1 Timɔte 1:20 - Fana Ngbangɔ 1987

²⁰ Imeneo na Alɛkizandrɛ nga na popo tɛ azi ni ko. Ko mbi zia la se na yamba ti Satana ya, ala hĩnga ya, ta ani lengbi ti gurungɔ Nzapa ma.

1 Timɔte 1:20 Iomraidhean Croise

Matie 18:17

Se lo kɛ̃ mangɔ la ko, si na tɛnɛ ni ka gbɛlɛ azi ti Eklezia. Wa se lo kɛ̃ nga mangɔ azi ti Eklezia ko, mu lo ka lɛ mɔ nga ma paganɔ, bere nga ma wa lingɔ siɔ ye.”

Awa Pangɔ Kwa 13:45

Ambanga Ayuda ĩ hũ azi ko hingo hingo ko, ala li sɔbɛrɛ hɛ̃ Polo na Barnabasi sĩ. Ala kɛ̃ tɛnɛ mɛ Polo atɛnɛ, ala guru lo.

Awa Pangɔ Kwa 19:33

Ambanga azi akambisa tɛnɛ ni hɛ̃ zo kɔli mɛ ili lo la Alɛkizandrɛ, la Ayuda ayuru lo ya, lo si ka gbɛlɛ azi, lo tɔndɔ nda tɛnɛ ni. Alɛkizandrɛ ĩ si ka gbɛlɛ azi ko, lo pɛpɛ ti lo hɛ̃ la ya, ala dunga kpɔ, wa ni kambisa nda tɛnɛ ni hɛ̃ la.

1 Kɔrinto 11:32

Kanda Gbia Nzapa ndofa ngbanga tɛ e, ndohɛ̃ nga e etumbu ya, e hĩnga ndo. Lo ndoli so ya, wa gbanda na lá ti fangɔ ngbanga ko, ta ni bombi e na azi ti le sese, ni fa ngbanga, ni bi li e ma.

2 Kɔrinto 10:6

Ngoi mɛ se e hũ ya, ĩ ndoma nyɔ e na seni ko, e na hɛ̃ngɔ etumbu hiɔ hɛ̃ ambanga azi na popo tɛ ĩ mɛ ndokɛ̃ mangɔ nyɔ e.

2 Kɔrinto 13:10

Na lo ni la ngoi mɛ mbi ge yɔngɔrɔni ko, mbi su mbɛti olo hɛ̃ ĩ ya, ngoi mɛ gbanda mbi si ka tɛ ĩ ko, ta mbi lɔngbi ló hɛ̃ ĩ, na lo nguru mɛ Nzapa ahɛ̃ mbi ma. Nzapa ahɛ̃ mbi nguru ni ya, mbi kpengba na lo yengɔ tɛ ĩ. Kanda ta lo hɛ̃ mbi nguru ni ya, mbi gbɛ̃ ĩ ma.

2 Tɛsalɔnikɛ 3:15

Ko ta ĩ mu lo nga ma bere lo wa kɛ̃ngɔ ĩ ma, kanda ĩ tisa bo lo na se mɛ alengbi, na lo mɛ ya, lo bo nyita ĩ wa Kristo.

1 Timɔte 5:15

Mbi pa so, ta sanga ma, ambanga awe muã adɔ lege tɛ Nzapa azia, ko ala ndoɔ pɛko Satana.

2 Timɔte 2:14

Ale mɔ ndoda bɛ awa Kristo na atɛnɛ mɛ mbi tɛnɛ hɛ̃ mɔ. Gbɔ̃ gɛrɛ la na ili Nzapa ya, ta ala pa pa na lo ti abuba tɛnɛ ma. Ta pangɔ pa ndoza zo bɛ yakere ma, pangɔ pa ndogbɛ̃ tɛ lo bɛ azi mɛ ndoma ni.

2 Timɔte 2:17

Tɛnɛ mɛ ala ndotɛnɛ ndogbɛ̃ zo nga ma se mɛ kã mɛ aɛnɛ ndotɛ mi tɛrɛ zo. Imeneo na Filɛtɛ nga na li nɔ tɛ azi ni ko.

2 Timɔte 3:2

Na ngoi ko gbanda ko, azi adu gbanda awa kinya, awa gwɛ̃ faranga, awa gwalo, awa yakɛ. Ala guru gbanda Nzapa, ala kɛ̃ gbanda nyɔ awa dúngɔ la. Ta ala hĩnga gbanda nzɔ̃ lo mɛ Nzapa ali tɛrɛ la ma. Ta ala tɔndɔ nga gbanda ye mɛ santo ma.

Aebreo 12:5

Nzapa atɛnɛ tɛnɛ so sangɔ nguru bɛ ĩ, nga ma se mɛ to nyingambi ndotɛnɛ na tɛnɛ so sangɔ nguru bɛ nyi lo. Wa ta bɛ ĩ ali na tɛnɛ mɛ Nzapa atɛnɛ ma. Tɛnɛ ni lo mɛ: “Nyi mbi, etumbu mɛ mbi Gbia mbi ndohɛ̃ mɔ ko, Ta mɔ mu ni ka le mɔ gɛgɛrɛ ma. Ta mɔ nzɛ̃ nga na ngoi ko la mbi ndobela mɔ ma.

Suma 13:1

So pɛni, mbi hũ sa mɛ ndɛ̃ alo ka ya kota ngu asi. Nza li lo sui kɔi, li lo mbara mbara, kpɔtɔ ti gbia alengbi na nza li ni kɔi kɔi zu. Asu siɔ tɛnɛ ti gurungɔ na Nzapa na tɛrɛ nza li lo ni kɔi kɔi zu.

Suma 3:19

Azi ko ni ndohɛ̃ la etumbu so fangɔ la na asiɔ ye tɛ la ko, adu azi mɛ bɛ ni aye la. Ĩ gbinya bɛ ĩ, ĩ du na gonvɛnɛ na ya lo yengɔ tɛ ĩ.