1 Timɔte 1:15 - Fana Ngbangɔ 1987

¹⁵ Wa ĩ ba tɛnɛ ti biani mɛ azi zu alengbi ti yengɔ ni na be la kɔi lo mɛ: Yezo Kristo aga ndo ge le sese so songɔ awa lingɔ siɔ ye. Ko siɔ ye tɛ mbi la aɔ tɛ la zu.

1 Timɔte 1:15 Iomraidhean Croise

Matie 1:21

Lo na dúngɔ nyi kɔli, ko mɔ na dingɔ ili nyi ni ya Yezo, ta sanga ma, lo gbanda la lo so azi tɛ lo na ya asiɔ ye tɛ la.”

Matie 18:10

“I du na kpengba lɛ ya ta ĩ samana na nyingambi kɔi so popo tɛ ayangambi olo ma. Mbi pa hɛ̃ ĩ ti bɛta tɛnɛ ya, aangelo tɛ la mɛ ka yayu ndolonga ngoi zu ka gbɛlɛ To mbi mɛ ka yayu. [

Matie 18:11

Ko mbi Nyi Zo, mbi ga so songɔ azi mɛ ayu lege.]

Matie 20:28

Ĩ ba se mɛ ta mbi Nyi Zo mbi ga ge lɛ sese ya, azi ali kwa hɛ̃ mbi ma la. Kanda mbi ga ya, mbi li kwa hɛ̃ azi, ko mbi ka nga tɛrɛ mbi, wa mbi tɔ̃ azi gba na ya siɔ ye.”

Matie 9:13

Wa ĩ nɔ t gi nda tɛnɛ ko la Buku tɛ Nzapa asu hĩ! Tɛnɛ ni lo mɛ: ‘Mbi Nzapa, mbi ye ya zo ama vundu tɛ afɔ̃ lo. Ta mbi ye ya, zo alu mbi na sa ma.’ ” Yezo apa ya: “Ta mbi ga ge so ilingɔ anzɔ̃ azi ma, kanda mbi ga so ilingɔ awa lingɔ siɔ ye.”

Marko 2:17

Yezo ĩ ma so ko, agbinya hɛ̃ la ya: “Azi ko gbe tɛrɛ la nzɔ̃ni ko, ta ala ndodu na gwɛ̃ tɛ mɔnganga ma, kanda bo awa ngã la ndodu na gwɛ̃ tɛ mɔnganga. Ta mbi ga ge so ilingɔ anzɔ̃ azi ma, kanda mbi ga so ilingɔ awa lingɔ siɔ ye.”

Luka 15:2

Afarizeo na awa hangɔ ndia ĩ hũ so ko, ala so ndunguma ka popo tɛ la, ala ya: “Kɔli olo ndoyamba awa lingɔ siɔ ye, ko lo na la ndotɛ nga ye ndoni kɔi o!”

Luka 19:10

Ta sanga ma, mbi Nyi Zo mbi ga so gingɔ azi mɛ ayu lege, mbi ga nga so songɔ azi mɛ agere.”

Luka 5:32

Ta mbi ga ge so ilingɔ anzɔ̃ azi ma, kanda mbi ga so ilingɔ awa lingɔ siɔ ye, ya ala gbinya bɛ la.”

Yoanɛ 1:12

Kanda ambanga ayamba ndo lo, aye nga ndo lo tɛ lo, la lo hɛ̃ la nguru ya, ala ti aya Nzapa.

Yoanɛ 1:29

Ĩ la bu ndã ĩ de ko, Yoanɛ ahũ Yezo so ndoga ka tɛ lo, la Yoanɛ apa hɛ̃ azi ya: “Ĩ ba Nyi Ngasã Ngbaga tɛ Nzapa mɛ aga so hãngɔ siɔ ye tɛ azi zingɔ lo mɛ!

Yoanɛ 12:47

Se zo ama tɛnɛ tɛ mbi, ko ta lo tɔndɔ ni ma ko, ta mbi la na fangɔ ngbanga bingɔ li lo ma, ta sanga ma, ta mbi ga ge lɛ sese so fangɔ ngbanga bingɔ li azi ma, kanda mbi ga so songɔ azi.

Yoanɛ 3:36

Zo ko la aye lo tɛ Nyi Nzapa ko, lo lua du ti kaka. Wa zo ko la akɛ̃ nyɔ Nyi Nzapa ko, ngɔnzɔ ni angbã ya Nzapa, ko ta zo ni ko alua du ti kaka ma.

Awa Pangɔ Kwa 11:1

Awa pangɔ kwa tɛ Yezo, na awa yengɔ lo tɛ lo mɛ ka Yudea ama ndo ya, azi mɛ ta Ayuda ma aye nga tɛnɛ tɛ Nzapa.

Awa Pangɔ Kwa 11:18

Ala ĩ ma tɛnɛ ni wɛ ko, bɛ la azu, la ala gonda Nzapa ya: “Biani, Nzapa ahɛ̃ nga lege hɛ̃ azi mɛ ta Ayuda ma ya, ala gbinya bɛ la, wa ala lua bɛta du.”

Awa Pangɔ Kwa 3:26

Na lo ni la Nzapa amu ndo wa kwa tɛ lo Yezo, ato lo hɛ̃ ĩ uzu ya, se zo kɔi kɔi na popo tɛ ĩ azia siɔ ye tɛ lo, wadila Yezo asunu ĩ.”

Roma 11:14

se alengbi ko, mbi li ya, Ayuda mɛ na ale tɛ mbi adu na sɔbɛrɛ, wadila Nzapa aso ambanga na popo tɛ la, na lo ti kwa tɛ mbi.

Roma 5:6

Ngoi mɛ ndo ta e de e lua nguru ma ko, Yezo Kristo akpi ndo so e asiɔ azi, na bi mɛ ndo Nzapa ako.

1 Kɔrinto 15:9

Mbi ndo ndangba tɛ awa pangɔ kwa tɛ Yezo zu. Ti biani ko, ta alengbi be ti ilingɔ mbi ya, mbi wa pangɔ kwa tɛ Yezo ma. Ta sanga ma, mbi hɛ̃ ndo pɛnɔ hɛ̃ azi ti Eklezia tɛ Nzapa.

Efɛzɛ 3:8

Mbi ndangba tɛ azi tɛ Nzapa zu. Bɛ se mbi du ndangba tɛ la zu ko, lo hɛ̃ mbi lege ya, tɛnɛ ti ngbondo nwa mɛ alo ka yamba ti Yezo Kristo ko, mbi pa ni hɛ̃ azi mɛ ta Ayuda ma. Ko ta zo alengbi ti hĩngangɔ se mɛ nwa ni akɔnɔ na ni ma.

1 Timɔte 1:13

Ndo gã ko, mbi ndoguru ndo lo, mbi ndohɛ̃ ndo pɛnɔ hɛ̃ azi tɛ lo, mbi ndotɛnɛ ndo siɔ tɛnɛ na ili lo. Ko abɛ nga so ko, Gbia Nzapa ama vundu hɛ̃ mbi, na lo mɛ ya, ta mbi hĩnga ndo ye mɛ mbi ndoli ma, ta mbi ndoye ndo nga lo tɛ Yezo ma.

1 Timɔte 1:19

Ngbã bo na yengɔ lo tɛ Yezo Kristo, ngbã nga na vuru bɛ. Ambanga azi akɛ̃ ndo batangɔ bɛ la vuruni, ko na lo ni ko, lo yengɔ tɛ la akpi kpɔɔ.

1 Timɔte 3:1

Tɛnɛ mɛ mbi na pangɔ ni ko, adu bɛta tɛnɛ. Tɛnɛ ni lo mɛ: zo ko la aye tingɔ wa batangɔ azi ti Eklezia ko, lo ye lingɔ nzɔ̃ kwa.

1 Timɔte 4:9

Tɛnɛ ni ko adu biani, ko azi alengbi ti yengɔ ni na bɛ la kɔi.

1 Timɔte 6:13

Na ili Nzapa mɛ ndohɛ̃ dungɔ lɛ ngɛ̃ hɛ̃ aye zu, nga na ili Yezo Kristo mɛ ndo apa nzɔ̃ lo ni na gbɛlɛ Pɔnse Pilato ko, mbi hɛ̃ mɔ nyɔ ya,

2 Timɔte 2:11

Atɛnɛ olo adu abɛta tɛnɛ. Atɛnɛ ni lo mɛ: “Se e na lo e kpili kɔi ko, gbanda ko e na lo e du nga lɛ e ngɛ̃ kɔi.

Tito 3:8

Tɛnɛ ko la mbi tɛnɛ ko, adu bɛta tɛnɛ. Ko mbi ye ya, atɛnɛ mɛ mbi tɛnɛ ko, ha ni kpengbani, wadila azi ko la aye lo tɛ Nzapa ahɛ̃ tɛrɛ la na lingɔ anzɔ̃ kwa. Ba ye mɛ nzɔ̃ni, ko andoza nga azi la.

Aebreo 7:25

Na lo ni la lo lengbi ti songɔ azi mɛ ndoi tɛrɛ la ka tɛ Nzapa ti ndo lo. Lo lengbi ti songɔ la ti buai, ta sanga ma, lo ndongbã lɛ lo ngɛ̃ buru na buru so sambelangɔ Nzapa na lo tɛ la.

1 Yoanɛ 3:5

Ko ĩ hĩnga ya, Yezo Kristo aga ndo ge lɛ sese ya, ni hã siɔ ye tɛ azi ni zi. Ta Yezo ali ndo siɔ ye bɛ yakere ma.

1 Yoanɛ 3:8

Kanda zo ko la ta ndozia lingɔ siɔ ye ma ko, lo zo tɛ Satana. Ta sanga ma, Satana ato nda lingɔ siɔ ye ka ndo la Nzapa ali na sese. Na lo ni la Nyi Nzapa aga ge lɛ sese ya, ni gbɛ̃ kwa mɛ Satana ali.

1 Yoanɛ 5:11

Ĩ ma tɛnɛ mɛ Nzapa atɛnɛ lo mɛ: lo pa ya, ni hɛ̃ e ndo du ti kaka, ko e lua du ti kaka ni so Nyi ni.

Suma 21:5

La zo mɛ adu so ndo ngɛndɛ gbia apa ya: “Na olo ko, mbi li aye zu fanani.” Lo pa hɛ̃ mbi ya: “Su tɛnɛ mɛ, ta sanga ma, tɛnɛ ni adu bɛta tɛnɛ, adu nga tɛnɛ mɛ zo alengbi ti kpãngɔ bɛ lo ndo ni.”

Suma 22:6

So pɛni, angelo apa hɛ̃ mbi ya: “Tɛnɛ olo adu beta tɛnɛ, adu nga tɛnɛ mɛ zo alengbi ti kpãngɔ bɛ lo ndo ni. Gbia Nzapa mɛ wa hɛ̃ngɔ Tɔrɔ Santo tɛ lo hɛ̃ awa pangɔ nyɔ lo, ato angelo tɛ lo ya, lo fa awa kwa tɛ ni na alo mɛ na singɔ bo lo mɛ.”

Suma 5:9

Ala ndoye fana bia ya: “Mɔ lengbi ti mungɔ buku Kongbingɔ andã ni zingɔ. Ta sanga ma, aho ndo mɔ, Ko na lo ti kwá mɛ ndo mɔ kpi ko, Mɔ tɔ̃ ambanga azi hɛ̃ Nzapa. Azi mɛ mɔ tɔ̃ la ko, adu azi ti ale zu, Ti yanga kɔdɔrɔ zu, nga na ti lɛ sese zu.