1 Timɔte 1:17 - Fana Ngbangɔ 1987

¹⁷ Nzapa mɛ ndole gbia buru na buru zu, lo mɛ kaka, lo mɛ ta andohũ lo ma, lo mɛ bo lo kɔi la Nzapa ko, azi atɔndɔ bɛ lo, agonda bɛ nga lo buru na buru ma ke! Seni la.

1 Timɔte 1:17 Iomraidhean Croise

Matie 25:34

Wa mbi Gbia, mbi pa gbanda hɛ̃ abɛta azi mɛ na ndo kɔti ti mbi ya: ‘Ĩ mɛ To mbi Nzapa asunu ĩ ko, ĩ ga, ĩ li ge Kɔdɔrɔ Gbia mɛ ndo lo lɛkɛ na lo tɛ ĩ, na ngoi mɛ ndo lo li na sese.

Matie 28:20

Ĩ pa hɛ̃ la ya, ala tɔndɔ aye zu mɛ ndo mbi pa hɛ̃ ĩ. Wa ĩ hĩnga ya, mbi na dungɔ ndoni kɔi na ĩ ngoi zu, nga ka sese awɛ na ni.”

Matie 6:13

Ta mɔ ye ya Satana atara bɛ e ma, Wa hã e ka gbɛ ti lo mɔ zi. [Ta sanga ma, lɛngɔ gbia, na nguru, nga na ndima adu na lo tɛ mɔ buru na buru! Seni la.]’

Yoanɛ 1:18

Ta zo kɔi ahũ Nzapa ma. Kanda ngbongi Nyi lo mɛ lo nvɛni nga Nzapa, lo ndodu ka tɛ To lo Nzapa, la afa e na To lo Nzapa.

Yoanɛ 5:44

Ĩ ye tɛ ĩ ya, afɔ̃ ĩ agonda ĩ, kanda gondangɔ mɛ bo Nzapa kɔi la ndogonda na azi ko, ta ĩ ye ni ma. Ko ta kɔdɛ mɛ ĩ lengbi ti yengɔ na lo tɛ mbi da ma.

Roma 1:20

Ta zo ahũ Nzapa ma, kanda ato na ngoi ko ndo Nzapa ali na sese, ngbĩi asi na la olo ko, aye mɛ ndo lo li ndofa sé du tɛ lo yango. Aye ni ndofa ya, nguru tɛ lo ndongbã kaka. Ko aye ni ndofa nga ya, bo lo kɔi la Nzapa. Azi alengbi ti hĩngangɔ lo na lo ti aye mɛ lo li, ko se ala bere ka gbɛlɛ Nzapa ya, ta ani hĩnga ndo ma ko, ta lo na mangɔ la ma.

Roma 1:23

Ala zia vɔrɔngɔ Nzapa mɛ na ndima, lo mɛ kaka, ko ala sana tɛrɛ la ndovɔrɔ angbilondo. Angbilondo ni adu angbilondo ti azi mɛ ndokpili, angbilondo ti ahũ, ti asa mɛ gɛrɛ la siɔ, nga na angbilondo ti asa mɛ ndoara arangɔ.

Roma 11:36

Ta sanga ma, lo la lo li ye zu, lo la lo ndobata ye zu, ye zu adu nga na lo tɛ lo. E gonda lo buru na buru zu! Seni la.

Roma 16:27

É gonda Nzapa mɛ bo lo kɔi la wa ndara! E gonda lo buru na buru na lo tɛ Yezo Kristo! Seni la.

Roma 2:10

Kanda azi zu ko la ndoli nzɔ̃ ye ko, Nzapa ahɛ̃ la gbanda ndima, lo gonda gbanda la, lo li nga gbanda ya, bɛ la adu piini. Lo li gbanda ni hɛ̃ Ayuda uzu, wa lo li nga hɛ̃ azi mɛ ta Ayuda ma gesi.

Roma 2:7

Azi ko la ndohɛ̃ tɛrɛ la so lingɔ nzɔ̃ ye, ndogi nga ya, Nzapa ahɛ̃ ani ndima, agonda ani, ahɛ̃ nga ani du mɛ ta ndowɛ ma ko, Nzapa ahɛ̃ gbanda la du ti kaka.

Kɔlɔsɛ 1:15

Ta zo kɔi ahũ Nzapa ma, kanda Yezo Kristo mɛ azi ahũ lo ko, lo limɔ tɛ Nzapa. Lo kɔzo Nyi Nzapa, lo ɔ azi zu, lo ɔ nga aye zu mɛ Nzapa ali.

Aebreo 11:27

Mɔizɛ aye ndo lo tɛ Nzapa, ko na lo ni ndo la lo hã ka sese ti Egipito lo ɔ, ko ta mbɛtɔ agbɔ̃ ndo lo na lo ti ngɔnzɔ mɛ ndo agbɔ̃ gbia ti Egipito ma. Mɔizɛ agbe ndo bɛ lo, ko adu ndo nga ma lo hũ Nzapa mɛ ta zo ndohũ lo na lɛ lo ma.

Aebreo 2:7

Mɔ kpã zo gbe gɛrɛ aangelo na pɛ ngoi yakere, Mɔ gonda zo, mɔ hɛ̃ nga lo ndima, Nga ma se mɛ andoli tɛrɛ gbia.

1 Petro 5:11

Nzapa alɛ bɛ gbia buru na buru ma ke! Seni la.

2 Petro 3:18

Kanda ale ĩ ngbã bo na maingɔ na ya lo yengɔ tɛ ĩ, wadila Gbia tɛ e Yezo Kristo mɛ Wa songɔ e andoli nzɔ̃ bɛ hɛ̃ ĩ, ko ĩ hĩnga nga lo nzɔ̃ni. É gonda Gbia tɛ e na olo, é gonda nga lo buru na buru zu! Seni la.

1 Yoanɛ 4:12

Ta zo kɔi ade ahũ Nzapa ma. Se e yengbi ko, Nzapa adu ndoni kɔi na e, ko afa ya, e ye lo na bɛ e kɔi.

Yudɛ 1:25

Lo ngengereni kɔi, lo Wa songɔ e na lo ye ko la Gbia tɛ e Yezo Kristo ali tɛrɛ e. Ndima, na nguru, nga na lo gbia adu na lo tɛ lo. Se tɛ lo ndo la, se tɛ lo na olo la, se mɛ nga lo na dungɔ na ni buru buru la! Seni la.

Suma 15:3

Ala ndoye bia tɛ Mɔizɛ mɛ wa kwa tɛ Nzapa, bia ni ko adu nga tɛ Nyi Ngasã Ngbaga. Bia ni lo mɛ: “Gbia Nzapa mɔ lombe, Aye mɛ mɔ li adu akokɛnɛ ye ti bemangɔ! Mɔ Gbia ti ndo azi ti lɛ sese zu, Aye mɛ mɔ ndoli ndodu na Seni, ndodu nga bɛtani!

Suma 17:14

Agbia ni ko na Nyi Ngasã Ngbaga na tiringɔ to, ko Nyi Ngasã Ngbaga na nwɔngɔ la, na lo mɛ ya, lo Gbia tɛ agbia. Nyi Ngasã Ngbaga ana ava lo na nwɔngɔ agbia ni ko. Ava lo ni adu azi mɛ ndo Nzapa aili la, asara nga la akpã azi tɛ lo, ala ye lo tɛ lo bɛ la kɔi.”

Suma 19:1

So pɛni, mbi ma ye ka ndozu nga ma legɔ̃ azi butu butu, ala ndopa na kɔngɔ ya: “Ĩ gonda Nzapa! Lo Wa songɔ azi, ndima na nguru adu na lo tɛ lo!

Suma 19:16

Ili mɛ ndo asu na tɛrɛ bɔngɔ tɛ lo, nga na ndo gɛrɛ lo lo mɛ: “Gbia tɛ agbia.”

Suma 19:6

Mbi ti ma ye nga ma legɔ̃ azi butu butu so ndotɛnɛ tenɛ. Tɛnɛ ni ndogɔ̃ wooo nga ma gigi ti sɔrɔ ti ngu mɛ ndoti. Tɛnɛ ni ndogɔ̃ nga ma kpengba ngu mɛ ndokini. Mbi ma la so ndotɛnɛ ya: “Ĩ gonda Nzapa! Ta sanga ma, Gbia Nzapa tɛ e mɛ lombe ato nda lɛngɔ gbia!

Suma 7:12

“Seni la! E ye ya Nzapa tɛ e lo wa ndara, lo wa nguru, lo lombe. E gonda lo, é hɛ̃ lo sia kɔli, é tɔndɔ lo, é yakɛ lo buru na buru. Seni la!”