1 Tɛsalɔnikɛ 4:12 - Fana Ngbangɔ 1987

¹² Se ĩ li nga so ko, azi mɛ ta awa Kristo ma na tɔndɔngɔ ĩ, ko ta ĩ na yɔngɔ ye ka ti azi ma.

1 Tɛsalɔnikɛ 4:12 Iomraidhean Croise

Marko 4:11

Yezo agbinya hɛ̃ la ya: “Na ndo tɛnɛ ko ti lo Lɛngɔ Gbia tɛ Nzapa ko, bo ĩ la Nzapa afa ĩ na lo mɛ ta azi ahĩnga ma. Kanda azi mɛ ndɛ̃ ndoma tɛnɛ tɛ lo bo na ya matɔ, nga ma se mɛ asu na ni ka ya Buku tɛ Nzapa ya:

Roma 12:17

Se afɔ̃ ĩ ali ĩ siɔni ko, ta ĩ li nga la siɔni ma. Ale ĩ gi kɔdɛ ya, ĩ li nzɔ̃ ye na gbɛlɛ azi zu.

Roma 13:13

E du na se nzɔ̃ li ye, nga ma se tɛ azi mɛ ndodɔ nɔ na ya vuru ndo. Ta e tɛ ye aɔ nyɔ kpɔ̃ ni ma, ta e nyɔ kana agbɔ̃ e ma, ta e li siɔ ye ti kamɛnɛ ma, ta e li siɔ ye ma, ta e pa pa ma, ta e li nga sɔbɛrɛ hɛ̃ afɔ̃ e ma.

Efɛzɛ 4:28

Ale zo mɛ ndo wa nzĩ azia nzĩngɔ ye, ale lo li kwa na ti lo nvɛni na se kɔdɛ mɛ alengbi, wa lo za na awa yɛlɛ.

Filipɛ 4:8

Aya bua, mbi ye kɔngɔ nda tɛnɛ tɛ mbi so mɛ: ĩ da bɛ ĩ na anzɔ̃ ye mɛ azi alengbi ti gondangɔ ni. Anzɔ̃ ye ni lo mɛ: abɛta ye zu mɛ e ndotɔndɔ, aye mɛ mbiri mbiri, aye mɛ vuruni, aye mɛ bɛ azi ndode na lo ni, nga na aye ti ndima.

Kɔlɔsɛ 4:5

Ale ĩ du na ndara na popo tɛ apaganɔ, ĩ li nzɔ̃ ye ngoi zu mɛ se ĩ lua lege ti lingɔ ni.

1 Tɛsalɔnikɛ 5:22

Ko ta ĩ li siɔ ye bɛ gbɔ ma.

1 Timɔte 3:7

Ale azi mɛ ta awa Kristo ma atɔndɔ nga zo ni ko, so ala samana na lo, ko lo za sɔ̃ mɛ Satana apeta.

1 Petro 2:12

Ale sé du tɛ ĩ adu nzɔ̃ni na popo tɛ apaganɔ. Se ĩ li so, bɛ se ala vɔ̃ to tɛrɛ ĩ ya, ĩ asiɔ azi ko, ala na hũngɔ ya, ĩ ndoli anzɔ̃ ye, ko gbanda ko, ala gonda Nzapa na lá ti gangɔ tɛ lo.

1 Petro 3:1

Ĩ awe kɔli, ĩ́ bi nga tɛrɛ ĩ hɛ̃ akɔ ĩ, wadila akɔ ĩ ko la akɛ̃ tɛnɛ tɛ Nzapa aye lo ni, na lo ti se li ye tɛ ĩ. Ko bɛ se ta ĩ tɛnɛ tɛnɛ tɛ Nzapa kɔi hɛ̃ la ma ko, ala na yengɔ lo tɛ lo.