1 Timɔte 1:19 - Fana Ngbangɔ 1987

¹⁹ Ngbã bo na yengɔ lo tɛ Yezo Kristo, ngbã nga na vuru bɛ. Ambanga azi akɛ̃ ndo batangɔ bɛ la vuruni, ko na lo ni ko, lo yengɔ tɛ la akpi kpɔɔ.

1 Timɔte 1:19 Iomraidhean Croise

Matie 6:27

Ta zo kɔi so popo tɛ ĩ alengbi ti sangɔ mbanga bi na ndo bi tɛ lo na lo ti bɛ lo mɛ angbã ngbũ ma!

1 Kɔrinto 11:19

Biani, ale ĩ ndokangbi popo tɛ ĩ, wadila azi ahĩnga abɛta awa Kristo mɛ na popo tɛ ĩ.

Galatia 5:4

Ĩ azi ko la ĩ ndoda bɛ ĩ ya, ĩ na tingɔ abɛta azi ka lɛ Nzapa, na lo mɛ ya, ĩ ndotɔndɔ ndia ko, tɛ ĩ na Kristo awe. Ta Nzapa ati li nzɔ̃ bɛ hɛ̃ ĩ ma.

1 Timɔte 1:5

Mbi pa hɛ̃ mɔ ya, mɔ gbanzi la, wadila ala ye afɔ̃ la. Ti nɛngɔ ya, ala ye afɔ̃ la ko, ale bɛ la adu vuruni, ale ala li ye mɛ ala hĩnga ya adu nzɔ̃ni, ale ala ye nga lo tɛ Nzapa na bɛ la kɔi.

1 Timɔte 3:9

Ko bɛta tɛnɛ mɛ Nzapa afa ko, ale ala ngba na yengɔ lo ni na vuru bɛ.

1 Timɔte 6:12

Tiri nzɔ̃ to na lo kwa tɛ Nzapa tɛ e, gbɔ̃ du ti kaka, ko mɔ̃ bata ni, ta sanga ma, Nzapa aili ndo mɔ na lo ni, na ngoi mɛ ndo mɔ pa lo ni nzɔ̃ni na gbɛlɛ azi ma wo ma.

1 Timɔte 6:21

Mbi pa so, ta sanga ma, ambanga azi amu ndo tɛrɛ la ya, ani hĩnga ndo, ko ala dɔ ndo lege ti lo yengɔ tɛ la azia. Nzapa ali be nzɔ̃ bɛ hɛ̃ ĩ ma ke!

1 Timɔte 6:9

Kanda azi ko la ndoye ya, ani ti awa nwa ko, Satana ndohanda la, ko ala ndoza sɔ̃ tɛ lo, na lo ti agɛgɛrɛ siɔ ye mɛ ala na gwe ni, asiɔ ye mɛ ndogbɛ̃ zo zu zu zu.

2 Timɔte 2:18

Ala dɔ lege ti beta lo azia, ala ndopa ya, e so na pɛ kwá wɛ, ko na lo tɛ la la azi ma wo ma azia yengɔ lo tɛ Yezo.

2 Timɔte 4:4

Ala kɛ̃ gbanda mangɔ bɛta lo tɛ Nzapa. Ala dɔ gbanda bɛta lo azia, ko ala zi ma la zu so mangɔ agɛgɛrɛ tɛnɛ ti mbaye.

Tito 1:9

Ale lo kpã bɛ lo ngĩi na ndo bɛta lo tɛ Nzapa mɛ aha na lo. Se lo li so, wadila lo lengbi ti sangɔ nguru bɛ azi mɛ ndɛ̃ na lege ti hangɔ la na bɛta lo ni ko, ko lo lengbi nga ti fangɔ na awa kɛ̃ngɔ bɛta lo ni ya, ala yu ndo.

Aebreo 3:14

E ndokpã ndo bɛ e uzu na ndo Yezo, wa se e ngbã bo na kpãngɔ bɛ e na ndo lo nga ma se ti uzu, ngbĩi e si ka nda ni gbɔ, wadila e ti azi mɛ e na Yezo Kristo e ndoli kwa ndoni kɔi.

1 Yoanɛ 2:19

Ndo uzu ko, e na la e ndodu ndoni kɔi, kanda ta ala ndo azi tɛ e nvɛni ma. Nda mɛ ala lo ge popo tɛ e asi la. Se adu ya, ala ndo azi tɛ e nvɛni ko, ale ta ala lo ndo ge popo tɛ e asi ma. Ala lo ge popo tɛ e asi, so fangɔ ya, ta ala zu adu ndo azi tɛ e nvɛni ma.

Suma 3:10

Wa oko la ĩ ma ndo nyɔ mɛ ni hɛ̃ ya, ĩ gbe bɛ ĩ na ya apɛnɔ, la ĩ gbe be ĩ ko, ni na batangɔ ĩ na ngoi mɛ gbanda apɛnɔ ati ndo azi ti lɛ sese zu so tarangɔ bɛ la.

Suma 3:3

Wa ĩ da bɛ ĩ na ló mɛ ndo aha na ĩ, nga na tɛnɛ tɛ Nzapa mɛ ndo ĩ ma. Ale ĩ tɔndɔ ni, ko ĩ gbinya bɛ ĩ. Se ta ĩ du na kpengba lɛ ma ko, ni ga ni buta ĩ nga ma se tɛ wa nzĩ, ko ta ĩ na hĩngangɔ ngoi ti gangɔ tɛ ni ma.

Suma 3:8

Zo ni ko apa ya, ni hĩnga ye zu mɛ ĩ ndoli, ni hĩnga nga ya nguru tɛ ĩ adu bo yakere, kanda ĩ ndoma nyɔ ni, ko ta ĩ bɛre nga lo tɛ ni ma. Ni zi nyɔ ngise ya ĩ li ka ya da, ko ta zo kɔi alengbi ti vĩngɔ ni ma.