1 Timɔte 1:14 - Fana Ngbangɔ 1987

¹⁴ Gbia tɛ e Yezo Kristo ali nzɔ̃ bɛ tɛ lo ma wo ma hɛ̃ mbi, lo zi lege hɛ̃ mbi, la mbi ye lo tɛ lo, mbi ye nga lo.

1 Timɔte 1:14 Iomraidhean Croise

Matie 20:9

La awa kwa ko la ato nda kwa na saa ti kɔ̃ ti ndɔ anɔ, amu faranga tɛ la, zo kɔi kɔi alua faranga kɔi.

Awa Pangɔ Kwa 15:11

Kanda e hĩnga tɛ e ya, e so na lo nzɔ̃ bɛ tɛ Gbia tɛ e Yezo, kwɛ kɔi nga ma se mɛ ala so na ni.”

Roma 16:20

Nzapa mɛ ndoli ya, bɛ azi adu pii ko, lo na nwɔngɔ Satana hiɔ, kpãngɔ lo na gbe gɛrɛ ĩ. Gbia tɛ e Yezo Kristo ali bɛ nzɔ̃ bɛ hɛ̃ ĩ ma ke!

1 Kɔrinto 15:10

Kanda na lo ti nzɔ̃ bɛ mɛ Nzapa ali hɛ̃ mbi, la mbi ti zo nga ma se mɛ ĩ ndohũ na mbi na olo, ko ta nzɔ̃ bɛ ni agwe gɛgɛrɛ ma. Ko mbi li ndo kwa mbi ɔ awa pangɔ kwa tɛ Yezo mɛ ndɛ̃ zu. Kanda ti biani ko, ta na lo nguru tɛ mbi nvɛni la mbi li ndo kwa ni ko ma, adu na lo nzɔ̃ bɛ mɛ Nzapa ali hɛ̃ mbi la mbi li ndo kwa ni ko.

1 Kɔrinto 3:10

Na lo ti nzɔ̃ bɛ mɛ Nzapa ali hɛ̃ mbi ko, mbi to ndo nda lingɔ kwa hɛ̃ Nzapa ka tɛ ĩ. Mbi li ndo kwa ni nga ma nzɔ̃ wa wangɔ da, ko mbi kpã ndo gu gɛrɛ da ni wɛ. Na olo ko, zo mɛ ndɛ̃ aga awa da na ndo gu gɛrɛ da ni. Kanda ale zo kɔi kɔi abata li lo nzɔ̃ni na se mɛ lo ndowa na da.

2 Kɔrinto 4:15

Aye ko zu mɛ asi adu na lo tɛ ĩ ya, Nzapa ali nzɔ̃ bɛ hɛ̃ azi gba, wa na lo ni ko, ala hɛ̃ lo sia kɔli, ala gonda nga lo.

2 Kɔrinto 8:9

Ti biani, ĩ hĩnga nzɔ̃ bɛ mɛ Gbia tɛ e Yezo Kristo ndoli hɛ̃ e. Lo mɛ ndo na nwa ka yayu sĩ ko, lo ti ndo wa yɛlɛ so zangɔ ĩ. Lo li ndo so ya, na lege ti yɛlɛ tɛ ni ko, ĩ ti awa nwa ka lɛ Nzapa.

Galatia 1:13

Ĩ ma pa ti sé du tɛ mbi, na ngoi mɛ ndo mbi ndotɔndɔ na ló Nzapa tɛ e Ayuda. Ĩ hĩnga se mɛ ndo mbi ndohɛ̃ na kpengba pɛnɔ hɛ̃ azi ti Eklezia tɛ Nzapa. Ĩ hĩnga nga se mɛ ndo mbi ndoli kpengbani ya, mbi gundu ya la.

1 Tɛsalɔnikɛ 1:3

Ngoi mɛ e ndosambela To e Nzapa ko, e ndoda bɛ e ngoi zu na se mɛ ĩ ndoli na kwa, na lo mɛ ya, ĩ ye lo tɛ lo. E ndoda bɛ e na se mɛ ĩ ndoli na kpengba kwa hɛ̃ lo, ta sanga ma, bɛ ĩ aye lo. E ndoda nga bɛ e na se mɛ ĩ ndolɛndɛrɛ na Gbia tɛ e Yezo Kristo kpengbani.

1 Tɛsalɔnikɛ 5:8

Kanda tɛ e ko, e ndodɔ nɔ na lá, ko ale e ndoli nga ye na nyɔ kpɔ̃ ni. Ale e ndongbã na yengɔ lo tɛ Yezo Kristo, ko ale e ndoyengbi nga. Ta sanga ma, se e li so ko, e du nga ma aturugu mɛ ayu bɔngɔ ti nwa so gbanzingɔ ya, ta ye abɔrɔ tɛrɛ ani ma. Ale e ndokpã nga bɛ e na ndo lá ko gbanda Nzapa aso e, ta sanga ma, se e li nga so ko, e du nga ma aturugu mɛ ayu kpɔtɔ ti nwa so gbanzingɔ ya, ta ye abɔrɔ li ani ma.

1 Timɔte 2:15

Abɛ nga so ko, se wali angbã bo na yengɔ lo tɛ Nzapa, na yengɔ afɔ̃ lo azi, na lingɔ ye mɛ ndode bɛ Nzapa, nga na lingɔ ye ya, ta gwɛ̃ tɛ lo agbɔ̃ akɔli ma ko, lo na songɔ kwá, na ngoi ti lo dúngɔ nyi.

1 Timɔte 4:12

Ta mɔ ye ya, zo asamana na mɔ, na lo mɛ ya, mɔ dɛ nyi kɔli ma. Kanda ale mɔ du wa fangɔ nzɔ̃ le lo na awa Kristo. Ale mɔ fa la na ni na se tɛnɛ tɛ mɔ, na se du tɛ mɔ, na se mɛ mɔ ndoye na lo tɛ Nzapa, nga na se mɛ mɔ ndodu na vuru bɛ.

1 Timɔte 6:11

Wa mɔ mɛ mɔ tɛ mɔ zo tɛ Nzapa ko, ale mɔ kpɛ asiɔ ye ko zu. Li kpengbani ya, mɔ li ye mɛ mbiri mbiri, ye mɛ ndode be Nzapa. Ngbã bo na yengɔ lo tɛ Nzapa, ye afɔ̃ mɔ, gbe bɛ mɔ, du na dede bɛ.

2 Timɔte 1:13

Abɛta tɛnɛ mɛ ndo mbi pa hɛ̃ mɔ ko, mu bo ni, mɔ pa hɛ̃ azi. Ye lo tɛ Yezo bɛ mɔ kɔi, ko mɔ ye nga azi na nguru mɛ e na ni, na lo mɛ ya, e na Yezo Kristo e ti bo kɔi.

2 Timɔte 2:22

Timɔte, ta mɔ li ye na se gwɛ̃ ti tɛrɛ nga ma tɛ ambanga apandara ma. Li kpengbani mɔ li ye mɛ mbiri mbiri, mɔ ye lo tɛ Yezo na bɛ mɔ kɔi, mɔ ye azi, mɔ du na mangbingɔ na popo tɛ mɔ na azi mɛ bɛ la vuruni, azi mɛ ndoili Gbia Nzapa ya, lo za ani.

Tito 2:2

Pa hɛ̃ abange ya, ala li ye na nyɔ kpɔ̃ ni, ala du azi ti ndima, ala du na nzɔ̃ kɔdɛ. Ale ala kpengba na ya lo yengɔ lo tɛ Nzapa, ala ye afɔ̃ la, ala gbe bɛ la.

1 Petro 1:3

É gonda Nzapa mɛ To Gbia tɛ e Yezo Kristo! Lo ma vundu tɛ e ma wo ma, ko lo hɛ̃ e fana du na lege ti songɔ Yezo Kristo na pɛ kwá. Nda mɛ e ndolɛndɛrɛ ya, lo nga na songɔ e na pɛ kwá la.

1 Yoanɛ 4:10

Ko lo yengɔ ni adu nga so mɛ: Nzapa aye e kɔzoni, la lo to Nyi lo ya, lo ga, lo tiɔ sende ti siɔ ye tɛ e, wadila ni Nzapa ni ka lɛ ni ndo asiɔ ye tɛ e. Kanda ta e ndo la e ye Nzapa kɔzoni ma.

Suma 22:21

Gbia Yezo ali bɛ nzɔ̃ bɛ hɛ̃ ĩ zu ma ke!