1 Timɔte 1:3 - Fana Ngbangɔ 1987

³ Mbi ye ya, mɔ ngbã ka kɔdɔrɔ ti Efɛzɛ nga ma se ko ndo mbi pa na ni hɛ̃ mɔ, na ngoi ti gwengɔ mbi ka sese ti Masedoanɛ. Ka Efɛzɛ ko, awa hangɔ lo tɛ Nzapa na nvɛnɛ da, ko ale mɔ gbanzi la na hangɔ lo ni.

1 Timɔte 1:3 Iomraidhean Croise

Awa Pangɔ Kwa 18:19

Ngoi mɛ ala ĩ si ka Efɛzɛ ko, Polo azia Akilasi na ya lo Prisiyɛ, anɔ ka ya da sambela, lo na Ayuda abimbi tɛnɛ.

Awa Pangɔ Kwa 18:21

Ngoi mɛ Polo ĩ ga so ɔngɔ ko, lo zei la ya: “Mbi ɔ, wa se Nzapa aye ko, mbi diri mbi ga ge tɛ ĩ.” La lo lo so Efɛzɛ, lo ko ya masua, lo ɔ.

Roma 15:26

Ta sanga ma, awa Kristo ti Masedoanɛ na ti Grɛsɛ aye ndo ya, ani sɔrɔ faranga, ani za na awa Kristo mɛ awa yɛlɛ ka Yeruzalɛmɛ.

Roma 16:17

Aya bua, mbi gbɔ̃ gɛrɛ ĩ ya, ĩ du na kpengba le na ndo azi ko la ndokɛ̃ alo mɛ ndo aha na ĩ. Na lo ni ko, ala ndokangbi popo tɛ azi, ala ndoto nga awa Kristo na siɔ lege. Ko ale ĩ du yɔngɔrɔni na la,

2 Kɔrinto 11:4

Ta sanga ma, se azi aga apa lo tɛ Yezo mɛ aɔngbi na omɛ ndo e pa hɛ̃ ĩ ko, ĩ ndoye ya, ala ha na ĩ. Tɔrɔ mɛ ala ndopa lo tɛ lo hɛ̃ ĩ ko, ta adu Tɔrɔ Santo mɛ ĩ lua ma. Ko Nzɔ̃ Pa mɛ ndo e pa hɛ̃ ĩ, ĩ ye lo ni ko, ta ni la ala ndopa hɛ̃ ĩ ma.

Efɛzɛ 4:14

Wa se mɛ gbanda ta e ti e du nga ma ayangambi ma la. Ta e ti e yu gbanda ndo na lo ti nvɛnɛ mɛ awa poroso ndohanda na azi ya, ala yu ndo ma. Ta e ye gbanda ya, ye mɛ ala ndoha ayuru e, nga ma se mɛ ngu na yá ndoyuru na ngɔ yenge yenge ma.

Filipɛ 2:24

Mbi hĩnga biani ya, se Gbia Yezo aye ko, angbã yakere, ko mbi nvɛni mbi ga so bangɔ ĩ.

1 Timɔte 4:11

Pa hɛ̃ la alo ko zu, ha nga la na ni.

1 Timɔte 4:6

Se mɔ ha alo ko hɛ̃ ayata mɔ awa Kristo, wadila mɔ ti nzɔ̃ wa kwa tɛ Yezo Kristo, ko mɔ na fangɔ ya, mɔ kpengba na lo ti tɛnɛ tɛ Nzapa mɛ e ye lo ni, nga na lo ti bɛta lo tɛ lo mɛ mɔ ndotɔndɔ na Seni.

1 Timɔte 5:7

Ba tɛnɛ mɛ ale mɔ pa hɛ̃ la, so zo abela la la.

1 Timɔte 6:10

Ta sanga ma, yengɔ faranga ndoili lɛ asiɔ ye ndɛ̃ ndɛ̃ ndɛ̃ na tɛrɛ zo. Ambanga azi adɔ ndo lege tɛ Nzapa azia, na lo mɛ ya, ala ye ndo faranga sĩ, ko bɛ la ndosɔ ndo nga na lo ni sĩ.

1 Timɔte 6:17

Hɛ̃ nyɔ hɛ̃ azi ko la na nwa ti lɛ sese na ti la ya, ta ala du awa yakɛ ma. Hɛ̃ la nyɔ ya, ta ala kpa nga bɛ la na ndo nwa ni ko ma, na lo mɛ ya, ta nwa ni ko ndoninga ma. Kanda ale ala kpã bɛ la na ndo Nzapa mɛ ndohɛ̃ e ye kwɛ ma wo ma. Lo ndohɛ̃ e aye ni ko ya, e saba na lo ni.

1 Timɔte 6:3

Se zo aha lo mɛ ndɛ̃, se ta lo ye abɛta tɛnɛ tɛ Gbia tɛ e Yezo Kristo ma, se ta lo ye nga lo mɛ e ndoha na lo ti se li ye mɛ ndode bɛ Nzapa ma ko,

2 Timɔte 1:18

Gbia Nzapa ama bɛ gbanda vundu tɛ lo na lá ti fangɔ ngbanga ma ke! Akwa zu mɛ ndo Onezifɔre ali hɛ̃ mbi ka Efɛzɛ ko, mɔ hĩnga nga ni nzɔ̃ni sĩ.

2 Yoanɛ 1:7

Mbi pa tɛnɛ olo hɛ̃ ĩ, na lo mɛ ya, awa nvɛnɛ ma wo ma alengbi na lɛ sese, ko ala ndokɛ̃ ya, ta Yezo Kristo amu ndo tɛrɛ zo, la lo ga ge lɛ sese ma. Zo ko atɛnɛ nga so ko, lo wa nvɛnɛ, lo nga wa kɛ̃ngɔ Yezo Kristo.

Suma 2:14

Wa ĩ ba siɔ ye tɛ ĩ mɛ ni bela ĩ na lo ni lo mɛ: ka tɛ ĩ ko, ĩ na ambanga azi mɛ ndohɛ̃ tɛrɛ la na lingɔ alo mɛ ndo Balamɛ aha na azi. Balamɛ afa ndo Balakɛ na lege ti bingɔ awa Izrayɛlɛ na ya asiɔ ye. Asiɔ ye ni lo mɛ: tɛngɔ sa mɛ alu na ngbilondo, nga na lingɔ siɔ ye ti kamɛnɛ.

Suma 2:20

Wa ĩ ba ye tɛ ĩ mɛ ni kɛ̃ lo mɛ: ĩ ye ló hɛ̃ zo wali mɛ ili lo la Yezabɛlɛ. Yezabɛlɛ ni ndomu tɛrɛ lo ya, ni wa pangɔ nyɔ Nzapa. Na lege ti aye mɛ lo ha na awa kwa tɛ ni Yezo ko, lo handa la ya, ala li siɔ ye ti kamɛnɛ, ala tɛ nga sa mɛ alu na ngbilondo.