1 Timɔte 1:13 - Fana Ngbangɔ 1987

¹³ Ndo gã ko, mbi ndoguru ndo lo, mbi ndohɛ̃ ndo pɛnɔ hɛ̃ azi tɛ lo, mbi ndotɛnɛ ndo siɔ tɛnɛ na ili lo. Ko abɛ nga so ko, Gbia Nzapa ama vundu hɛ̃ mbi, na lo mɛ ya, ta mbi hĩnga ndo ye mɛ mbi ndoli ma, ta mbi ndoye ndo nga lo tɛ Yezo ma.

1 Timɔte 1:13 Iomraidhean Croise

Luka 12:47

“Wa kwa ko la ahĩnga ye mɛ gbia tɛ lo ndoye, kanda ta lo ndolɛkɛ tɛrɛ lo ma, ta lo ndoli nga ye mɛ gbia tɛ lo ndoye ma ko, na sɔ̃ngɔ lo na fimbo ma wo ma.

Luka 23:34

Yezo apa hɛ̃ To lo ya: “Baba, ka lɛ mɔ ndo siɔ ye ko la ala li tɛrɛ mbi, ta sanga ma, ta ala hĩnga ye ko la ala li ma.” Aturugu ato zeke so kangbingɔ na abɔngɔ tɛ Yezo na tɛrɛ la.

Awa Pangɔ Kwa 22:4

Mbi hɛ̃ ndo pɛnɔ hɛ̃ azi mɛ amu lege tɛ Gbia Yezo, ko ambanga alua ndo kwa da, akpili. Mbi gbɔ̃nɔ nga ndo akɔli na awe, mbi sa la bɔlɔkɔ.

Awa Pangɔ Kwa 3:17

“Aya bua, ngoi mɛ ndo ĩ na agbia tɛ ĩ, ĩ ka Yezo ko, mbi da bɛ mbi ya, ta ĩ hĩnga ndo ya lo la Mɛsia ma.

Awa Pangɔ Kwa 8:3

Tɛ Saulo ko, lo ndogia ndo azi ti Eklezia sĩ. Lo ndoli ndo na ya da kɔi kɔi, lo gbɔ̃nɔ akɔli na awe mɛ awa yengɔ lo tɛ Yezo, lo sa la bɔlɔkɔ.

Awa Pangɔ Kwa 9:1

Kanda Saulo ndogi ndo kɔdɛ ngoi zu ya, ni kpɔ awa yengɔ lo tɛ Gbia Yezo. Mbanga lá kɔi ko, lo nɔ ka tɛ kota gbia tɛ awa lungɔ Nzapa na ye,

Awa Pangɔ Kwa 9:13

La Ananiasi agbinya hɛ̃ lo ya: “Gbia, azi gba apa lo tɛ kɔli olo hɛ̃ mbi, ala pa nga asiɔ ye zu mɛ lo li tɛrɛ azi tɛ mɔ mɛ ka Yeruzalɛmɛ.

Awa Pangɔ Kwa 9:5

La Saulo ahũnda ya: “Gbia, mɔ na?” Lo gbinya hɛ̃ lo ya: “Mbi Yezo mɛ mɔ ndohɛ̃ mbi pɛnɔ la.

1 Kɔrinto 15:9

Mbi ndo ndangba tɛ awa pangɔ kwa tɛ Yezo zu. Ti biani ko, ta alengbi be ti ilingɔ mbi ya, mbi wa pangɔ kwa tɛ Yezo ma. Ta sanga ma, mbi hɛ̃ ndo pɛnɔ hɛ̃ azi ti Eklezia tɛ Nzapa.

1 Kɔrinto 7:25

Na olo ko, mbi na gbinyangɔ tɛnɛ ko ndo ĩ hũnda na mbi na lo tɛ amɔdo. Tɛnɛ mɛ mbi na gbinyangɔ hɛ̃ ĩ ko, ta adu Nzapa la ahɛ̃ nyɔ ni ko ma, kanda adu dangɔ bɛ tɛ mbi nvɛni. Ko ale ĩ ye lo dangɔ bɛ ni, ta sanga ma, mbi du zo mɛ ĩ lengbi ti kpãngɔ bɛ ĩ ndo mbi, na lo mɛ ya, Gbia Yezo ama vundu tɛ mbi.

Galatia 1:13

Ĩ ma pa ti sé du tɛ mbi, na ngoi mɛ ndo mbi ndotɔndɔ na ló Nzapa tɛ e Ayuda. Ĩ hĩnga se mɛ ndo mbi ndohɛ̃ na kpengba pɛnɔ hɛ̃ azi ti Eklezia tɛ Nzapa. Ĩ hĩnga nga se mɛ ndo mbi ndoli kpengbani ya, mbi gundu ya la.

Filipɛ 3:6

Mbi ndotɔndɔ ndo se li ye tɛ e na seni, ko na lo ni ndo la mbi ndohɛ̃ pɛnɔ hɛ̃ awa Kristo. Se adu ya, Nzapa ndomu zo ka lɛ lo ya, lo bɛta zo na lo ti tɔndɔngɔ ndia na seni ko, ta zo alengbi ndo ti belangɔ mbi ma, na lo mɛ ya, mbi ndotɔndɔ ndia na seni.

1 Timɔte 1:16

Na lo ni la Nzapa ama vundu hɛ̃ mbi. Lo ye ya, Yezo Kristo afa ti ndo mbi hɛ̃ awa lingɔ siɔ ye mɛ siɔ ye tɛ mbi aɔ ndo tɛ la zu ya, ni na yɔngɔrɔ bɛ sĩ. Ko yɔngɔrɔ bɛ mɛ ndo lo na ni ndo mbi na sangɔ nguru bɛ azi mɛ na yengɔ lo tɛ lo, na luangɔ nga du ti kaka.

Aebreo 4:16

Na lo ni ko, ale ta bɛ e atitiri ma, kanda ale e i tɛrɛ e ka tɛ Gbia Nzapa mɛ ndoli nzɔ̃ bɛ hɛ̃ azi. E i tɛrɛ e ka tɛ lo, wa lo ka lɛ lo ndo asiɔ ye tɛ e, lo li nzɔ̃ bɛ hɛ̃ e, ko lo za nga e na ngoi mɛ e na gwɛ̃ ni.

1 Petro 2:10

Ndo uzu ko, ta ĩ ndo azi tɛ Nzapa ma, ta lo ndoma nga ndo vundu tɛ ĩ ma. Kanda na olo ko, ĩ ti azi tɛ lo, lo ndoma nga vundu tɛ ĩ.