1 Timɔte 1:18 - Fana Ngbangɔ 1987

¹⁸ Timɔte nyi mbi, mbi zia atɛnɛ ko mbi tɛnɛ na yamba ti mɔ, ya mɔ pa ni hɛ̃ azi nga ma se ko ndo awa pangɔ nyɔ Nzapa apa na ni uzu na lo tɛ mɔ. Da bɛ mɔ na atɛnɛ ni, wa mɔ tiri nzɔ̃ to.

1 Timɔte 1:18 Iomraidhean Croise

Awa Pangɔ Kwa 16:1

Polo asi ndo ka kɔdɔrɔ mɛ ili ni la Dɛrbɛ. So pɛni, lo lo ndo ko, lo gwe ka kɔdɔrɔ mɛ ndɛ̃ mɛ ili ni la Listrɛ. Lo ĩ si kai ko, lo tã kɔli kɔi mɛ aye lo tɛ Yezo, ili kɔli ni la Timɔte. Ta Timɔte mɛ wa dúngɔ Timɔte ndo wa Yuda mɛ aye lo tɛ Yezo. Ko to Timɔte tɛ lo ndo zo ti sese ti Grɛsɛ.

1 Kɔrinto 4:17

Mbi ye ya, ĩ li so biani, nda mɛ mbi separa tongɔ Timɔte ka tɛ ĩ la. Lo nga ma nyi mbi ti kpɔ̃ bɛ mbi, ko ta lo ndoweza kwa tɛ Gbia Yezo ma. Lo na dangɔ bɛ ĩ fani mɛ ndɛ̃ na sé du tɛ mbi ti wa Kristo. Ye mɛ lo na hangɔ na ĩ ko, adu ye mɛ mbi ndoha na awa Eklezia zu mɛ ndodu na ndo kwɛ.

1 Kɔrinto 9:7

Ĩ da bɛ ĩ ya, ta turugu ndokã tɛrɛ lo na faranga ti kwa tɛ lo ma? Biani, lo ndokã tɛrɛ lo na ni! Ĩ da bɛ ĩ ya, ta zo ndotɛ ye ti yaka mɛ lo ndosɛ̃ ma? Biani, lo ndotɛ ni! Ĩ da bɛ ĩ ya, ta wa kwa mɛ ndobata abagara ndonyɔ mɛ tɛ abagara ni ma? Biani, lo ndonyɔ ni.

Filipɛ 2:22

Ĩ nvɛni ĩ hĩnga sé nzɔ̃ du tɛ Timɔte. E na lo e li ndo kwa ti pangɔ Nzɔ̃ Pa tɛ Yezo Kristo ndoni kɔi. Lo za ndo mbi na ya kwa ni ko, nga ma se mɛ nyingambi ndoza na to lo.

1 Timɔte 1:5

Mbi pa hɛ̃ mɔ ya, mɔ gbanzi la, wadila ala ye afɔ̃ la. Ti nɛngɔ ya, ala ye afɔ̃ la ko, ale bɛ la adu vuruni, ale ala li ye mɛ ala hĩnga ya adu nzɔ̃ni, ale ala ye nga lo tɛ Nzapa na bɛ la kɔi.

1 Timɔte 4:14

Ta mɔ zia nguru kwa mɛ mɔ na ni ma, nguru kwa mɛ Nzapa ahɛ̃ mɔ na ngoi mɛ ndo awa pangɔ nyɔ lo apa na lo tɛ mɔ, akangba ti Eklezia akpa nga na ti la ndo mɔ ya, Nzapa asunu mɔ.

1 Timɔte 4:4

Ye kwɛ mɛ Nzapa ali ko, adu nzɔ̃ni. Ale ta e kɛ̃ ye kɔi ma, kanda ale e mu ye kwɛ na hɛ̃ngɔ lo sia kɔli.

1 Timɔte 6:20

Ee Timɔte, ló mɛ Nzapa azia na yamba ti mɔ ko, bata ni nzɔ̃ni. Gɛgɛrɛ tɛnɛ, na tɛnɛ mɛ ta ndode bɛ Nzapa ma ko, ta mɔ dɔ nyɔ mɔ ya ni ma. Ta mɔ dɔ nga nyɔ mɔ na ya lo ti nvɛnɛ mɛ azi ndoha ma. Ala ndoili lo ni ko ya, adu hĩngangɔ ndo. Kanda ta adu bɛta hĩngangɔ ndo ma.

2 Timɔte 4:7

Mbi tiri nzɔ̃ to na lo kwa tɛ Nzapa we. Ko adu nga ma kpɛ la mbi kpɛ ngbĩi mbi si ka nda ni gbɔ. Ta mbi dɔ lo yengɔ lo tɛ Yezo Kristo mbi zia ma.

Tito 1:4

Mbi to mbɛti olo hɛ̃ mɔ Tito mɛ mɔ nga ma bɛta nyi mbi, na lo mɛ ya, e na mɔ e ye lo tɛ Yezo Kristo. To e Nzapa na Yezo Kristo Wa songo e ali bɛ nzɔ̃ bɛ hɛ̃ mɔ, ali bɛ nga ya, bɛ mɔ adu pii ma ke!

Filemɔ 1:10

Mbi gbɔ̃ gɛrɛ mɔ ya, Onezimɛ adiri ka tɛ mɔ. Lo nga ma nyi mbi mɛ mbi dú lo ge ya bɔlɔkɔ, ta sanga ma, lo ye lo tɛ Yezo Kristo na lo tɛ mbi.