1 Tɛsalɔnikɛ 5:5 - Fana Ngbangɔ 1987

⁵ Ta sanga ma, ĩ zu ĩ du azi mɛ ĩ ndodɔ nɔ na ya vuru ndo, nga na lɛ lá. Ta e du azi mɛ ndodɔ nɔ na bi, bere na ya mbingo ma.

1 Tɛsalɔnikɛ 5:5 Iomraidhean Croise

Luka 16:8

La gbia agonda wa batangɔ nwa mɛ lo wa poroso, na lo mɛ ya, wa batangɔ nwa tɛ lo ali ye ni na kɔdɛ. Ta sanga ma, azi ti lɛ sese ndoli ye tɛrɛ afɔ̃ la na kɔdɛ aɔ azi mɛ ndodɔ nɔ na ya vuru ndo.”

Yoanɛ 12:36

Mbi wa vurungɔ na ndo, mbi dɛ na popo tɛ ĩ, ko ale ĩ ye lo tɛ mbi, wadila ĩ ti nga awa vurungɔ na ndo na lo tɛ azi.” Yezo ĩ tɛnɛ tɛnɛ ko wɛ ko, lo hã nɔ lo gwe, lo bere ka ndo mɛ yɔngɔrɔni na la.

Awa Pangɔ Kwa 26:18

Mbi to mɔ ka tɛ la ya, mɔ zi lɛ la, mɔ hã la na ya mbingo, mɔ kpã la na ya vuru ndo, mɔ hã nga la na gbe ti Satana, ko mɔ hɛ̃ la hɛ̃ Nzapa. Wa Nzapa aka lɛ lo ndo siɔ ye tɛ la, ahɛ̃ nga la ndo na popo tɛ azi tɛ lo, na lo mɛ ya, ala ye lo tɛ mbi.’ ”

Efɛzɛ 5:8

Ndo uzu ko, ĩ ndo na ya mbingo, kanda na olo ko, ĩ na ya vuru ndo, na lo mɛ ya, ĩ na Gbia ĩ ti bo kɔi. Na lo ni ko, ale ĩ li ya, du tɛ ĩ adu nga ma du tɛ azi mɛ na ya vuru ndo.

1 Tɛsalɔnikɛ 5:8

Kanda tɛ e ko, e ndodɔ nɔ na lá, ko ale e ndoli nga ye na nyɔ kpɔ̃ ni. Ale e ndongbã na yengɔ lo tɛ Yezo Kristo, ko ale e ndoyengbi nga. Ta sanga ma, se e li so ko, e du nga ma aturugu mɛ ayu bɔngɔ ti nwa so gbanzingɔ ya, ta ye abɔrɔ tɛrɛ ani ma. Ale e ndokpã nga bɛ e na ndo lá ko gbanda Nzapa aso e, ta sanga ma, se e li nga so ko, e du nga ma aturugu mɛ ayu kpɔtɔ ti nwa so gbanzingɔ ya, ta ye abɔrɔ li ani ma.

1 Yoanɛ 2:8

Abɛ nga so ko, adu nga ma fana ndia la mbi su mbi to hɛ̃ ĩ. Du tɛ Yezo na popo tɛ azi afa ndo ya, ndia ni adu bɛta ndia, ko du tɛ ĩ ndofa nga so. Bɛta Wa vurungɔ na ndo aga we, ko mbingo ndowɛ.