɔte 3:16

Biani, bɛta lo ti lo Nzapa tɛ e mɛ Nzapa afa ko, adu kotani. Bɛta lo ni adu lo tɛ zo mɛ ndo amu tɛrɛ zo. Tɔrɔ Santo afa ndo ya, zo ni ko adu bɛta zo, Aangelo ahũ ndo zo ni ko. Apa ndo lo tɛ zo ni ko hɛ̃ apaganɔ, Azi ti lɛ sese aye ndo lo tɛ lo, Ko Nzapa aya ndo lo ka yayu, ka ndo ti ndima.

1 Timɔte 4:7

Wa abuba tɛnɛ ti mbaye mɛ ta ndode bɛ Nzapa ma ko, ta mɔ ye ni ma. Li kpengbani ya, du tɛ mɔ ade bɛ Nzapa.

1 Timɔte 6:11

Wa mɔ mɛ mɔ tɛ mɔ zo tɛ Nzapa ko, ale mɔ kpɛ asiɔ ye ko zu. Li kpengbani ya, mɔ li ye mɛ mbiri mbiri, ye mɛ ndode be Nzapa. Ngbã bo na yengɔ lo tɛ Nzapa, ye afɔ̃ mɔ, gbe bɛ mɔ, du na dede bɛ.

1 Timɔte 6:20

Ee Timɔte, ló mɛ Nzapa azia na yamba ti mɔ ko, bata ni nzɔ̃ni. Gɛgɛrɛ tɛnɛ, na tɛnɛ mɛ ta ndode bɛ Nzapa ma ko, ta mɔ dɔ nyɔ mɔ ya ni ma. Ta mɔ dɔ nga nyɔ mɔ na ya lo ti nvɛnɛ mɛ azi ndoha ma. Ala ndoili lo ni ko ya, adu hĩngangɔ ndo. Kanda ta adu bɛta hĩngangɔ ndo ma.

2 Timɔte 2:14

Ale mɔ ndoda bɛ awa Kristo na atɛnɛ mɛ mbi tɛnɛ hɛ̃ mɔ. Gbɔ̃ gɛrɛ la na ili Nzapa ya, ta ala pa pa na lo ti abuba tɛnɛ ma. Ta pangɔ pa ndoza zo bɛ yakere ma, pangɔ pa ndogbɛ̃ tɛ lo bɛ azi mɛ ndoma ni.

2 Timɔte 2:22

Timɔte, ta mɔ li ye na se gwɛ̃ ti tɛrɛ nga ma tɛ ambanga apandara ma. Li kpengbani mɔ li ye mɛ mbiri mbiri, mɔ ye lo tɛ Yezo na bɛ mɔ kɔi, mɔ ye azi, mɔ du na mangbingɔ na popo tɛ mɔ na azi mɛ bɛ la vuruni, azi mɛ ndoili Gbia Nzapa ya, lo za ani.

2 Timɔte 2:23

Zia bimbingɔ agɛgɛrɛ tɛnɛ nga na atɛnɛ ti buba, na lo mɛ ya, azi mɛ ndobimbi gi tɛrɛ atɛnɛ ni ko, ala ndokɔ nda bimbingɔ tɛnɛ tɛ la na pangɔ pa.

2 Timɔte 4:4

Ala kɛ̃ gbanda mangɔ bɛta lo tɛ Nzapa. Ala dɔ gbanda bɛta lo azia, ko ala zi ma la zu so mangɔ agɛgɛrɛ tɛnɛ ti mbaye.

Tito 1:1

Mbi Polo mɛ wa kwa tɛ Nzapa, mbi mɛ nga wa pangɔ kwa tɛ Yezo Kristo la mbi to mbɛti olo hɛ̃ mɔ Tito. Mbi bala mɔ. Nzapa ahɛ̃ mbi kwa ya, mbi za azi tɛ ni mɛ ni sara la ni kpa. Mbi ndoza la ya, ala ye lo tɛ lo, ala hĩnga nga bɛta lo mɛ ndofa sé du mɛ ndode bɛ lo.

Tito 1:14

Kɛ̃ hɛ̃ la kpengbani ya, ta ala ti kpã be la na ndo ndia tɛ azi mɛ akɛ̃ bɛta lo tɛ Nzapa ma.

Tito 3:9

Ta mɔ bimbi tɛnɛ ti buba ma, ta mɔ dikɔ ili akotara mɔ gbara gbara ma, ta mɔ pa azi na pa ma, ta mɔ bimbi nga tɛnɛ na lo ti ndia tɛ Mɔizɛ ma. Aye ko zu adu gɛgɛrɛ, ta nda ni nga da ma.

Aebreo 13:9

Ambanga azi ndoha afana lo kɔndɛ kɔndɛ, wa ta ĩ ye ya, ala handa ĩ ma, so ĩ yu lege. Nzɔ̃ni ale nzɔ̃ bɛ mɛ Nzapa ndoli hɛ̃ e akpengba na bɛ e, kanda ta lo ti tɔndɔngɔ andia ti tɛ ti tɛngɔ alengbi ti kpengbangɔ na bɛ e ma. Ta azi ko la ndotɔndɔ andia ni ko alengbi ti luangɔ ye kɔi ti zangɔ la bɛ gbɔ ma.

2 Petro 1:16

E kambisa ndo hɛ̃ ĩ se mɛ Gbia tɛ e Yezo Kristo aga na ni, e kambisa nga lo ti nguru tɛ lo. Ko ta e mu ndo abuba tɛnɛ ti mbaye mɛ azi ndoko na kɔdɛ ti bɛ la, la e kambisa na ni hɛ̃ ĩ ma. E hũ ndo ndima tɛ lo na lɛ e nvɛni.