1 Tɛsalɔnikɛ 4:10 - Fana Ngbangɔ 1987

¹⁰ Biani, se mɛ ĩ ndoye nga na awa Kristo zu mɛ ndodu ka sese ti Masedoanɛ la. Kanda e gbɔ̃ gɛrɛ ĩ ya, ĩ ti yengbi aɔ ndo ti uzu.

1 Tɛsalɔnikɛ 4:10 Iomraidhean Croise

Roma 15:26

Ta sanga ma, awa Kristo ti Masedoanɛ na ti Grɛsɛ aye ndo ya, ani sɔrɔ faranga, ani za na awa Kristo mɛ awa yɛlɛ ka Yeruzalɛmɛ.

Efɛzɛ 1:15

Na lo ni la, ngoi mɛ mbi ma ya, ĩ dɛ bo na yengɔ lo tɛ Yezo Kristo kpɔ, ĩ ndoye nga azi tɛ Nzapa zu ko,

Filipɛ 1:9

Ĩ ma sambela mɛ mbi ndosambela na lo tɛ ĩ lo mɛ: mbi ndohũnda Nzapa ya, ale ĩ ti ndoyengbi aɔ ndo ti uzu. Se ĩ li nga so ko, ĩ hĩnga bɛta lo tɛ lo. Ko se ĩ hũ anzɔ̃ ye na asiɔ ye ko, ĩ hĩnga ni,

Kɔlɔsɛ 1:4

Ta sanga ma, e ma pa ti yengɔ mɛ ĩ ye na lo tɛ Yezo Kristo, nga na pa ti yengɔ mɛ ĩ ye na azi tɛ Nzapa zu,

1 Tɛsalɔnikɛ 1:7

Na lo ni ko, ĩ ti awa fangɔ nzɔ̃ lɛ lo hɛ̃ awa Kristo zu mɛ ndodu ka sese ti Masedoanɛ, nga na ala mɛ ka sese ti Grɛsɛ.

1 Tɛsalɔnikɛ 3:12

Gbia tɛ e Yezo Kristo ali bɛ ya, ĩ ti ĩ yengbi aɔ ti uzu, ko ĩ ye nga azi mɛ ndɛ̃ zu aɔ ndo ti uzu ma ke! Lo li bɛ nga ya, ĩ ye la, nga ma se mɛ e ndoye na ĩ ma ke!

1 Tɛsalɔnikɛ 4:1

Aya bua, e na kɔngɔ nda mbɛti tɛ e so mɛ: ndo uzu ko, e ha ĩ na se li ye mɛ ndode bɛ Nzapa, ko e hĩnga ya, ĩ ndodu nga so biani. Ko na olo ko, e gbɔ̃ gɛrɛ ĩ ka ka ka na ili Gbia Yezo ya, ĩ ti du nzɔ̃ni aɔ ndo ti uzu.

2 Tɛsalɔnikɛ 1:3

Aya bua, ale e ndohɛ̃ sia kɔli hɛ̃ Nzapa ngoi zu na lo tɛ ĩ. Adu nzɔ̃ni ya, e li so, ta sanga ma, ĩ ndoye lo tɛ Yezo Kristo aɔ ndo ti uzu, ko yengbingɔ tɛ ĩ andomai bo maingɔ.

2 Tɛsalɔnikɛ 3:4

Ko na lo tɛ Gbia ko, e ndokpã bɛ e ndo ĩ: e hĩnga ya, ĩ ndoli tɛnɛ mɛ e ndopa hɛ̃ ĩ na seni, ko ĩ nga na lingɔ ni ngoi zu na seni.

2 Petro 3:18

Kanda ale ĩ ngbã bo na maingɔ na ya lo yengɔ tɛ ĩ, wadila Gbia tɛ e Yezo Kristo mɛ Wa songɔ e andoli nzɔ̃ bɛ hɛ̃ ĩ, ko ĩ hĩnga nga lo nzɔ̃ni. É gonda Gbia tɛ e na olo, é gonda nga lo buru na buru zu! Seni la.