1 Tɛsalɔnikɛ 4:3 - Fana Ngbangɔ 1987

³ Ĩ ba ye mɛ Nzapa ndoye lo mɛ: ale ĩ ndodu na vuru bɛ, alengbi ya, ta ĩ li siɔ ye ti kamɛnɛ ma.

1 Tɛsalɔnikɛ 4:3 Iomraidhean Croise

Matie 12:50

Ta sanga ma, zo ko la ali ye mɛ bɛ To mbi mɛ ka yayu aye ko, zo ni ko lo nyita mbi ti kɔli, bere nyita mbi ti wali, bere lo nga ta mbi.”

Matie 15:19

Ta sanga ma, asiɔ dangɔ bɛ la ndoto zo ya, lo ho fɔ̃ lo, lo ti kɔmbɛ, lo li siɔ ye ti kamɛnɛ, lo nzĩ ye, lo pa nvɛnɛ, lo di afɔ̃ lo, ko aye ko zu ndolo ka ya bɛ zo.

Matie 5:32

Ko mbi pa tɛ mbi hɛ̃ ĩ ya, se ta wali ati kɔmbɛ ma, ko kɔ lo azia lo, wa se lo gwe lo du na kɔli mɛ ndɛ̃ ko, oko afa ya, kɔzo kɔ lo la ato lo ya, lo ti kɔmbɛ. Wa mɔ kɔli ko la mɔ mu wali mɛ kɔ lo azia lo, mɔ du na ni ko, oko afa nga ya, mɔ ti kɔmbɛ.”

Matie 7:21

Yezo apa ya: “Ta adu azi mɛ ndopa hɛ̃ mbi ya: ‘Gbia, Gbia,’ la asi gbanda ka Kɔdɔrɔ Gbia tɛ To mbi Nzapa ma, kanda adu bo ala mɛ ndoli yɛ mɛ bɛ lo aye la asi gbanda kai.

Marko 3:35

Ta sanga ma, zo ko la ali ye mɛ be Nzapa aye ko, zo ni ko lo nyita mbi ti kɔli bere ti wali, bere lo nga ta mbi.”

Yoanɛ 4:34

Yezo apa hɛ̃ la ya: “Tɛ mɛ mbi lengbi ti tɛngɔ la, ale mbi li ye na se nyɔ wa tongɔ mbi, mbi li nga kwa mɛ ndo lo hɛ̃ mbi, ngbĩi mbi kɔ nda ni kpɛkɛlɛ.

Yoanɛ 7:17

Zo ko ndosepara lingɔ ye ko la bɛ Nzapa aye ko, lo na hĩngangɔ ya, tɛnɛ mɛ mbi ndoha na azi, adu tɛnɛ tɛ Nzapa, bere lo na hĩngangɔ ya, tɛnɛ mɛ mbi ndotɛnɛ ko, mbi ndotɛnɛ bo na nguru tɛ mbi.

Awa Pangɔ Kwa 15:20

Wa é su mbɛti, é to hɛ̃ la, ko é pa hɛ̃ la ya, ta ala tɛ sa mɛ aho, alu na angbilondo ma, ta ala li asiɔ ye ti kamɛnɛ ma, ta ala tɛ sa mɛ andosã gɔ̃ ni sangɔ wa aho ma, ta ala tɛ bere anyɔ mɛnɛ tɛrɛ sa ma.

Awa Pangɔ Kwa 15:29

ta ĩ tɛ sa mɛ aho, alu na angbilondo ma, ta ĩ tɛ bere ĩ nyɔ mɛne tɛrɛ sa ma, ta ĩ tɛ sa mɛ andosa gɔ̃ ni sãngɔ, wa aho ma, ta ĩ li asiɔ ye ti kamɛnɛ ma. Wa se ĩ zia lingɔ asiɔ ye ni zu ko, ĩ li nzɔ̃ni. Wa ĩ ngba nzɔ̃ni o!”

Awa Pangɔ Kwa 20:32

“Na olo mɛ, mbi zia ĩ na yamba ti Nzapa, ko tɛnɛ mɛ ndo ĩ ma na lo ti nzɔ̃ bɛ tɛ lo na batangɔ ĩ. Lo lengbi ti sangɔ nguru bɛ ĩ, lo lengbi nga ti hɛ̃ngɔ ĩ anzɔ̃ ye mɛ lo bata na lo tɛ azi tɛ lo zu.

Awa Pangɔ Kwa 26:18

Mbi to mɔ ka tɛ la ya, mɔ zi lɛ la, mɔ hã la na ya mbingo, mɔ kpã la na ya vuru ndo, mɔ hã nga la na gbe ti Satana, ko mɔ hɛ̃ la hɛ̃ Nzapa. Wa Nzapa aka lɛ lo ndo siɔ ye tɛ la, ahɛ̃ nga la ndo na popo tɛ azi tɛ lo, na lo mɛ ya, ala ye lo tɛ mbi.’ ”

Roma 1:29

Bɛ la asĩ sĩngɔ na le asiɔ ye ndɛ̃ ndɛ̃ ndɛ̃, na gwɛ̃ ye tɛ afɔ̃ la, na siɔ bɛ na ndo afɔ̃ la. Ala ndoli sɔbɛrɛ, ala ndoho afɔ̃ la, ala ndopa pa, ala ndoli poroso. Ala ndoli afɔ̃ la siɔni, ala ndofɔnɔ na ili afɔ̃ la,

Roma 12:2

Ta ĩ mu se du tɛ azi ti lɛ sese olo ma, kanda ale ĩ zi lege hɛ̃ Nzapa ya, lo hɛ̃ ĩ fana kɔdɛ, lo gbinyangbi nga du tɛ ĩ, wadila ĩ hĩnga aye mɛ lo ndoye ya ĩ li. Aye ni lo mɛ: ye mɛ nzɔ̃ni, ye mɛ ndode bɛ lo, nga na ye mɛ bɛtani.

Roma 6:22

Kanda na olo ko, Nzapa ahã ĩ na ya siɔ ye azi, abi bɔrɔ tɛrɛ ĩ, ko ĩ ti ambɛ ti lingɔ kwa hɛ̃ Nzapa. Ko ye mɛ ĩ lua la, du tɛ ĩ ati bɛrɛni, ko gbanda ngbĩi ko, ĩ lua du ti kaka.

1 Kɔrinto 1:30

Nzapa abombi e na Yezo Kristo ndoni kɔi, ko na lo ni ko, Yezo Kristo adu ndara tɛ e, Nzapa amu e ka lɛ lo ya, e abɛta azi, lo tɔ e na ya siɔ ye, ko lo li ya, e du azi tɛ ni.

1 Kɔrinto 7:2

Kanda na lo ti kpɛngɔ ya, ta zo ali siɔ ye ti kamɛnɛ ma ko, nzɔ̃ni ale kɔli kɔi kɔi adu na ya lo nvɛni da, ko wali kɔi kɔi adu nga na kɔ lo nvɛni da.

2 Kɔrinto 12:21

Mbi ndokpɛ ya, ngoi mɛ se mbi ti mbi si ka tɛ ĩ ko, ta Nzapa tɛ e asa kamɛnɛ lɛ mbi na gbɛlɛ ĩ ma. Ta sanga ma, mbi ndokpɛ ya, so mbi ga mbi tã azi ma ya ma mɛ ta agbinya bɛ la ma. Ala ndoli asiɔ ye ti kamɛnɛ, na asiɔ ye mɛ ndobi kamɛnɛ lɛ zo. Mbi ndokpɛ ya, ta mbi to to so la ma.

Galatia 5:19

Aye mɛ tɛrɛ e ndodu na gwɛ̃ ni ko, e hĩnga ni nzɔ̃ni. Aye ni lo mɛ: lingɔ siɔ ye ti kamɛnɛ, tingɔ kɔmbɛ, lingɔ pite,

Efɛzɛ 5:17

Nda mɛ ale ta ĩ du awa buba ma la, kanda ale ĩ li kpengbani ya, ĩ hĩnga ye mɛ Gbia aye ya ĩ li.

Efɛzɛ 6:6

Ta ĩ li kwa ni na bɛ ĩ kɔi bo na ngoi ko la lɛ la na tɛrɛ ĩ, ya bɛ la ade ma. Ĩ hĩnga ya, ĩ ambɛ tɛ Yezo Kristo, ko ye mɛ bɛ Nzapa aye ko, ĩ li na bɛ ĩ kɔi.

Kɔlɔsɛ 1:9

Na lo ni la ato na lá ko ndo e ma na pa tɛ ĩ ko, ta e ndozia sambelangɔ na lo tɛ ĩ ma. E ndohũnda Nzapa ya, lo sa kɔdɛ gba na bɛ ĩ, wa ĩ hĩnga nga ye mɛ bɛ lo aye, ko ĩ hĩnga ye ni na ndara zu nga na kɔdɛ zu mɛ Tɔrɔ Santo ndohɛ̃ zo,

Kɔlɔsɛ 3:5

Na lo ni ko, ĩ hã gwɛ̃ ti lingɔ asiɔ ye ti lɛ sese zu mɛ ka bɛ ĩ, ĩ zi. Asiɔ ye ni lo mɛ: siɔ ye ti kamɛnɛ, na pite, na gwɛ̃ ti tɛrɛ, na siɔ gwɛ̃ ye, nga na gwɛ̃ ye, (ta sanga ma, dungɔ na gwɛ̃ ye adu nga ma vɔrɔngɔ angbilondo).

Kɔlɔsɛ 4:12

Epafrasi mɛ mbanga wa tɛ ĩ abala ĩ. Lo wa kwa tɛ Yezo Kristo, ta lo ndonzɛ̃ na sambelangɔ Nzapa kpengbani na lo tɛ ĩ ma. Lo ndosambela na lo tɛ ĩ ya, lɛ ĩ azi na lege tɛ Nzapa, ĩ ngbã na yengɔ lo tɛ Nzapa kpengbani, ko ĩ hĩnga nga lingɔ ye zu mɛ Nzapa ndoye.

1 Tɛsalɔnikɛ 4:2

Ĩ hĩnga tɛnɛ tɛ Gbia Yezo mɛ ndo e ha na ĩ.

1 Tɛsalɔnikɛ 4:4

Ale zo kɔi kɔi na popo tɛ ĩ adu na wali, ko lo ngbã ndoni kɔi na wali ni, nga ma se mɛ bɛ Nzapa ndode na lo ni, ko se azi ahũ ko, ahĩnga ya, dungbingɔ tɛ la adu nzɔ̃ni.

1 Tɛsalɔnikɛ 5:18

alo zu mɛ asi na ĩ ko, ĩ hɛ̃ sia kɔli hɛ̃ Nzapa. Ĩ azi mɛ ĩ na Yezo Kristo ĩ ti bo kɔi ko, í ba aye mɛ Nzapa aye ya, ĩ li la.

1 Tɛsalɔnikɛ 5:23

Nzapa mɛ ndoli ya bɛ azi adu pii ko, ali bɛ ya, bɛ ĩ ati vuruni nga ma se tɛ lo ma ke! Lo bata bɛ du tɛ ĩ, na tɔrɔ tɛrɛ ĩ, na bɛ ĩ, nga na tɛrɛ ĩ zu ma ke! Lo li bɛ so ya, na ngoi mɛ gbanda Gbia tɛ e Yezo Kristo adiri aga ko, ta lo bela ĩ na lo ye kɔi ma ke!

2 Tɛsalɔnikɛ 2:13

Aya bua, ĩ mɛ Gbia Nzapa ndoye ĩ ko, ale e ndohɛ̃ sia kɔli hɛ̃ lo ngoi zu na lo tɛ ĩ. Ta sanga ma, ngoi mɛ ndo ta lo de lo li sese ma ko, lo sara ndo ĩ lo kpã ya, ni so ĩ na nguru tɛ Tɔrɔ Santo. Tɔrɔ Santo ni ali ya, ĩ ti azi tɛ ni Nzapa, ko ni so nga ĩ, na lo mɛ ya, ĩ ye lo bɛta lo tɛ ni.

Tito 2:14

Lo nvɛni lo ka ndo tɛrɛ lo na lo tɛ e, so tɔ̃ngɔ e na ya siɔ ye zu. Lo li ndo so ya, e du na vuru bɛ, e ti azi tɛ ni, wa e li anzɔ̃ kwa na gonvɛnɛ.

Aebreo 10:36

Ko ale ĩ du na yɔngɔrɔ bɛ ya, ĩ li ye mɛ bɛ Nzapa aye, wadila ĩ lua ye mɛ lo ko kapa ni hɛ̃ ĩ.

Aebreo 12:16

Ĩ du na kpengba lɛ, so zo ali siɔ ye ti kamɛnɛ, bere so lo samana na ló tɛ Nzapa. Se zo ali nga so ko, lo ti nga ma Ezau mɛ ndo asamana na ló ti kɔzo tɛ lo mɛ na tɛrɛ lo. Lo mu ndo ló ti kɔzo ni, lo vɔ̃ na sɛmbɛ ti tɛ kɔi ka ti ngambi lo, lo tɛ.

Aebreo 13:21

Nzapa mɛ ndoli ya, bɛ zo adu pii ko, lo hɛ̃ bɛ ĩ nguru ti lingɔ anzɔ̃ lo zu ma ke! Lo li bɛ so ya, ĩ li aye mɛ bɛ lo ndoye ma ke! Lo li bɛ nga ya, na nguru tɛ Yezo Kristo ko, e li aye mɛ ndode bɛ lo ma ke! E gonda bɛ Yezo Kristo buru na buru ma ke! Seni la.

Aebreo 13:4

Ale azi zu ndotɔndɔ tɛnɛ mɛ Nzapa atɛnɛ na lo ti dungbingɔ tɛ kɔli na wali. Ale ta kɔli mɛ ya lo da, bere wali mɛ kɔ lo da, ati kɔmbɛ ma. Nzapa afa gbanda ngbanga tɛ azi mɛ ndoli siɔ ye ti kamɛnɛ. Lo fa nga gbanda ngbanga tɛ awa tingɔ kɔmbɛ.

1 Petro 1:2

To e Nzapa ahɛ̃ ndo nyɔ lo, ko lo pia ndo lo sara ĩ lo kpã ya, ĩ ti azi tɛ ni na nguru tɛ Tɔrɔ Santo. Lo li ndo nga so ya, ĩ ma nyɔ Yezo Kristo, wadila mɛnɛ tɛrɛ lo akpo siɔ ye tɛ ĩ. Nzapa ali bɛ kota nzɔ̃ bɛ hɛ̃ ĩ, ali bɛ nga ya, bɛ ĩ adu pii aɔ ndoni ma ke!

1 Petro 4:2

Ato na lá olo mɛ, nga na tanga bi tɛ ĩ mɛ adɛ ka gbɛlɛ ĩ ko, ale ĩ du du nga ma se mɛ bɛ Nzapa aye. Ta ĩ li ye na se gwɛ̃ ti tɛrɛ ĩ ma.

1 Yoanɛ 2:17

Sese olo na wɛngɔ, ko aye ti lɛ sese zu mɛ azi ndodu na gwɛ̃ ni nga na wɛngɔ. Kanda zo ko ali ye mɛ bɛ Nzapa aye ko, lo lua du ti kaka.

Suma 21:8

Wa adu tɛ azi mɛ ta ala na mimi bɛ ma, na azi mɛ akɛ̃ tɛnɛ tɛ Nzapa, na azi mɛ siɔ ye ako ndo bɛ la, na awa hongɔ azi, na awa lingɔ siɔ ye ti kamɛnɛ, na awa biando, na awa vɔrɔngɔ angbilondo, nga na awa nvɛnɛ zu ko, asa gbanda la ka ya wá mɛ lɛ ni kotani nga ma lɛ kpo. Ko wá ni adu nwa tɛ́nɛ la ndoza da. Adu ndo ti kwá ti sɛ.”

Suma 22:15

Azi mɛ gbanda angbã ka pɛ gbágbá mɛ aka kɔdɔrɔ ni lo mɛ: azi mɛ asiɔ ye ako ndo bɛ la, awa biando, awa lingɔ siɔ ye ti kamɛnɛ, awa kpɔngɔ azi, awa vɔrɔngɔ angbilondo, awa nvɛnɛ mɛ ahɛ̃ tɛrɛ la so pangɔ nvɛnɛ nga so lingɔ kwa ti nvɛnɛ!