1 Tɛsalɔnikɛ 4:16 - Fana Ngbangɔ 1987

¹⁶ Na lá ni gbanda ko, azi ama gbanda Nzapa so ndohɛ̃ nyɔ mboro mboro hɛ̃ aangelo, azi ama gbanda legɔ̃ gbia tɛ aangelo, azi ama nga gbanda mbana tɛ Nzapa so ndokpale. So pɛni, Gbia nvɛni alo gbanda ka yayu azu. Azi mɛ ndo aye lo tɛ lo, la ala kpili ndo we ko, ala so gbanda kɔzoni.

1 Tɛsalɔnikɛ 4:16 Iomraidhean Croise

Matie 16:27

Mbi Nyi Zo mbi na aangelo tɛ To mbi e ga gbanda na ya ndima tɛ lo, ko mbi futa gbanda zo kɔi kɔi na se kwa mɛ lo li.

Matie 16:28

Mbi pa hɛ̃ ĩ ti bɛta tɛnɛ ya, mbi Nyi Zo mbi ga gbanda nga ma gbia. Ko ambanga azi mɛ so ndo mɛ ahũ gbanda mbi uzu, wa ala kpili.”

Matie 25:31

Yezo apa ya: “Ngoi mɛ gbanda mbi Nyi Zo mbi ga nga ma gbia, ndoni kɔi na aangelo zu ko, mbi du gbanda na ndo ngɛndɛ tɛ mbi ti ndima.

Matie 26:64

Yezo agbinya hɛ̃ lo ya: “Tɛnɛ ni la mɔ tɛnɛ. Wa mbi pa hɛ̃ ĩ ya, na pɛ ngoi yakere ko, ĩ na hũngɔ mbi Nyi Zo, dungɔ na ndo kɔti ti Nzapa mɛ wa nguru. Ĩ na hũngɔ nga mbi na gangɔ na ya da baba ka lɛ ndozu.”

Awa Pangɔ Kwa 1:11

apa hɛ̃ la ya: “Ĩ azi ti Galilea, nda mɛ ĩ ngbã na bangɔ lɛ ndozu nɛ? Yezo mɛ Nzapa aya lo na popo tɛ ĩ ya, lo ma ka yayu ko, lo diri gbanda lo ga, bo nga ma se mɛ ĩ hũ na lo, lo ma na ni ka yayu.”

1 Kɔrinto 15:18

Oko afa nga ya, azi ko ndo aye lo tɛ Yezo Kristo, la ala kpili ko, ta Nzapa aso gbanda la ma.

1 Kɔrinto 15:20

Ti biani ko, Yezo aso ndo na pɛ kwá. Lo so ndo kɔzoni so fangɔ ya, azi mɛ akpili aso nga gbanda na pɛ kwá.

1 Kɔrinto 15:23

Kanda zo kɔi kɔi aso gbanda na ngoi tɛ lo: Yezo Kristo aso ndo na pɛ kwá uzu tɛ azi zu, so pɛni, ngoi mɛ gbanda lo diri lo ga ko, azi tɛ lo aso nga gbanda na pɛ kwá.

1 Tɛsalɔnikɛ 1:10

nga so masingɔ ya, Nyi lo Yezo mɛ ndo lo so lo na pɛ kwa, alo ka yayu aga. Ko Nyi lo ni aso e na ya siɔ ye, so Nzapa ali ngɔnzɔ hɛ̃ e na ngoi ti fangɔ ngbanga.

1 Tɛsalɔnikɛ 3:11

To e Nzapa nvɛni, na Gbia tɛ e Yezo Kristo alɛkɛ bɛ lege hɛ̃ e, wa e nɔ e ba ĩ ma ke!

2 Tɛsalɔnikɛ 1:7

Ĩ azi ko la ĩ ndohũ pɛnɔ na olo ko, lo hã gbanda pɛnɔ ni lo zi, ko lo hã nga gbanda pɛnɔ tɛ e lo zi, na ngoi mɛ gbanda Gbia Yezo adiri aga na ya menga wa mɛ ndoza lau lau. Lo na akpengba aangelo tɛ lo alo gbanda ka yayu azu na ngoi ni ko. Lo ga gbanda so hɛ̃ngɔ etumbu hɛ̃ azi mɛ ta ahĩnga Nzapa ma, nga na azi mɛ akɛ̃ yengɔ lo Nzɔ̃ Pa tɛ Gbia tɛ e Yezo.

2 Tɛsalɔnikɛ 2:1

Aya bua, na olo ko, mbi na pangɔ hɛ̃ ĩ tɛnɛ na lo ti lá mɛ gbanda Gbia tɛ e Yezo Kristo adiri aga na ni, ko e bombi gbanda tɛrɛ e ya e na lo e tengbi. Ambanga azi ndopa ya, lá ti gangɔ tɛ Gbia Yezo alengbi we, ko e gbɔ̃ gɛrɛ ĩ ya, ta li ĩ akpɛ hiɔ, bere mbɛtɔ agbɔ̃ nga ĩ na lo ti tɛnɛ ni ko ma. Bɛ se adu ya, azi mɛ ndopa nyɔ Nzapa apa hɛ̃ ĩ nga so, bɛ se ĩ ma ni na nyɔ azi mɛ ndopa tɛnɛ tɛ Nzapa, bere se apa hɛ̃ ĩ ya, mbi su ndo ni ka ya mbɛti ko, ta ĩ ye lo ni ma.

2 Petro 3:10

Lá ti gangɔ tɛ Gbia abuta gbanda azi nga ma se tɛ wa nzĩ mɛ ta zo kɔi ndohĩnga gangɔ tɛ lo ma. Na lá ko gbanda ko, ndozu amina gbanda, ko azi ama kota gigi ni. Wá agbiri gbanda aye mɛ ka lɛ ndozu, ko sese nvɛni na aye zu mɛ so lɛ ni amina nga.

Yudɛ 1:9

Ye ko ala ndoli ko, abɛ nga Mikaɛlɛ mɛ gbia tɛ aangelo ko, ta lo li ndo ye ni ko ma. Ngoi mɛ ndo Mikaɛlɛ na Satana agbangbi na kinda tɛ Mɔizɛ so hĩngangɔ zo mɛ alengbi ti mungɔ ni ko, ta Mikaɛlɛ atara ndo ya, ni vɔ̃ to tɛrɛ Satana, ni guru nga lo ma. Kanda lo pa ndo hɛ̃ Satana ya: “Gbia Nzapa ahɛ̃ bɛ mɔ etumbu ma ke!”

Suma 1:10

Mbanga lá yenga kɔi, Tɔrɔ Santo asa tɛrɛ mbi, ko mbi hũ suma. La mbi ma legɔ̃ zo so pɛko mbi ndotɛnɛ tɛnɛ na kɔngɔ, nga ma se mɛ mbana ndokpale na ni.

Suma 1:7

Ĩ ba lo la lo ga na ya da baba! Azi zu na hũngɔ lo, abɛ nga azi ko ndo akpɔ katɛ lo ko, ala nga na hũngɔ lo. Azi zu ti lɛ sese na demangɔ so lo. Biani, se mɛ na dungɔ na ni la! Seni la.

Suma 14:13

So pɛni, mbi ti ma legɔ̃ zo adu ka ndozu, apa hɛ̃ mbi ya, mbi su tɛnɛ olo. Tɛnɛ ni lo mɛ: “Dengɔ bɛ ati na azi ko la ato na olo, ala ndokpili na ya kwa tɛ Gbia Nzapa!” Tɔrɔ Santo apa nga ya: “Seni la biani. Ala lengbi ti wɔngɔ tɛrɛ la na ló kpengba kwa mɛ ndo ala li, ta sanga ma, lɛ kwa mɛ ndo ala li asi yango.”

Suma 8:13

Mbi ti ba ndo, ko mbi hũ ngwalo aɔ ka lɛ ndozu yanga yenge. Mbi ma lo so ndodɛrɛ kɔngɔ ya: “Oo siɔ lo ee! Oo siɔ lo ee! Na ngoi mɛ se atanga aangelo ota na ulungɔ na mbana tɛ la ko, kota siɔ lo na tingɔ na azi ti lɛ sese.”

Suma 8:2

Ko mbi hũ aangelo mbara mbara alonga so gbɛlɛ Nzapa. Amu mbana mbara mbara, akangbi na la kɔi kɔi.