1 Tɛsalɔnikɛ 4:6 - Fana Ngbangɔ 1987

⁶ Na ndo atɛnɛ olo tɛ kɔli na wali ko, ale ta zo kɔi ali ye siɔni tɛrɛ ayata lo awa Kristo, bere ahanda la bɛ gbɔ ma. E pia ndo e pa tɛnɛ ni ko hɛ̃ ĩ, e tisa ndo nga ĩ kpengbani na lo ni ya: Gbia ahɛ̃ gbanda etumbu hɛ̃ azi mɛ ndoli gi tɛrɛ asiɔ ye ni ko.

1 Tɛsalɔnikɛ 4:6 Iomraidhean Croise

Marko 10:19

Mɔ hĩnga ya, ndia apa ya: ‘Ta mɔ ho zo ma, ta mɔ ti kɔmbɛ ma, ta mɔ nzĩ ye ma, ta mɔ pa nvɛnɛ na ili zo ma, ta mɔ handa zo ma, tɔndɔ to mɔ na ta mɔ.’ ”

Luka 12:5

Mbi na fangɔ ĩ na zo mɛ ale ĩ kpɛ mbɛtɔ tɛ lo: ĩ́ kpɛ mbɛtɔ tɛ Nzapa ko la, na pɛ hongɔ zo ko, lo na nguru ti bingɔ zo ni ka lifɛlo. Biani, mbi pa hɛ̃ ĩ ya, zo mɛ ale ĩ ndokpɛ mbɛtɔ tɛ lo la!

Roma 1:18

Nzapa ndofa yango ya, ngɔnzɔ agbɔ̃ ni na lo ti asiɔ ye zu mɛ azi ndoli. Ngɔnzɔ agbɔ̃ lo, ta sanga ma, na lo siɔ ye mɛ ala ndoli ko, ala ndogbanzi azi ya, ta ala hĩnga beta lo tɛ lo ma.

Roma 12:19

Ayata mbi ti kpɔ̃ bɛ mbi, ta ĩ nvɛni ĩ gɛ̃ kula ma, kanda ĩ zi lege hɛ̃ Nzapa ya, lo li ngɔnzɔ tɛ lo hɛ̃ asiɔ azi, ta sanga ma, asu ka ya Buku tɛ Nzapa ya: “Mbi Gbia Nzapa gbanda la mbi gɛ̃ kula, mbi nga gbanda la mbi hɛ̃ etumbu hɛ̃ azi.”

Roma 13:4

Ta sanga ma, ala ndoli kwa hɛ̃ Nzapa so zangɔ ĩ ya, ĩ li nzɔ̃ ye. Wa se ĩ li siɔ ye ko, í kpɛ la, na lo mɛ ya, ta adu sanga la, ala na nguru ti hɛ̃ngɔ azi etumbu ma. Ngoi mɛ ala ndohɛ̃ azi etumbu ko, ala ndoli kwa hɛ̃ Nzapa so fangɔ ngɔnzɔ tɛ lo hɛ̃ azi mɛ ndoli siɔni.

2 Kɔrinto 7:11

Ĩ da bɛ ĩ na Nzapa na lo ti vundu mɛ ndo agbɔ̃ ĩ, ko na olo ko, ĩ ba se mɛ Nzapa agbinya na bɛ ĩ hĩ! Ĩ ba se mɛ ĩ li kpengbani, ko na lo ni ĩ ndodu na nzɔ̃ dangɔ bɛ na ló ni hĩ. Ĩ ye fangɔ ya, ĩ kɛ̃ siɔ ye! Ngɔnzɔ na mbɛtɔ agbɔ̃ ĩ sĩ na ló ni. Ĩ separa sĩ ya, ĩ ba mbi fani mɛ ndɛ̃. Ĩ hɛ̃ tɛrɛ ĩ sĩ ya, ĩ li ye mɛ bɛ Nzapa aye. Ĩ ye nga sĩ ya, ĩ hɛ̃ etumbu hɛ̃ zo ko la ali siɔ ye. Ĩ fa na se kɔdɛ zu ya, ta ĩ na ya lo ni ko ma.

Galatia 5:21

dungɔ na gwɛ̃ ti ye tɛ zo, nyɔngɔ kana ɔngɔ nyɔ kpɔ̃ ni, lingɔ ye zu ɔngɔ nyɔ kpɔ̃ ni, lingɔ nga gi tɛrɛ asiɔ ye olo. Wa mbi tisa ĩ na olo, nga ma se ko ndo mbi pia mbi tisa na ĩ uzu ya, azi ko la ndoli asiɔ ye ko la ko, ta ala si gbanda ka Kɔdɔrɔ Gbia tɛ Nzapa ma.

Efɛzɛ 4:17

Wa mbi gbɔ̃ gɛrɛ ĩ na ili Gbia ya, ĩ ma tɛnɛ mɛ mbi na tenɛngɔ, tɛnɛ ni lo mɛ: ale ta ĩ ti du du nga ma apaganɔ ma. Ala ndodu bo na gɛgɛrɛ dangɔ bɛ,

Efɛzɛ 4:28

Ale zo mɛ ndo wa nzĩ azia nzĩngɔ ye, ale lo li kwa na ti lo nvɛni na se kɔdɛ mɛ alengbi, wa lo za na awa yɛlɛ.

Efɛzɛ 5:6

Ta zo ahanda ĩ na tɛnɛ ti nvɛnɛ ma. Adu na lo ti lingɔ gi tɛrɛ asiɔ ye olo la ngɔnzɔ agbɔ̃ gbanda Nzapa hɛ̃ awa kɛ̃ngɔ nyɔ lo.

1 Tɛsalɔnikɛ 2:11

Ĩ hĩnga ya, e li ndo ye tɛrɛ ĩ kɔi kɔi zu nga ma se mɛ to ayangambi ndoli na ye tɛrɛ aya lo.

Aebreo 13:4

Ale azi zu ndotɔndɔ tɛnɛ mɛ Nzapa atɛnɛ na lo ti dungbingɔ tɛ kɔli na wali. Ale ta kɔli mɛ ya lo da, bere wali mɛ kɔ lo da, ati kɔmbɛ ma. Nzapa afa gbanda ngbanga tɛ azi mɛ ndoli siɔ ye ti kamɛnɛ. Lo fa nga gbanda ngbanga tɛ awa tingɔ kɔmbɛ.

Aebreo 2:6

Ta sanga ma, asu ka ya Buku tɛ Nzapa na ndo kɔi ya, mbanga zo kɔi apa ya: “Oo Nzapa, zo adu gɛgɛrɛ, Ko mɔ ndoda bɛ mɔ na lo ya nɛ? Zo adu ye gɛgɛrɛ, Mɔ ndobata lo na lo nɛ?

Zaki 2:6

Kanda tɛ ĩ ko, ĩ ndoba wa yɛlɛ ka lɛ ĩ samana. Azi mɛ ndohɛ̃ ĩ pɛnɔ, ndogia ĩ agwe na ĩ ka da ngbanga ko, adu awa nwa, ta seni la ma? Seni la!

Zaki 5:4

Ta ĩ ndofuta nzɛ̃ tɛ awa kwa mɛ ndoli kwa ka le yaka tɛ ĩ ma. Ĩ ma demangɔ tɛ la hĩ! Azi mɛ ndokɔ tɛ tɛ ĩ ka yaka ndodɛrɛ kɔngɔ, ko kɔngɔ ni anɔ ngbĩi ati ka ma Gbia Nzapa mɛ lombe.