1 Tɛsalɔnikɛ 3:8 - Fana Ngbangɔ 1987

⁸ ta sanga ma, na olo ko, adu nga ma e ti lua fana du, na lo mɛ ya, ĩ dɛ bo na yengɔ lo tɛ Gbia kpengbani.

1 Tɛsalɔnikɛ 3:8 Iomraidhean Croise

Yoanɛ 15:4

Ale ĩ ndodu ndoni kɔi na mbi, nga ma se ko mbi ndodu ndoni kɔi na ĩ. Se ta kati kɛkɛ adu ka tɛrɛ kɛkɛ ma ko, ta kati kɛkɛ ni alengbi ti lengɔ na kunɛ lo ma. Se mɛ nga se ta ĩ du ndoni kɔi na mbi ma ko, ta ĩ lengbi nga ti lingɔ ye kɔi ma la.

Yoanɛ 15:7

Se ĩ du ndoni kɔi na mbi, ĩ kpa nga tɛnɛ tɛ mbi ka ya bɛ ĩ ko, ĩ hũnda ye mɛ ĩ ye, wa ĩ lua ni.

Yoanɛ 8:31

So pɛni, Yezo apa hɛ̃ Ayuda mɛ ndo aye lo tɛ lo ya: “Atɛnɛ mɛ mbi ndoha na ĩ, se ĩ tɔndɔ ni na seni ko, ĩ ti ava mbi biani,

Awa Pangɔ Kwa 11:23

Ngoi mɛ lo ĩ si kai, lo ĩ hũ se mɛ ndo Nzapa ali na nzɔ̃ bɛ hɛ̃ awa yengɔ lo tɛ Gbia Yezo ko, lo saba, lo sa nga nguru bɛ la zu ya, ala ngbã na kpãngɔ be la kpa na ndo Gbia.

1 Kɔrinto 15:58

Aya bua ti kpɔ̃ bɛ mbi, na lo ni ko, ĩ du na nguru, ko ta ĩ diri gesi ma. Ĩ li kwa tɛ Gbia na gonvɛnɛ aɔ ti uzu, ta sanga ma, ĩ hĩnga ya, kwa mɛ ĩ ndoli hɛ̃ Gbia Yezo Kristo ko, ta kwa ni ati gbanda gɛgɛrɛ ma.

1 Kɔrinto 16:13

Ale ĩ du na kpengba lɛ, ĩ ngbã na yengɔ lo tɛ Yezo, ĩ du na mimi bɛ, ĩ du kpengbani.

Galatia 5:1

Yezo Kristo abi bɔrɔ tɛrɛ e ya, e ti abɔrɔ biani. Wa ĩ ngba bo abɔrɔ, ko ĩ bata li ĩ ya, ta ĩ diri ĩ ti ambɛ ti tɔndɔngɔ ndia tɛ Mɔizɛ ma.

Efɛzɛ 3:17

ko Yezo Kristo angbã nga ka ya bɛ ĩ, na lo mɛ ya, ĩ ye lo tɛ lo. Mbi ndohũnda lo ya, yengɔ mɛ ĩ ndoye na lo ali ya bɛ ĩ, nga ma se mɛ ambatana kɛkɛ ndoli ka ya sese. Ko yengɔ ni akpengba na ĩ, nga ma se mɛ gu gɛrɛ da ndokpengba na da.

Filipɛ 1:21

Ta sanga ma, ngoi mɛ mbi de lɛ mbi ngɛ̃ ko, Yezo Kristo la aɔ aye kwɛ zu ge Ĩɛ mbi. Ko se mbi kpi ko, ati du nzɔ̃ni buai.

Filipɛ 1:27

Ye kɔi mɛ bo ngbondoni lo mɛ: ale sé du tɛ ĩ adu bo nga ma se mɛ Nzɔ̃ Pa tɛ Yezo Kristo apa na ni. Na lo ni ko, bɛ se mbi ga so bangɔ ĩ bere se ta mbi ga ma ko, mbi ye bo mangɔ ya, ĩ ngbã bo na yengɔ lo tɛ Yezo Kristo, ko bɛ ĩ adu kɔi, ko ĩ bombi nga tɛrɛ ĩ so lingɔ kwa, wadila Nzɔ̃ Pa tɛ lo agwe ngoi zu uzu uzu.

Filipɛ 4:1

Aya bua ti kpɔ̃ bɛ mbi, wa ĩ ba se mɛ ale ĩ ndongbã bo na yengɔ lo tɛ Gbia la. Akwa mbi, mbi ndosepara ma ya ma ya, mbi diri mbi ga mbi ba ĩ. Ĩ ndohɛ̃ mbi dengɔ bɛ ma ya ma, ko na lo tɛ ĩ la mbi ndolɛndɛrɛ mbana gɛrɛ mɛ Nzapa na hɛ̃ngɔ mbi.

Kɔlɔsɛ 1:23

Ko ale ĩ ngbã bo na yengɔ lo tɛ Yezo Kristo, ko ĩ ngbã na ni ka ka ka, ta ĩ zia ma. Ale ĩ lɛndɛrɛ bo tɛnɛ ti Nzɔ̃ Pa mɛ ndo ĩ ma. Nzɔ̃ Pa ni la apa hɛ̃ azi zu mɛ ge lɛ sese, ko nga bo Nzɔ̃ Pa ni la mbi Polo mbi ti wa pangɔ ni.

1 Tɛsalɔnikɛ 3:7

Aya bua, e ndohũ ndo pɛnɔ sĩ. Kanda ngoi mɛ Timɔte ĩ lo ka tɛ ĩ ĩ diri, lo ĩ pa nga pa tɛ ĩ hɛ̃ e ko, nguru ti gbɔ̃ e. Lo yengɔ tɛ ĩ la asa nguru bɛ e,

Aebreo 10:23

Nzapa ako kapa hɛ̃ e, ko ta lo na wezangɔ kapa ni ma. Na lo ni ko, ale e ngbã bo na lɛndɛrɛngɔ kapa mɛ e ndopa lo ni, ta e dɛ kitɛ ni ma.

Aebreo 3:14

E ndokpã ndo bɛ e uzu na ndo Yezo, wa se e ngbã bo na kpãngɔ bɛ e na ndo lo nga ma se ti uzu, ngbĩi e si ka nda ni gbɔ, wadila e ti azi mɛ e na Yezo Kristo e ndoli kwa ndoni kɔi.

Aebreo 4:14

E na kota gbia tɛ awa lungɔ Nzapa na ye, lo ma ndo ngbĩi lo si ka gbɛlɛ Nzapa nvɛni, lo Nyi Nzapa, ili lo la Yezo. Na lo ni ko, lo tɛ lo mɛ e ye, la e ndopa hɛ̃ azi ko, ale e ngbã bo na yengɔ lo ni kpengbani.

1 Petro 5:10

Ĩ ndohũ pɛnɔ, kanda na pɛ ngoi yakere ko, Nzapa mɛ ndoli kota nzɔ̃ bɛ hɛ̃ e, lo nvɛni na lɛkɛngɔ ĩ, kpengbangɔ na bɛ ĩ, hɛ̃ngɔ ĩ nguru. Lo la lo ili ĩ ya, ĩ lua ndima ti kaka ka tɛ ni, na lo mɛ ya, ĩ na Kristo ĩ ti bo kɔi.

2 Petro 3:17

Aya bua, na olo ko, mbi tisa ĩ wɛ. Wa ĩ du na kpengba lɛ ya, ta asiɔ azi ahanda ĩ ma, so ĩ mu lege tɛ la ti lingɔ siɔ ye, ko ĩ dɔ nga lege tɛ Nzapa mɛ ndo ĩ kpengba da í zia.

Suma 3:11

Angbã yakere ni ga. Ale ĩ gbɔ̃ lo tɛ ni kpengbani, so zo agbula mbana gɛrɛ ĩ na ti ĩ.

Suma 3:3

Wa ĩ da bɛ ĩ na ló mɛ ndo aha na ĩ, nga na tɛnɛ tɛ Nzapa mɛ ndo ĩ ma. Ale ĩ tɔndɔ ni, ko ĩ gbinya bɛ ĩ. Se ta ĩ du na kpengba lɛ ma ko, ni ga ni buta ĩ nga ma se tɛ wa nzĩ, ko ta ĩ na hĩngangɔ ngoi ti gangɔ tɛ ni ma.