1 Timɔte 1:1 - Fana Ngbangɔ 1987

^1-2 Mbi Polo mɛ Nzapa na Yezo Kristo ahɛ̃ nyɔ hɛ̃ mbi ya, mbi du wa pangɔ kwa tɛ Yezo Kristo, la mbi to mbɛti olo hɛ mɔ Timɔte mɛ mɔ nga ma bɛta nyi mbi, na lo mɛ ya, mɔ ye lo tɛ Yezo Kristo. Nzapa la aso e, ko Yezo Kristo la e ndolɛndɛrɛ lo. Mbi bala mɔ. To e Nzapa na Gbia tɛ e Yezo Kristo ali bɛ nzɔ̃ bɛ hɛ̃ mɔ, ama bɛ vundu tɛ mɔ, ali bɛ nga ya, bɛ mɔ adu pii ma ke!

1 Timɔte 1:1 Iomraidhean Croise

Luka 1:47

Ko bɛ mbi ndode sĩ na lo tɛ Nzapa Wa songɔ mbi.

Luka 2:11

na bi olo ko, adú fɛrɛ hɛ̃ ĩ Wa songɔ azi ka kɔdɔrɔ tɛ Davidi. Lo la Mɛsia, lo nga Gbia.

Awa Pangɔ Kwa 9:15

La Gbia apa hɛ̃ Ananiasi ya: “Nɔ bo nɔngɔ, ta sanga ma, mbi sara zo olo, ko mbi na kpãngɔ lo ya, lo pa lo tɛ mbi hɛ̃ Ayuda, na azi ti sese mɛ ndɛ̃, nga na agbia tɛ la ya, ala hĩnga mbi.

Roma 1:1

Mbi Polo, wa kwa tɛ Yezo Kristo la mbi to mbɛti olo hɛ̃ ĩ awa Kristo ti Roma. Nzapa aili mbi ya, mbi du wa pangɔ kwa tɛ ni, lo sara nga mbi lo kpa ya, mbi pa Nzɔ̃ Pa tɛ ni hɛ̃ azi.

1 Kɔrinto 1:1

Mbi Polo mɛ ndo Nzapa asara mbi na se bɛ lo akpã ya, mbi du wa pangɔ kwa tɛ Yezo Kristo, nga na Sɔstɛnɛ mɛ nyita e wa Kristo la e to mbɛti olo hɛ̃ ĩ. E bala ĩ.

1 Kɔrinto 9:17

Se adu ya, mbi nvɛni ndo la mbi ye lingɔ kwa olo ko, ale mbi ndokpã bɛ mbi na ndo luangɔ faranga. Kanda nga ma la Nzapa ahɛ̃ mbi nyɔ ya, mbi li kwa ni ko, ale mbi li bo kwa ni.

2 Kɔrinto 1:1

Mbi Polo mɛ ndo Nzapa asara mbi na se bɛ lo nvɛni akpã ya, mbi du wa pangɔ kwa tɛ Yezo Kristo, nga na nyita e Timɔte la e to mbɛti olo hɛ̃ ĩ. E bala ĩ. E to mbɛti olo hɛ̃ ĩ azi ti Eklezia mɛ ka Kɔrinto. E to nga mbɛti ni hɛ̃ azi tɛ Nzapa zu mɛ ndodu ka sese ti Grɛsɛ zu.

Galatia 1:1

Mbi Polo mɛ Nzapa akpa mbi wa pangɔ kwa tɛ Yezo Kristo, na ayata e awa Kristo zu mɛ ge la e bombi, e to mbɛti olo hɛ̃ ĩ azi ti Eklezia ndɛ̃ ndɛ̃ ndɛ̃ mɛ ka sese ti Galatia. E bala ĩ. Ta zo la akpã mbi Polo wa pangɔ kwa tɛ Yezo Kristo ma, ta zo nga la ali ya, mbi ti wa pangɔ kwa tɛ Yezo Kristo ma. Kanda adu Yezo Kristo, na To lo Nzapa mɛ ndo aso lo na pɛ kwá la akpã mbi.

Galatia 1:11

Aya bua, mbi pa hɛ̃ ĩ ya, Nzɔ̃ Pa mɛ mbi ndopa ko, ta adu tɛnɛ mɛ zo ako na bɛ lo ma.

Kɔlɔsɛ 1:27

Ta sanga ma, lo ye fangɔ na la ya, lo mɛ ndo ni hɔndɛ na azi ko, adu lo mɛ nzɔ̃ni buai, lo mɛ aɔ aye zu, ko lo ni adu na lo tɛ azi zu. Lo ni lo mɛ: Yezo Kristo ndodu ka ya bɛ ĩ, na lo ni ko, ĩ ndolɛndɛrɛ ya, ĩ lua nga gbanda ndima ka tɛ Nzapa.

2 Tɛsalɔnikɛ 2:16

E ndohũnda Gbia tɛ e Yezo Kristo nvɛni nga na To e Nzapa na lo tɛ ĩ. Nzapa ndoye e, ko na lo ti nzɔ̃ bɛ tɛ lo ko, lo ndosa nguru ti kaka bɛ e, lo ndoza nga e ya, e lɛndɛrɛ nzɔ̃ ye mɛ gbanda lo li hɛ̃ e. Ko e hũnda lo na Gbia tɛ e Yezo Kristo ya, ala sa bɛ nguru ka bɛ ĩ, ala hɛ̃ bɛ ĩ nguru ti lingɔ anzɔ̃ ye ngoi zu, nga na ti tɛnɛngɔ anzɔ̃ tɛnɛ ngoi zu ma ke!

1 Timɔte 1:12

Mbi hɛ̃ sia kɔli hɛ̃ Gbia tɛ e Yezo Kristo mɛ asa nguru tɛrɛ mbi ya, mbi li na kwa tɛ ni. Mbi hɛ̃ lo sia kɔli na lo ko la lo mu mbi ka le lo ya, mbi du zo mɛ lo lengbi ti kpãngɔ bɛ lo ndo mbi, lo kpã nga mbi wa kwa tɛ lo.

1 Timɔte 2:3

Ĩ ba sambela mɛ Nzapa mɛ Wa songɔ e ndohũ ka le lo nzɔ̃ni, ko ndode nga bɛ lo la.

1 Timɔte 2:7

Na lo ni la lo kpa mbi wa nɔngɔ kwa, so pangɔ pa tɛ Yezo Kristo. Lo nɛ hɛ̃ mbi ya, mbi ha azi mɛ ta Ayuda ma na bɛta lo tɛ ni, wadila ala ye lo ni. Bɛta tɛnɛ la mbi tɛnɛ, ta adu nvɛnɛ ma.

1 Timɔte 4:10

Ĩ ba nda mɛ e ndoli kwa kpengbani sĩ la. Ta sanga ma, e ndolɛndɛrɛ Nzapa mɛ lɛ lo ngɛ̃, lo mɛ Wa songɔ azi zu, lo mɛ lo ndoso mai bo awa yengɔ lo tɛ Yezo Kristo.

Tito 1:3

Ko ngoi mɛ ndo bi mɛ lo ko ĩ lengbi ko, lo fa e na lege ti luangɔ du ti kaka ni na ya tɛnɛ tɛ lo mɛ lo zia na yamba ti mbi, ya mbi pa hɛ̃ azi. Ko adu nyɔ mɛ Nzapa mɛ Wa songɔ e ahɛ̃ mbi la.

Tito 2:10

Ale ta ala nzĩ nga ye kɔi na ti ato gbia la ma. Kanda ngoi zu ko, ale ala fa ya, ani awa lingɔ nzɔ̃ kwa, wadila ato gbia la ahĩnga ya, ala abɛta azi. Se ala li so, wadila na ya lo zu ko, azi agonda lo tɛ Nzapa mɛ e ndoha, Nzapa mɛ Wa songɔ e.

Tito 2:13

Ale e li so na ngoi mɛ e ndoku lá ti dengɔ bɛ mɛ e ndolɛndɛrɛ. Lá ni ko adu lá mɛ gbanda Wa songɔ e Yezo Kristo mɛ kota Nzapa tɛ e adiri na ni.

Tito 3:4

kanda ngoi mɛ ndo Nzapa mɛ Wa songɔ e afa ya, ni ndoli azi nzɔ̃ni, ni ndoye nga la ko,

Tito 3:6

Ta sanga ma, Nzapa ahɛ̃ e nguru tɛ Tɔrɔ Santo sĩ nvɛni ti ndo Wa songɔ e Yezo Kristo.

1 Petro 1:21

Nzapa aso ndo lo na pɛ kwá, ahɛ̃ lo ndima. Ko ĩ ye lo tɛ Nzapa na lo tɛ lo. Na lo ni, zo mɛ ĩ ye lo tɛ lo, ĩ ndolɛndɛrɛ lo ko, lo Nzapa.

1 Petro 1:3

É gonda Nzapa mɛ To Gbia tɛ e Yezo Kristo! Lo ma vundu tɛ e ma wo ma, ko lo hɛ̃ e fana du na lege ti songɔ Yezo Kristo na pɛ kwá. Nda mɛ e ndolɛndɛrɛ ya, lo nga na songɔ e na pɛ kwá la.

2 Petro 1:1

Mbi Simɔ Petro mɛ wa kwa tɛ Yezo Kristo, mbi mɛ nga wa pangɔ kwa tɛ lo la mbi su mbɛti olo mɛ hɛ̃ ĩ azi mɛ ĩ ye lo tɛ Yezo Kristo nga ma se mɛ e ye na ni. Mbi bala ĩ. Lo tɛ lo mɛ e na ĩ e ye ko, adu ngbondoni. E lua ngbondo lo ni ko, na lo mɛ ya, Yezo Kristo lo bɛta zo, lo Nzapa tɛ e, lo nga Wa songɔ e.

1 Yoanɛ 4:14

E nvɛni, e hũ ndo na lɛ e ya, To e Nzapa ato ndo Nyi lo ya, lo du Wa songɔ azi ti lɛ sese, ko adu lo ni la e ndopa hɛ̃ azi.

Yudɛ 1:25

Lo ngengereni kɔi, lo Wa songɔ e na lo ye ko la Gbia tɛ e Yezo Kristo ali tɛrɛ e. Ndima, na nguru, nga na lo gbia adu na lo tɛ lo. Se tɛ lo ndo la, se tɛ lo na olo la, se mɛ nga lo na dungɔ na ni buru buru la! Seni la.