1 Tɛsalɔnikɛ 4:9 - Fana Ngbangɔ 1987

⁹ Wa na lo ti yengbingɔ tɛ ĩ nga ma se tɛ zo na nyita lo ko, ta alengbi ya, asu mbɛti hɛ̃ ĩ sungɔ na lo ni ma. Ĩ nvɛni ĩ ma ndo se mɛ Nzapa apa na ni ya, ale ĩ ndoyengbi.

1 Tɛsalɔnikɛ 4:9 Iomraidhean Croise

Matie 22:39

Wa ĩ ba ndia ti sɛ mɛ ngbondoni nga ma se ti kɔzoni lo mɛ: ‘Ale mɔ ye afɔ̃ mɔ nga ma se mɛ mɔ ndoye na tɛrɛ mɔ nvɛni.’

Yoanɛ 14:26

Wa Tɔrɔ Santo mɛ To mbi na tongɔ lo ya, lò za ĩ na se lɛ mbi ko, lo na hangɔ ĩ na aye kwe zu, ko lo nga na dangɔ bɛ ĩ na atɛnɛ zu mɛ mbi tɛnɛ hɛ̃ ĩ.

Awa Pangɔ Kwa 4:32

Azi gba mɛ ndo aye lo tɛ Yezo ndodu ndo bo bɛ la kɔi, ndomangbi ndo nga nzɔ̃ni. Ta zo kɔi na popo tɛ la ndopa ndo ya, ye tɛ ni bo ti ni kɔi ma. Kanda ye tɛ la zu ndodu ndo na lo tɛ la zu.

Roma 12:10

Ale ĩ yengbi nga ma se tɛ zo na nyita lo, ĩ tɔndɔ afɔ̃ ĩ sĩ nvɛni.

2 Kɔrinto 9:1

Ta mbi lengbi ti sungɔ mbɛti hɛ̃ ĩ sungɔ, wa ĩ to faranga hɛ̃ awa Kristo mɛ ka sese ti Yudea ma.

Filipɛ 3:15

E azi zu ko la lɛ e azi na lege tɛ Nzapa ko, ale e du bo na se dangɔ bɛ ni ko. Kanda se ambanga azi na popo tɛ ĩ adu na dangɔ bɛ mɛ ndɛ̃ ko, Nzapa na zingɔ kɔdɛ tɛ la yango na ndo ni.

1 Tɛsalɔnikɛ 5:1

Aya bua, adu lo ti ngoi, bere lo ti lá ko gbanda aye ni ko na singɔ ko, ta alengbi ya, asu hɛ̃ ĩ mbɛti na lo ni sungɔ ma.

Aebreo 10:16

“Ĩ ba ngbanga mɛ gbanda mbi Gbia Nzapa e na la E gbe na pɛ bi ni ko lo mɛ: Mbi kpã gbanda andia tɛ mbi ka ya bɛ la, Wa ala hĩnga ni.”

Aebreo 13:1

Ale ĩ ngbã bo na yengbingɔ nga ma se tɛ zo na nyita lo.

1 Petro 3:8

Ti kɔngɔ nda tɛnɛ tɛ mbi ko, mbi tisa ĩ ya, í du na bɛ kɔi, ĩ́ ma vundu tɛ afɔ̃ ĩ, ĩ́ yengbi nga ma se tɛ zo na nyita lo, ĩ́ du na nzɔ̃ bɛ na ndo afɔ̃ ĩ, ta í du awa yakɛ ma.

1 Petro 4:8

Ye mɛ aɔ aye zu la, ale ĩ yengbi sĩ nvɛni, ta sanga ma, se ĩ yengbi, wadila ĩ ka lɛ ĩ ndo asiɔ ye ma wo ma mɛ afɔ̃ ĩ ndoli tɛrɛ ĩ.

2 Petro 1:7

Na ndo dungɔ du mɛ ndode bɛ Nzapa ko, ĩ yengbi, nga ma se tɛ zo na nyita lo, na ndo yengbingɔ tɛ ĩ ko, ĩ ye nga azi zu.

1 Yoanɛ 2:10

Zo ko bɛ lo aye nyita lo wa Kristo ko, zo mɛ ndodɔ nɔ na ya vuru ndo la. Na lo ni ko, ta zo mɛ ndɛ̃ alengbi ti hũngɔ sé du tɛ wa dɔngɔ nɔ na ya vuru ndo, ko zo ni ko anɔ ali siɔ ye ma.

1 Yoanɛ 3:11

Tɛnɛ mɛ ndo ĩ ma kɔzoni ndopa ya: é yengbi.

1 Yoanɛ 3:23

Ĩ ba ndia mɛ lo lu hɛ̃ e lo mɛ: ale e ye lo tɛ Nyi lo Yezo Kristo, ko e yengbi nga ma se mɛ ndo Kristo apa na ni hɛ̃ e.

1 Yoanɛ 4:21

Ĩ ba ndia mɛ Yezo Kristo alu hɛ̃ e lo mɛ: zo ko la aye Nzapa ko, ale lo ye nga ayata lo awa Kristo.