1 Tɛsalɔnikɛ 5:9 - Fana Ngbangɔ 1987

⁹ Ta Nzapa asara ndo e akpã ya, ni li ngɔnzɔ hɛ̃ e ma, kanda lo sara ndo e ya, Gbia tɛ e Yezo aso e.

1 Tɛsalɔnikɛ 5:9 Iomraidhean Croise

Matie 26:24

Biani, mbi Nyi Zo, mbi na kpingɔ nga ma se mɛ Buku tɛ Nzapa apa na ni na lo tɛ mbi. Kanda siɔ lo na tingɔ na wa kangɔ mbi! Nzɔ̃ni ale ta adú ndo lo ma.”

Awa Pangɔ Kwa 1:20

Petro apa nga ya: “Asu ka ya buku ti Bia ya: ‘Azi zu adɔ bɛ da tɛ lo azia ma ke! Ko ta zo mɛ ndɛ̃ ala bɛ na ya da ni ma ke!’ Asu nga ya: ‘Zo mɛ ndɛ̃ ali bɛ kwa na se lɛ lo ma ke!’

Awa Pangɔ Kwa 1:25

lo li kwa na se lɛ Yudasi, ko lo du wa pangɔ kwa tɛ Yezo. Ta sanga ma, Yudasi azia ndo kwa tɛ lo, ko lo gwe na ndo mɛ alengbi na lo.”

Awa Pangɔ Kwa 13:48

Azi mɛ ta Ayuda ma ĩ ma so ko, ala saba, ko ala gonda tɛnɛ tɛ Gbia Nzapa. Azi zu mɛ ndo Nzapa apia asara la ya, gbanda ala lua du ti kaka ko, ala ye ndo lo tɛ Yezo.

Roma 11:30

Ndo gã ko, ĩ azi mɛ ta ĩ Ayuda ma, ĩ kɛ̃ nyɔ Nzapa, ko na olo ko, Nzapa ama vundu hɛ̃ ĩ, na lo mɛ ya, Ayuda akɛ̃ nyɔ lo.

Roma 11:7

Wa tɛnɛ mɛ e ti e tɛnɛ nɛ? Ta awa Izrayɛlɛ alua ye mɛ ndo ala ndogi ma. Bo azi yakere mɛ ndo Nzapa asara la akpã la alua ye ni ko, ko azi mɛ ndɛ̃ ali ndo kpengba li,

1 Tɛsalɔnikɛ 1:10

nga so masingɔ ya, Nyi lo Yezo mɛ ndo lo so lo na pɛ kwa, alo ka yayu aga. Ko Nyi lo ni aso e na ya siɔ ye, so Nzapa ali ngɔnzɔ hɛ̃ e na ngoi ti fangɔ ngbanga.

1 Tɛsalɔnikɛ 3:3

wadila ta zo kɔi na popo tɛ ĩ adɔ lege tɛ Gbia Yezo azia, na lo ti apɛnɔ mɛ ĩ ndohũ ma. Ta sanga ma, ĩ nvɛni ĩ hĩnga ya, Nzapa apia ndo apa ya, ale e awa Kristo e hũ gi tɛrɛ apɛnɔ ko.

1 Timɔte 1:13

Ndo gã ko, mbi ndoguru ndo lo, mbi ndohɛ̃ ndo pɛnɔ hɛ̃ azi tɛ lo, mbi ndotɛnɛ ndo siɔ tɛnɛ na ili lo. Ko abɛ nga so ko, Gbia Nzapa ama vundu hɛ̃ mbi, na lo mɛ ya, ta mbi hĩnga ndo ye mɛ mbi ndoli ma, ta mbi ndoye ndo nga lo tɛ Yezo ma.

1 Timɔte 1:16

Na lo ni la Nzapa ama vundu hɛ̃ mbi. Lo ye ya, Yezo Kristo afa ti ndo mbi hɛ̃ awa lingɔ siɔ ye mɛ siɔ ye tɛ mbi aɔ ndo tɛ la zu ya, ni na yɔngɔrɔ bɛ sĩ. Ko yɔngɔrɔ bɛ mɛ ndo lo na ni ndo mbi na sangɔ nguru bɛ azi mɛ na yengɔ lo tɛ lo, na luangɔ nga du ti kaka.

2 Timɔte 2:10

Na lo ni la mbi ndogbe bɛ mbi na ya alo zu, na lo tɛ azi mɛ ndo Nzapa asara la akpã ya, ala du azi tɛ ni. Mbi li so ya, Nzapa aso la ti ndo Yezo Kristo, ko ala lua nga ndima ti kaka.

1 Petro 2:10

Ndo uzu ko, ta ĩ ndo azi tɛ Nzapa ma, ta lo ndoma nga ndo vundu tɛ ĩ ma. Kanda na olo ko, ĩ ti azi tɛ lo, lo ndoma nga vundu tɛ ĩ.

1 Petro 2:8

Asu nga ka ya Buku tɛ Nzapa na ndo mɛ ndɛ̃ ya: “Azi ndota li gɛrɛ la na tɛ́nɛ ni ko, Ko andokinda la.” Ala ndota li gɛrɛ la na tɛ́nɛ ni ko, na lo mɛ ya, ala kɛ yengɔ tɛnɛ tɛ Nzapa. Ko adu nyɔ Nzapa mɛ ndo lo hɛ̃ ya, adu na lo tɛ la la.

2 Petro 1:1

Mbi Simɔ Petro mɛ wa kwa tɛ Yezo Kristo, mbi mɛ nga wa pangɔ kwa tɛ lo la mbi su mbɛti olo mɛ hɛ̃ ĩ azi mɛ ĩ ye lo tɛ Yezo Kristo nga ma se mɛ e ye na ni. Mbi bala ĩ. Lo tɛ lo mɛ e na ĩ e ye ko, adu ngbondoni. E lua ngbondo lo ni ko, na lo mɛ ya, Yezo Kristo lo bɛta zo, lo Nzapa tɛ e, lo nga Wa songɔ e.

2 Petro 2:3

Awa hangɔ lo ti nvɛnɛ ni ko ndodu na gwɛ̃ ti luangɔ faranga, ko na lo ni ko, ala na karangɔ ló ya, ani tɛ faranga tɛ ĩ. Ko ato ndo gã, Nzapa mɛ wa fangɔ ngbanga tɛ la, wa kpɔngɔ la ko, ta lo ndola langɔ ma, lo ndoku bo kungɔ ya, ni sa la ka lifɛlo.

Yudɛ 1:4

Mbi tɛnɛ nga so, ta sanga ma, ambanga asiɔ azi ali na popo tɛ e na poroso. Ala ndogbinya tɛnɛ ti nzɔ̃ bɛ tɛ Nzapa tɛ e ati ndɛ̃, ala ndopa nga ya, e lengbi ti lingɔ siɔ ye mɛ bɛ e aye. Ala kɛ̃ Yezo Kristo mɛ bo lo kɔi la wa hangɔ e na lo tɛ Nzapa, lo nga Gbia tɛ e. Asu ndo ka ya Buku tɛ Nzapa gã ya, Nzapa afa gbanda ngbanga abi li azi ni ko.