1 Tɛsalɔnikɛ 4:5 - Fana Ngbangɔ 1987

⁵ Apaganɔ adu azi mɛ ta ahĩnga Nzapa ma. Ala ndongbã ndoni kɔi na awe la bo na lo ti kota siɔ gwɛ̃ ti tɛrɛ la. Ko ta ĩ li tɛ ĩ nga ma se tɛ la ma.

1 Tɛsalɔnikɛ 4:5 Iomraidhean Croise

Matie 6:32

Aye ni ko zu ko, adu apaganɔ la ndoli ni ngoi zu. Kanda tɛ ĩ ko, To ĩ mɛ ka yayu ahĩnga ya, ĩ na gwɛ̃ ti aye ni ko.

Luka 12:30

Aye ni ko zu ko, adu apaganɔ ti lɛ sese olo la ndogi ni ngoi zu. Kanda tɛ ĩ ko, ĩ na To ĩ mɛ ahĩnga ya, ĩ na gwɛ̃ ti aye ni ko.

Awa Pangɔ Kwa 17:23

Ta sanga ma, ngoi mɛ mbi ndofɔnɔ na le kɔdɔrɔ tɛ ĩ ko, mbi hũ angbilondo mɛ ĩ ndovɔrɔ. Mbi hũ nga mɛsa kɔi ti lungɔ Nzapa na ye, ko asu mbɛti ndo mɛsa ni ya: ‘Mɛsa tɛ nzapa mɛ ta e hĩnga lo ma.’ Wa ĩ ma hĩ! Nzapa mɛ ĩ ndovɔrɔ, ko ta ĩ hĩnga lo ma ko, mbi ga ya, mbi pa lo tɛ lo hɛ̃ ĩ.

Roma 1:24

Nda mɛ Nzapa azia azi ni ko ya, ala li siɔ ye na se siɔ gwɛ̃ ti bɛ la la. Na lo ni la ala ndoli ye ti kamɛnɛ tɛrɛ afɔ̃ la.

Roma 1:26

Nda mɛ Nzapa azia la ya, ala li aye ti kamɛnɛ mɛ bɛ la aye la. Awe nvɛni ndozia fɔnɔngɔ na akɔ la, ko ala ti ndofɔnɔ na afɔ̃ la awe, ma bere afɔ̃ la ni ati akɔ la.

Roma 1:28

Nga ma la azi ni ko akɛ̃ hĩngangɔ Nzapa ko, Nzapa azia la ya, ala ngba na siɔ kɔdɛ tɛ la, wa ala li ye mɛ ale ta ala lengbi ti lingɔ ni ma.

1 Kɔrinto 1:21

Aye mɛ Nzapa ali ndofa ndara tɛ lo, ko ngoi mɛ azi ndohũ aye ni ko, ta ala ndohĩnga Nzapa na lege ti ndara mɛ ala na ni ma. Nda mɛ lo ye ndo songɔ azi mɛ aye lo tɛ lo na lege ti tɛnɛ mɛ e ndopa la. Ko azi ti lɛ sese ndopa tɛ la ya, tɛnɛ ni ko adu tɛnɛ ti nyingɔ.

1 Kɔrinto 15:34

Ale ĩ li ya kɔdɛ tɛ ĩ adiri, ati na seni, ko ĩ zia lingɔ siɔ ye. Ta ambanga azi na popo tɛ ĩ ahĩnga Nzapa ma, ko mbi tɛnɛ so, so bingɔ kamɛnɛ lɛ ĩ.

Galatia 4:8

Ndo uzu, na ngoi mɛ ta ĩ dɛ ĩ hĩnga Nzapa ma ko, ĩ ndo ambɛ tɛ asiɔ tɔrɔ mɛ ta abɛta nzapa ma.

Efɛzɛ 2:12

Wa na ngoi ko ndo ko, ta ĩ hĩnga ndo Mɛsia ma. Ta ĩ ndo na li nɔ tɛ azi tɛ Nzapa ma, ĩ tɛ ĩ ndo awa ndɛ̃. Ngoi mɛ ndo Nzapa na azi tɛ lo agbe ngbanga ko, lo ko ndo kapa hɛ̃ la, ko ta kapa ni adu ndo na lo tɛ ĩ ma. Ĩ ndodu ndo ge lɛ sese, ta ĩ hĩnga ndo Nzapa ma, ta ĩ ndolɛndɛrɛ ndo nga ye kɔi ma.

Kɔlɔsɛ 3:5

Na lo ni ko, ĩ hã gwɛ̃ ti lingɔ asiɔ ye ti lɛ sese zu mɛ ka bɛ ĩ, ĩ zi. Asiɔ ye ni lo mɛ: siɔ ye ti kamɛnɛ, na pite, na gwɛ̃ ti tɛrɛ, na siɔ gwɛ̃ ye, nga na gwɛ̃ ye, (ta sanga ma, dungɔ na gwɛ̃ ye adu nga ma vɔrɔngɔ angbilondo).

1 Petro 4:3

Ta sanga ma, ndo uzu ko, ĩ mu ndo ngoi yɔngɔrɔni so lingɔ ye, nga ma se mɛ apaganɔ ndoye lingɔ. Ĩ ndo awa lingɔ siɔ ye ti kamɛnɛ, ĩ ndodu ndo na gwɛ̃ ti lingɔ asiɔ ye, ĩ ndonyɔ ndo kana agbɔ̃nɔ ĩ, ĩ na afɔ̃ ĩ, ĩ ndotɛ ndo, ĩ ndonyɔ ndo kana aɔ nyɔ kpɔ̃ ni, ĩ ndovɔrɔ ndo nga angbilondo mɛ adu siɔni buai.