1 Tɛsalɔnikɛ 5:1 - Fana Ngbangɔ 1987

¹ Aya bua, adu lo ti ngoi, bere lo ti lá ko gbanda aye ni ko na singɔ ko, ta alengbi ya, asu hɛ̃ ĩ mbɛti na lo ni sungɔ ma.

1 Tɛsalɔnikɛ 5:1 Iomraidhean Croise

Matie 24:3

Yezo ama ka ndo hɔtɔ ti Olivie, adu tise. La bo ava lo anɔ ka tɔ̃nda lo, ahũnda lo ya: “Pa hɛ̃ e, da Nzapa ni akara gbanda lá wa? Lo mɛ gbanda afa ngoi ti gangɔ tɛ mɔ, afa nga ya, ngoi ti sese wɛngɔ alengbi wɛ nɛ?”

Matie 24:36

Yezo apa ya: “Ta zo kɔi ahĩnga gbanda bi ni, bere ngoi ni ko ma. Abɛ nga aangelo mɛ ka yayu, abɛ nga mbi Nyi Nzapa ko, ta mbi hĩnga nga ngoi ni ko ma. Bo To mbi kɔi la ahĩnga ngoi ni ko.

Awa Pangɔ Kwa 1:7

La Yezo agbinya hɛ̃ la ya: “Adu lo ti ngoi mɛ aye na singɔ na ni ko, ta aba ĩ ma, na lo mɛ ya, To mbi akpã ngoi ti ye zu na nguru tɛ lo nvɛni.

2 Kɔrinto 9:1

Ta mbi lengbi ti sungɔ mbɛti hɛ̃ ĩ sungɔ, wa ĩ to faranga hɛ̃ awa Kristo mɛ ka sese ti Yudea ma.

1 Tɛsalɔnikɛ 4:18

Na lo ni ko, ĩ tɛnɛ tɛnɛ ni ko na popo tɛ ĩ, wa nguru agbɔ̃ afɔ̃ ĩ.

1 Tɛsalɔnikɛ 4:9

Wa na lo ti yengbingɔ tɛ ĩ nga ma se tɛ zo na nyita lo ko, ta alengbi ya, asu mbɛti hɛ̃ ĩ sungɔ na lo ni ma. Ĩ nvɛni ĩ ma ndo se mɛ Nzapa apa na ni ya, ale ĩ ndoyengbi.

Yudɛ 1:3

Aya bua, mbi ndoli ndo kpengbani ya, mbi su hɛ̃ ĩ mbɛti, na lo ti songɔ mɛ Nzapa aso na mbi, aso nga na ĩ. Ko ngoi mɛ mbi ndoda bɛ mbi nga so ko, mbi hũ ya, nzɔ̃ni ale mbi su hɛ̃ ĩ mbɛti, mbi sa nguru bɛ ĩ, wa ĩ li kpengbani, ĩ bata tɛnɛ tɛ Nzapa mɛ ndo ĩ ye lo ni. Adu tɛnɛ mɛ ndo lo hɛ̃ azi tɛ lo fani kɔi ti buai.