1 Tɛsalɔnikɛ 5:2 - Fana Ngbangɔ 1987

² Ta sanga ma, ĩ nvɛni ĩ hĩnga nzɔ̃ni ya, ta e hĩnga lá mɛ gbanda Gbia adiri aga na ni ma. Lo ga gbanda na lá ni ko, nga ma se mɛ wa nzĩ ndoga na ni na bi, ko ta zo kɔi ndohĩnga ma.

1 Tɛsalɔnikɛ 5:2 Iomraidhean Croise

Matie 25:13

Yezo ĩ kɔ nda matɔ ko wɛ ko, lo pa nga hɛ̃ azi ya: “Wa ĩ du na kpengba lɛ, ta sanga ma, ta ĩ hĩnga lá, nga na ngoi ti gangɔ tɛ mbi Nyi Zo ma.”

Luka 21:34

“Ĩ du na kpengba lɛ ya, ta ĩ hɛ̃ tɛrɛ ĩ na tɛngɔ yenga ma, ta ĩ nyɔ nga kana agbɔ̃ ĩ ma. Ta ĩ du na sɔngɔ bɛ na lo ti du ti lɛ sese olo ma, so kɔdɛ tɛ ĩ ati yenge yenge, ko lá ti gangɔ tɛ mbi abuta ĩ.

1 Kɔrinto 1:8

Gbia tɛ e Yezo Kristo gbanda la ali ya, ĩ kpengba na ya lo yengɔ tɛ ĩ ngbĩi ĩ si ka ndani gbɔ, so gbanda abela ĩ, na lá ti diringɔ tɛ lo.

1 Tɛsalɔnikɛ 5:4

Aya bua, kanda tɛ ĩ ko, ta ĩ nga ma azi ko la ndodu na ya mbingo ma, ko ale ta lá ni ko agbagbara sɛ gbanda ĩ, nga ma se mɛ wa nzĩ ndogbagbara na azi ma.

2 Petro 3:10

Lá ti gangɔ tɛ Gbia abuta gbanda azi nga ma se tɛ wa nzĩ mɛ ta zo kɔi ndohĩnga gangɔ tɛ lo ma. Na lá ko gbanda ko, ndozu amina gbanda, ko azi ama kota gigi ni. Wá agbiri gbanda aye mɛ ka lɛ ndozu, ko sese nvɛni na aye zu mɛ so lɛ ni amina nga.

Suma 16:15

Yezo apa ya: “Ĩ ma la, mbi na butangɔ ĩ nga ma se tɛ wa nzĩ! Dengɔ bɛ ati na zo ko la ta ala langɔ ma, ko abata nga bɔngɔ tɛ lo so tɛrɛ lo. Se lo li so, na ngoi ti gangɔ tɛ mbi ko, ta lo dɔ nɔ ndumbu, ko kamɛnɛ agbɔ̃ lo ma.”

Suma 3:3

Wa ĩ da bɛ ĩ na ló mɛ ndo aha na ĩ, nga na tɛnɛ tɛ Nzapa mɛ ndo ĩ ma. Ale ĩ tɔndɔ ni, ko ĩ gbinya bɛ ĩ. Se ta ĩ du na kpengba lɛ ma ko, ni ga ni buta ĩ nga ma se tɛ wa nzĩ, ko ta ĩ na hĩngangɔ ngoi ti gangɔ tɛ ni ma.