Biblia Todo Logo
Bìoball air-loidhne

- Sanasan -




1 Tɛsalɔnikɛ 5:8 - Fana Ngbangɔ 1987

8 Kanda tɛ e ko, e ndodɔ nɔ na lá, ko ale e ndoli nga ye na nyɔ kpɔ̃ ni. Ale e ndongbã na yengɔ lo tɛ Yezo Kristo, ko ale e ndoyengbi nga. Ta sanga ma, se e li so ko, e du nga ma aturugu mɛ ayu bɔngɔ ti nwa so gbanzingɔ ya, ta ye abɔrɔ tɛrɛ ani ma. Ale e ndokpã nga bɛ e na ndo lá ko gbanda Nzapa aso e, ta sanga ma, se e li nga so ko, e du nga ma aturugu mɛ ayu kpɔtɔ ti nwa so gbanzingɔ ya, ta ye abɔrɔ li ani ma.

Faic an caibideil Dèan lethbhreac




1 Tɛsalɔnikɛ 5:8
25 Iomraidhean Croise  

Na olo ko, ye ota mɛ na ngbãngɔ kaka lo mɛ: yengɔ lo tɛ Nzapa, lɛndɛrɛngɔ lo, nga na yengbingɔ. Wa na popo ti aye olo ota ko, ye mɛ aɔ afɔ̃ lo zu la: yengbingɔ.


e ndopa bɛta tɛnɛ tɛ Nzapa, e na nguru tɛ Nzapa. E ndoli ye na seni, ko ye mɛ e ndoli na seni adu nga ma e na ye ti tiringɔ na to, adu nga ma ye ti batangɔ na tɛrɛ e.


Kanda tɛ e ko, e ndolɛndɛrɛ ya, e ti abɛta azi ka lɛ Nzapa, na lo mɛ ya, e ye lo tɛ lo. Ko ye mɛ e ndoku na nguru tɛ Tɔrɔ Santo la.


Aye ti to zu mɛ Nzapa ahɛ̃ ĩ ko, ĩ gbɔ̃ ni so ti ĩ ya, ngoi mɛ Satana atara handangɔ ĩ ko, ĩ gbe bɛ ĩ.


To e Nzapa na Gbia Yezo Kristo ali bɛ ya, bɛ ayata e awa Kristo adu pii ma ke! Ala li bɛ nga ya, ĩ yengbi, ko ĩ ye nga lo tɛ la na bɛ ĩ kɔi ma ke!


Ta sanga ma, ĩ zu ĩ du azi mɛ ĩ ndodɔ nɔ na ya vuru ndo, nga na lɛ lá. Ta e du azi mɛ ndodɔ nɔ na bi, bere na ya mbingo ma.


E ndohũnda Gbia tɛ e Yezo Kristo nvɛni nga na To e Nzapa na lo tɛ ĩ. Nzapa ndoye e, ko na lo ti nzɔ̃ bɛ tɛ lo ko, lo ndosa nguru ti kaka bɛ e, lo ndoza nga e ya, e lɛndɛrɛ nzɔ̃ ye mɛ gbanda lo li hɛ̃ e. Ko e hũnda lo na Gbia tɛ e Yezo Kristo ya, ala sa bɛ nguru ka bɛ ĩ, ala hɛ̃ bɛ ĩ nguru ti lingɔ anzɔ̃ ye ngoi zu, nga na ti tɛnɛngɔ anzɔ̃ tɛnɛ ngoi zu ma ke!


Ye mɛ e ndokpã bɛ e ndo ni ka tɛ Nzapa ko, ye ni ko ndogbɔ̃ tɔrɔ tɛrɛ e kpengbani, nga ma se mɛ andozi nwa agwe gbe ngu ya, agbɔ̃ masua kpengbani alo na ni tise. Na lo ni ko, e lengbi ti ɔngɔ ka pɛ ma bɔngɔ mɛ akangbi ya kota da Nzapa, ko e si ka ndo ti santo sĩ nvɛni mɛ Nzapa da.


Na lo ti aye zu mɛ ndo Nzapa ali hɛ̃ ĩ ko, ale ĩ lɛkɛ bɛ ĩ so lingɔ kwa hɛ̃ Nzapa, Ĩ du na kpengba lɛ, ĩ lɛndɛrɛ anzɔ̃ ye mɛ gbanda Nzapa ahɛ̃ ĩ na lá ko gbanda Yezo Kristo aga na ni.


Kanda tɛ ĩ ko, ĩ du ale mɛ Nzapa asara ĩ akpã na lo tɛ lo, ĩ du awa lungɔ Gbia Nzapa na ye, ĩ abɛta azi tɛ Nzapa. Nzapa aili ĩ ya, ĩ lo ka ya mbingo ĩ si, í du na ya vuru ndo mɛ ngbɛ̃. Lo sara ĩ lo kpã ya, ĩ pa lo ti akwa ti ndima tɛ ni hɛ̃ azi.


Kanda se e dɔ nɔ na ya vuru ndo, nga ma se mɛ Nzapa nvɛni ndodu na ya vuru ndo, wadila dangɔ bɛ tɛ e na tɛ afɔ̃ e awa Kristo ati bo kɔi, ko mɛnɛ tɛrɛ Nyi lo Yezo akpo siɔ ye tɛ e zu.


Lean sinn:

Sanasan


Sanasan