1 Tɛsalɔnikɛ 4:11 - Fana Ngbangɔ 1987

¹¹ Ko ĩ li kpengbani ya, ĩ du na mangbingɔ ka popo tɛ ĩ, ĩ́ kpa lɛ ĩ bo na ndo aye tɛ ĩ nvɛni, ĩ́ li kwa na ti ĩ nvɛni, wa ĩ kã na tɛrɛ ĩ, nga ma se mɛ ndo e pa na ni hɛ̃ ĩ.

1 Tɛsalɔnikɛ 4:11 Iomraidhean Croise

Marko 13:34

Ngoi ni ko na dungɔ nga ma se mɛ zo ndoga so gwengɔ fɔnɔ. Na ngoi ti ɔngɔ tɛ lo ko, lo zia aye ti da kwe zu na ti awa kwa tɛ lo, lo kangbi la kɔi kɔi na kwa. Ko lo hɛ̃ nyɔ hɛ̃ wa batangɔ nyɔ ngise ya, lo du lɛ lo ngɛ̃, lo bata nyɔ ngise nzɔ̃ni. So pɛni ko, nvɛ̃ da azia la aɔ.”

Awa Pangɔ Kwa 18:3

angbã so ndo tɛ la, na lo mɛ ya, lo nɔ la ndoli kwa kɔi. Ala ndo awa lɛkɛngɔ bɔngɔ mɛ andowa na gofa ti tandi. Lo ngba ndo ka tɛ la, ko ala zu ndoli ndo kwa ndoni kɔi.

Awa Pangɔ Kwa 20:35

Mbi fa ndo ĩ na se kɔdɛ zu ya, ale ĩ li kwa, wadila ĩ za awa yɛlɛ. Ko é da nga bɛ e na tɛnɛ mɛ ndo Gbia Yezo nvɛni atɛnɛ ya: ‘Bɛ wa hɛ̃ngɔ ye ndode aɔ tɛ wa luangɔ ye.’ ”

Roma 12:11

Ale ta ĩ du awa ndɛkɔ ma, kanda ale ĩ li kwa kpuru kpuru, ĩ li kwa hɛ̃ Gbia Yezo na bɛ ĩ kɔi.

Roma 15:20

Kanda mbi ye pangɔ Nzɔ̃ Pa ni bo na ndo mɛ ta azi ade ama pa tɛ Yezo Kristo da ma. Mbi li so, ya ta zo anɛ ya, mbi wa da na ndo gu gɛrɛ da mɛ zo mɛ ndɛ̃ akpã ma,

1 Kɔrinto 4:12

E ndoli kwa na ti e kpengbani ya, e nvɛni e kã na tɛrɛ e. Ngoi mɛ se azi aguru e ko, e vɔrɔ Nzapa ya, lo sunu la. Ngoi mɛ se azi ahɛ̃ e pɛnɔ ko, e gbe bɛ e.

2 Kɔrinto 5:9

Bɛ se ta e dɛ e si ka tɔ̃nda lo ma, bɛ se e si ka tɔ̃nda lo ko, e separa bo ya, e li ye mɛ ndode bɛ lo.

Efɛzɛ 4:28

Ale zo mɛ ndo wa nzĩ azia nzĩngɔ ye, ale lo li kwa na ti lo nvɛni na se kɔdɛ mɛ alengbi, wa lo za na awa yɛlɛ.

1 Timɔte 2:2

Ale ĩ sambela Nzapa na lo tɛ agbia, nga na lo tɛ akota azi zu, wadila kɔdɔrɔ tɛ e adu pii, ko e du nga na mangbingɔ. Na lo ni ko, du tɛ e alengbi ti dengɔ bɛ Nzapa, ko sé du tɛ e adu nga nzɔ̃ni ka gbɛlɛ lo.

1 Timɔte 5:13

Mbanga ló mɛ ale ta mɔ su ili awe muã mɛ ade amɔsia na ya buku ni ko ma lo mɛ: ala ti awa ndɛkɔ, ko kwa tɛ la bo fɔnɔngɔ na nda se wa tɛ azi. Ala ti nga awa fɔnɔngɔ na ili azi, awa yɔrɔngɔ nyɔ la na ya tɛnɛ tɛ azi, awa tɛnɛngɔ tɛnɛ mɛ ta alengbi ma.

Tito 3:14

Ale awa Kristo ti tɛ e ahĩnga hɛ̃ngɔ tɛrɛ la na lingɔ anzɔ̃ kwa, wadila ala za azi mɛ ta na ye ti la ma. Se ala li so ko, ta du tɛ la na dungɔ gɛgɛrɛ ma.

1 Petro 3:4

Kanda ale dɛ̃ngɔ tɛ ĩ adu dɛ̃ngɔ mɛ alo ka bɛ ĩ, ale dɛ̃ngɔ ni adu dɛ̃ngɔ ti dede bɛ, dɛ̃ngɔ ti bɛ pii. Gi tɛrɛ dɛ̃ngɔ ni ko la ta ndogbɛ̃ ma, ko ni nga la Nzapa ndomu ka lɛ lo ngbondoni sĩ.

1 Petro 4:15

Ale ta zo kɔi so popo tɛ ĩ ahũ pɛnɔ na ti azi, na lo mɛ ya, lo ho zo, bere lo nzĩ ye, bere lo li ye siɔni, bere lo yɔrɔ nyɔ lo na ya tɛnɛ tɛ afɔ̃ lo ma.