1 Tɛsalɔnikɛ 4:8 - Fana Ngbangɔ 1987

⁸ Ndani la zo ko la akɛ̃ mangɔ tɛnɛ olo ko, ta adu ya, lo kɛ̃ zo ma, kanda lo kɛ̃ Nzapa mɛ ahɛ̃ ĩ Tɔrɔ Santo.

1 Tɛsalɔnikɛ 4:8 Iomraidhean Croise

Luka 10:16

Lo pa nga hɛ̃ ava lo ya: “Zo ko la ama ĩ ko, afa ya, lo ma nga mbi. Zo ko la akɛ̃ ĩ ko, afa ya, lo kɛ̃ nga mbi. Wa zo ko la akɛ̃ mbi ko, afa ya, lo kɛ̃ nga wa tongɔ mbi.”

Yoanɛ 12:48

Ko zo ko la akɛ̃ mbi, akɛ nga tɛnɛ tɛ mbi ko, ye kɔi afa gbanda ngbanga abi li lo! Ye mɛ gbanda afa ngbanga abi li lo na lá ti fangɔ ngbanga la tɛnɛ mɛ mbi ndoha na azi.

Awa Pangɔ Kwa 13:41

‘Ĩ awa mumanangɔ Nzapa, ĩ ba hĩ! Ĩ bema, í bɛ tɛrɛ ĩ katɛ! Ta sanga ma, na ngoi tɛ ĩ ko, Mbi na lingɔ ye kɔi mɛ bɛ se zo apa ni hɛ̃ ĩ ko, Ta ĩ na yengɔ lo ni ma.’ ”

Roma 5:5

Ko se e lɛndɛrɛ ye ni ko, ta kamɛnɛ na gbɔ̃ngɔ e ma, ta sanga ma, Nzapa afa na e ya, ni ndoye e sĩ. Lo fa ni ti ndo Tɔrɔ Santo mɛ lo kpã na ya tɛrɛ e.

1 Kɔrinto 2:10

Kanda bo e la Nzapa afa e na ye ni ko na nguru tɛ Tɔrɔ Santo. Ta sanga ma, Tɔrɔ Santo ndobinga lo zu, abɛ nga lo mɛ Nzapa ahɔndɛ ka ya bɛ lo kílí kílí ko, Tɔrɔ Santo ahĩnga nga ni.

1 Kɔrinto 7:40

Wa se ta wali ko ati du na kɔli mɛ ndɛ̃ ma ko, bɛ lo na dengɔ sĩ. Oko adu dangɔ bɛ tɛ mbi la. Ko mbi hĩnga ya, tɛnɛ mɛ mbi tɛnɛ hɛ̃ ĩ ko, Tɔrɔ Santo tɛ Nzapa la afa na mbi.

2 Kɔrinto 1:22

Lo nga la lo kpã Tɔrɔ Santo tɛ lo ge ya bɛ e, ya adu nga ma nzango so fangɔ ya, e azi tɛ ni, nga so fangɔ ya, ni na hɛ̃ngɔ e anzɔ̃ yɛ mɛ ni bata hɛ̃ e.

Galatia 4:6

Ye mɛ ndofa ya, ĩ du aya Nzapa lo mɛ: Nzapa ato Tɔrɔ tɛ Nyi lo ge ya bɛ e na ĩ, Tɔrɔ ni ndode kɔngɔ ya: “Baba.”

1 Petro 1:12

Nzapa afa ndo na awa pangɔ nyɔ lo ya, kwa mɛ ndo ni to la ya, ala pa hɛ̃ azi ko, ta adu na lo tɛ la nvɛni ma, kanda adu na lo tɛ ĩ. Na olo ko, awa pangɔ Nzɔ̃ Pa tɛ Yezo apa lo ti aye ni ko hɛ̃ ĩ. Ala pa lo ti aye ni ko na nguru tɛ Tɔrɔ Santo mɛ Nzapa ahɛ̃ la. Ko aangelo ndosepara nga ya, ani hĩnga lo ti aye mɛ ala pa.

2 Petro 1:21

Ta sanga ma, atɛnɛ tɛ Nzapa mɛ ndo awa pangɔ nyɔ lo apa ko, ta ala pa ndo ni na se bɛ la nvɛni ma. Adu ndo Tɔrɔ Santo la azi kɔdɛ tɛ la, la ala pa tenɛ mɛ ala ma ka nyɔ Nzapa.

1 Yoanɛ 3:24

Zo ko la ndotɔndɔ ndia tɛ Nzapa ko, zo mɛ ndodu ndoni kɔi na Nzapa la, ko Nzapa ndodu nga ndoni kɔi na lo. E hĩnga ya, e na Nzapa e ndodu ndoni kɔi, na lo tɛ Tɔrɔ Santo mɛ lo hɛ̃ e.

Yudɛ 1:8

I ba se mɛ awa hangɔ lo tɛ Nzapa na nvɛnɛ mɛ ali popo tɛ ĩ ndoli nga la. Ala ndohũ Suma, ko Suma ni ndoto la ya, ala li asiɔ ye ti kamɛnɛ. Ala ndongara lo gbia tɛ Nzapa, ala ndoguru atɔrɔ ti ndima mɛ ka yayu.