1 Tɛsalɔnikɛ 4:1 - Fana Ngbangɔ 1987

¹ Aya bua, e na kɔngɔ nda mbɛti tɛ e so mɛ: ndo uzu ko, e ha ĩ na se li ye mɛ ndode bɛ Nzapa, ko e hĩnga ya, ĩ ndodu nga so biani. Ko na olo ko, e gbɔ̃ gɛrɛ ĩ ka ka ka na ili Gbia Yezo ya, ĩ ti du nzɔ̃ni aɔ ndo ti uzu.

1 Tɛsalɔnikɛ 4:1 Iomraidhean Croise

Yoanɛ 15:2

Akati vinɔ kɔi kɔi mɛ ta ndole ma ko, lo fara ni, lo sa tise. Lo lɛkɛ akati mɛ ndole, ko lo fara li ni yɛɛ ya ati ale gba.

Awa Pangɔ Kwa 20:27

na lo mɛ ya, ta mbi hɔndɛ ĩ na lo kɔi ma, kanda mbi pa lo tɛ Nzapa zu hɛ̃ ĩ.

Roma 8:8

Azi ko la ndoli ye na se gwɛ̃ ti tɛrɛ la ko, ta bɛ Nzapa ndode na lo tɛ la ma.

1 Kɔrinto 11:23

Tɛnɛ mɛ ndo mbi ma ka nyɔ Gbia Yezo, mbi pa nga hɛ̃ ĩ lo mɛ: Na bi mɛ ndo aka na Yezo ko, Yezo amu ndo mapa,

1 Kɔrinto 15:1

Aya bua, Nzɔ̃ Pa tɛ Yezo Kristo mɛ ndo mbi pa hɛ̃ ĩ, ĩ ye lo ni, ko ĩ kpa nga bɛ ĩ ndo ni ko, mbi separa dangɔ bɛ ĩ na ni na olo mɛ.

1 Kɔrinto 15:58

Aya bua ti kpɔ̃ bɛ mbi, na lo ni ko, ĩ du na nguru, ko ta ĩ diri gesi ma. Ĩ li kwa tɛ Gbia na gonvɛnɛ aɔ ti uzu, ta sanga ma, ĩ hĩnga ya, kwa mɛ ĩ ndoli hɛ̃ Gbia Yezo Kristo ko, ta kwa ni ati gbanda gɛgɛrɛ ma.

2 Kɔrinto 10:1

Mbi Polo, mbi gbɔ̃ gɛrɛ ĩ na lo ye kɔi. Azi ndopa tɛnɛ na ili mbi ya, ngoi mɛ mbi e na ĩ, e du ndoni kɔi ko, mbi tɛnɛ tɛnɛ mɛ woni, wa ngoi mɛ mbi du yɔngɔrɔni na ĩ ko, mbi ti wa tɛnɛngɔ kpengba tɛnɛ hɛ̃ ĩ. Yezo Kristo adu dede zo, lo nga wa nzɔ̃ bɛ. Na lo ni ko, lo mɛ mbi gbɔ̃ gɛrɛ ĩ na lo ni lo mɛ:

2 Kɔrinto 13:11

Aya bua, na olo ko, mbi zei ĩ! Ale ĩ li kpengbani ya, ĩ ti abɛta anzɔ̃ azi. Ale ĩ sa nguru bɛ afɔ̃ ĩ, ale nyɔ ĩ ase kɔi, ale ĩ du nga na mangbingɔ, wadila Nzapa adu ndoni kɔi na ĩ. Lo ndoye azi, lo ndoli ya, bɛ azi adu pii.

2 Kɔrinto 5:9

Bɛ se ta e dɛ e si ka tɔ̃nda lo ma, bɛ se e si ka tɔ̃nda lo ko, e separa bo ya, e li ye mɛ ndode bɛ lo.

2 Kɔrinto 6:1

Ko e mɛ e ndoli kwa ndoni kɔi na Nzapa ko, e gbɔ̃ gɛrɛ ĩ ya, ta ĩ zia nzɔ̃ bɛ mɛ ndo Nzapa ali hɛ̃ ĩ ati gɛgɛrɛ ma.

Galatia 6:1

Aya bua, se ĩ gbɔ̃ fɔ̃ ĩ tɛrɛ lingɔ siɔ ye ko, ĩ ko la ĩ ndodɔ nɔ na lege mɛ Tɔrɔ Santo afa na ĩ ko, ale ĩ mu fɔ̃ ĩ ni ka lege ti lingɔ siɔ ye, ĩ kpã lo na bɛta lege. Ko ale ĩ li ni na dede bɛ. Ale ĩ du nga na kpengba lɛ, so ĩ nvɛni ĩ li nga siɔ ye nga ma se tɛ fɔ̃ ĩ ni ko.

Efɛzɛ 4:1

La mbi mɛ wa bɔlɔkɔ na lo ti kwa tɛ Gbia mɛ mbi ndoli, mbi gbɔ̃ gɛrɛ ĩ ya, ale se li ye tɛ ĩ adu nzɔ̃ni, nga ma se mɛ ndo Nzapa aye na ni na ngoi mɛ ndo lo ili na ĩ.

Efɛzɛ 4:20

Wa tɛ ĩ ko, ta du tɛ Yezo Kristo mɛ ndo aha na ĩ adu nga so ma!

Efɛzɛ 5:17

Nda mɛ ale ta ĩ du awa buba ma la, kanda ale ĩ li kpengbani ya, ĩ hĩnga ye mɛ Gbia aye ya ĩ li.

Filipɛ 1:27

Ye kɔi mɛ bo ngbondoni lo mɛ: ale sé du tɛ ĩ adu bo nga ma se mɛ Nzɔ̃ Pa tɛ Yezo Kristo apa na ni. Na lo ni ko, bɛ se mbi ga so bangɔ ĩ bere se ta mbi ga ma ko, mbi ye bo mangɔ ya, ĩ ngbã bo na yengɔ lo tɛ Yezo Kristo, ko bɛ ĩ adu kɔi, ko ĩ bombi nga tɛrɛ ĩ so lingɔ kwa, wadila Nzɔ̃ Pa tɛ lo agwe ngoi zu uzu uzu.

Filipɛ 1:9

Ĩ ma sambela mɛ mbi ndosambela na lo tɛ ĩ lo mɛ: mbi ndohũnda Nzapa ya, ale ĩ ti ndoyengbi aɔ ndo ti uzu. Se ĩ li nga so ko, ĩ hĩnga bɛta lo tɛ lo. Ko se ĩ hũ anzɔ̃ ye na asiɔ ye ko, ĩ hĩnga ni,

Filipɛ 3:14

La mbi ndokpe paka piko ya, mbi si ka nda ni, mbi lua mbana gɛrɛ mɛ Nzapa ndoili e ya, e ga e lua ka yayu. Lo ndoili e ti ndo Yezo Kristo.

Kɔlɔsɛ 1:10

wa se mɛ ĩ du du mɛ Gbia Yezo aye, ko ĩ li nga ye zu mɛ ndode bɛ lo la. Ĩ na lingɔ anzɔ̃ ye ndɛ̃ ndɛ̃ ndɛ̃, ko ĩ nga na hĩngangɔ Nzapa ɔngɔ ti uzu.

Kɔlɔsɛ 2:6

Wa nga ma la ĩ ye ya, Yezo Kristo adu Gbia tɛ ĩ ko, ale du tɛ ĩ adu nga ma tɛ lo.

1 Tɛsalɔnikɛ 3:12

Gbia tɛ e Yezo Kristo ali bɛ ya, ĩ ti ĩ yengbi aɔ ti uzu, ko ĩ ye nga azi mɛ ndɛ̃ zu aɔ ndo ti uzu ma ke! Lo li bɛ nga ya, ĩ ye la, nga ma se mɛ e ndoye na ĩ ma ke!

1 Tɛsalɔnikɛ 4:2

Ĩ hĩnga tɛnɛ tɛ Gbia Yezo mɛ ndo e ha na ĩ.

1 Tɛsalɔnikɛ 5:12

Aya bua, azi mɛ ndoli kwa tɛ Nzapa so popo tɛ ĩ ko, ala la Gbia Nzapa akpã la ndo ĩ, so fangɔ ĩ na lege tɛ lo, nga so hangɔ ĩ na lo tɛ lo. Ko e gbɔ̃ gɛrɛ ĩ ya, ĩ tɔndɔ la.

2 Tɛsalɔnikɛ 1:3

Aya bua, ale e ndohɛ̃ sia kɔli hɛ̃ Nzapa ngoi zu na lo tɛ ĩ. Adu nzɔ̃ni ya, e li so, ta sanga ma, ĩ ndoye lo tɛ Yezo Kristo aɔ ndo ti uzu, ko yengbingɔ tɛ ĩ andomai bo maingɔ.

2 Tɛsalɔnikɛ 2:1

Aya bua, na olo ko, mbi na pangɔ hɛ̃ ĩ tɛnɛ na lo ti lá mɛ gbanda Gbia tɛ e Yezo Kristo adiri aga na ni, ko e bombi gbanda tɛrɛ e ya e na lo e tengbi. Ambanga azi ndopa ya, lá ti gangɔ tɛ Gbia Yezo alengbi we, ko e gbɔ̃ gɛrɛ ĩ ya, ta li ĩ akpɛ hiɔ, bere mbɛtɔ agbɔ̃ nga ĩ na lo ti tɛnɛ ni ko ma. Bɛ se adu ya, azi mɛ ndopa nyɔ Nzapa apa hɛ̃ ĩ nga so, bɛ se ĩ ma ni na nyɔ azi mɛ ndopa tɛnɛ tɛ Nzapa, bere se apa hɛ̃ ĩ ya, mbi su ndo ni ka ya mbɛti ko, ta ĩ ye lo ni ma.

2 Tɛsalɔnikɛ 3:1

Aya bua, ti kɔngɔ nda ni ko, e gbɔ̃ gɛrɛ ĩ ya, ĩ sambela Nzapa na lo tɛ e, wadila tɛnɛ tɛ Gbia Yezo afɔnɔ na le sese hiɔ hiɔ, ko azi atɔndɔ nga ni, nga ma se mɛ ĩ ndotɔndɔ na ni.

2 Tɛsalɔnikɛ 3:13

Aya bua, tɛ ĩ ko, ta ĩ nzɛ̃ na lingɔ nzɔ̃ ye ma.

1 Timɔte 5:21

Na ili Nzapa, na ili Yezo Kristo, nga na ili aangelo mɛ ndo Nzapa asara la akpã ko, mbi gbɔ̃ gɛrɛ mɔ sĩ nvɛni ya, mɔ tɔndɔ tɛnɛ ko la mbi tɛnɛ hɛ̃ mɔ. Ta mɔ pia mɔ kɛ̃ tɛnɛ tɛ zo mɛ avɔ̃ to tɛrɛ lo ka tɛ mɔ, bere mɔ pia mɔ ye tɛnɛ tɛ lo ma. Ta mɔ ye zo kɔi, ko mɔ dɔ zo mɛ ndɛ̃ mɔ zia ma.

2 Timɔte 4:1

Mbi gbɔ̃ gɛrɛ mɔ na ili Nzapa, nga na ili Yezo Kristo mɛ gbanda afa ngbanga tɛ azi mɛ lɛ la ngɛ̃, nga na tɛ awa kwáni. Na ili Yezo mɛ gbanda aga so lɛngɔ gbia ko, mbi gbɔ̃ gɛrɛ mɔ ya,

Aebreo 11:6

Ko se ta zo aye lo tɛ Nzapa ma ko, ta bɛ Nzapa alengbi ti dengɔ na lo tɛ lo ma. Ti biani, zo ko ai tɛrɛ lo ka tɛ Nzapa ko, ale lo ye ya, Nzapa da, ale lo ye nga ya, Nzapa ndohɛ̃ mbana gɛrɛ hɛ̃ azi mɛ ndogi lege tɛ lo.

Aebreo 13:16

Ale ĩ ndoli anzɔ̃ lo na tɛrɛ afɔ̃ ĩ, ale ĩ ndoza nga afɔ̃ ĩ na aye mɛ ĩ na ni. Ta bɛ ĩ ali na lingɔ aye ni ko ma. Ta sanga ma, aye ni ko adu nga ma aye mɛ ĩ mu, ĩ lu na Nzapa. Ko aye ni ko la ndode bɛ Nzapa.

Aebreo 13:22

Aya bua, mbi gbɔ̃ gɛrɛ ĩ ya, atɛnɛ mɛ mbi tɛnɛ hɛ̃ ĩ so sangɔ nguru bɛ ĩ ko, ale ĩ gbe bɛ ĩ na lo ni. Ta sanga ma, atɛnɛ mɛ mbi tɛnɛ hɛ̃ ĩ na ya mbɛti olo ko, ta adu yɔngɔrɔni buai ma.

2 Petro 3:18

Kanda ale ĩ ngbã bo na maingɔ na ya lo yengɔ tɛ ĩ, wadila Gbia tɛ e Yezo Kristo mɛ Wa songɔ e andoli nzɔ̃ bɛ hɛ̃ ĩ, ko ĩ hĩnga nga lo nzɔ̃ni. É gonda Gbia tɛ e na olo, é gonda nga lo buru na buru zu! Seni la.

1 Yoanɛ 3:22

Ye zu mɛ e ndoyɔ ka ti lo ko, e ndolua ni, na lo mɛ ya, e ndotɔndɔ ndia tɛ lo, ko e ndoli nga ye mɛ bɛ lo ndode na lo ni.