1 Tɛsalɔnikɛ 4:7 - Fana Ngbangɔ 1987

⁷ Ta sanga ma, ta Nzapa aili ndo e ya, e li siɔ ye ti kamɛnɛ ma, kanda lo ili ndo e ya, e du na vuru bɛ.

1 Tɛsalɔnikɛ 4:7 Iomraidhean Croise

Roma 1:7

Mbi to mbɛti olo hɛ̃ ĩ awa Kristo ti Roma, ĩ zu mɛ Nzapa aye ĩ, ĩ mɛ Nzapa aili nga ĩ ya, ĩ du azi tɛ ni. Mbi bala ĩ. To e Nzapa na Gbia Yezo Kristo ali bɛ nzɔ̃ be hɛ̃ ĩ, ali bɛ nga ya, bɛ ĩ adu pii ma ke!

1 Kɔrinto 1:2

E to mbɛti olo hɛ̃ ĩ azi ti Eklezia mɛ ka Kɔrinto, ĩ mɛ ndo Nzapa aili ĩ ya, ĩ na Yezo Kristo ĩ ti bo kɔi, la ĩ ti azi tɛ ni. Lo ili nga azi zu mɛ ndovɔrɔ Gbia tɛ e Yezo Kristo na ndo kwɛ zu. Lo Gbia tɛ e na la zu.

Galatia 5:19

Aye mɛ tɛrɛ e ndodu na gwɛ̃ ni ko, e hĩnga ni nzɔ̃ni. Aye ni lo mɛ: lingɔ siɔ ye ti kamɛnɛ, tingɔ kɔmbɛ, lingɔ pite,

Efɛzɛ 1:4

Uzu ti Nzapa lingɔ sese ko, lo pia ndo lo sara e lo kpa ya, e na Yezo Kristo e ti bo kɔi, wadila bɛ e ati vuruni, ko ta ni bela e na lo ye kɔi ma.

Efɛzɛ 2:10

Nzapa la ali ya, e ti afana azi, na lo mɛ ya, e na Yezo Kristo e ti bo kɔi. Lo li so ya, e li anzɔ̃ kwa. Lo pia ndo lo kpã anzɔ̃ kwa ni ko ya e li ni.

Efɛzɛ 4:1

La mbi mɛ wa bɔlɔkɔ na lo ti kwa tɛ Gbia mɛ mbi ndoli, mbi gbɔ̃ gɛrɛ ĩ ya, ale se li ye tɛ ĩ adu nzɔ̃ni, nga ma se mɛ ndo Nzapa aye na ni na ngoi mɛ ndo lo ili na ĩ.

Efɛzɛ 4:19

Ta kamɛnɛ ti ndogbɔ̃ la bɛ gbɔ ma. Ala hɛ̃ tɛrɛ la so lingɔ siɔ ye, ko ala ndoli lɛ asiɔ ye ti kamɛnɛ ndɛ̃ ndɛ̃ ndɛ̃, ta ala ndofɔ̃ bɛ la ma.

1 Tɛsalɔnikɛ 2:3

Ngoi mɛ ndo e ndopa hɛ̃ azi ya, ala ye lo tɛ Nzapa ko, ta tɛnɛ ti nvɛnɛ ndo la e ndopa, bere e ndo na siɔ dangɔ bɛ ma. Ta e ndogi ndo nga kɔdɛ ya, e handa zo kɔi ma.

2 Timɔte 1:9

Lo la lo so e, lo nga la lo ili e ya, e du azi tɛ ni. Ko ta lo so e, lo ili nga e na lo ti anzɔ̃ kwa mɛ e li ma, kanda lo li ndo so na se bɛ lo nvɛni, nga na nzɔ̃ bɛ tɛ lo. Uzu ti lo lingɔ sese ko, lo hɛ̃ ndo nyɔ lo ya, ni na lingɔ nzɔ̃ bɛ hɛ̃ e ti ndo Yezo Kristo.

Aebreo 12:14

Ale ĩ li kpengbani, ĩ na azi zu, í du na mangbingɔ. Ale ĩ li nga kpengbani ya, du tɛ ĩ adu mbiri mbiri ka lɛ Gbia Nzapa. Ta sanga ma, se ta du tɛ zo adu mbiri mbiri ma ko, ta zo ni ahũ gbanda le Nzapa ma.

2 Petro 2:10

Azi mɛ gbanda lo hɛ̃ la etumbu ni, mai bo la azi mɛ ndoli asiɔ ye na se gwɛ̃ ti tɛrɛ la, ndosamana nga na lo gbia tɛ lo. Awa hangɔ lo ti nvɛnɛ mɛ ndo mbi pa lo tɛ la hɛ̃ ĩ ko, ta ala ndokpe mbɛtɔ ma. Ala du awa gwalo, ta ala ndotɔndɔ atɔrɔ ti ndima mɛ ka yayu ma, kanda ala ndokɛ̃ kia aguru atɔrɔ ni ko.