1 Tɛsalɔnikɛ 3:6 - Fana Ngbangɔ 1987

⁶ Kanda na olo ko, Timɔte alo ka tɛ ĩ adiri ge tɛ e, ko lo pa anzɔ̃ pa tɛ ĩ hɛ̃ e ya, ĩ dɛ bo na yengɔ lo tɛ Yezo Kristo kpɔ, ko ĩ ndoyengbi nga. Lo pa nga ya, ĩ ndoda bɛ ĩ na e ngoi zu, ko bɛ ĩ ndode na lo tɛ e. Lo pa nga ya, ĩ ndosepara bangɔ e fani mɛ ndɛ̃, nga ma se mɛ e ndosepara nga bangɔ ĩ.

1 Tɛsalɔnikɛ 3:6 Iomraidhean Croise

Awa Pangɔ Kwa 16:1

Polo asi ndo ka kɔdɔrɔ mɛ ili ni la Dɛrbɛ. So pɛni, lo lo ndo ko, lo gwe ka kɔdɔrɔ mɛ ndɛ̃ mɛ ili ni la Listrɛ. Lo ĩ si kai ko, lo tã kɔli kɔi mɛ aye lo tɛ Yezo, ili kɔli ni la Timɔte. Ta Timɔte mɛ wa dúngɔ Timɔte ndo wa Yuda mɛ aye lo tɛ Yezo. Ko to Timɔte tɛ lo ndo zo ti sese ti Grɛsɛ.

Awa Pangɔ Kwa 18:1

So pɛni, Polo alo so Atɛnɛ, agwe ka Kɔrinto.

Awa Pangɔ Kwa 18:5

Ngoi mɛ ndo Silasi na Timɔte ĩ lo ka Masedoanɛ ĩ ga, ĩ tã Polo ko, Polo amu ngoi tɛ lo zu so hangɔ azi na tɛnɛ tɛ Yezo, ko lo ndopa nga ndo hɛ̃ Ayuda ya, Yezo lo Mɛsia biani.

1 Kɔrinto 11:2

Mbi gonda ĩ, na lo ko la ĩ ndoda bɛ ĩ na mbi ngoi zu, nga na lo ko la ĩ ndoli ye mɛ ndo mbi ha na ĩ.

1 Kɔrinto 13:13

Na olo ko, ye ota mɛ na ngbãngɔ kaka lo mɛ: yengɔ lo tɛ Nzapa, lɛndɛrɛngɔ lo, nga na yengbingɔ. Wa na popo ti aye olo ota ko, ye mɛ aɔ afɔ̃ lo zu la: yengbingɔ.

Galatia 5:6

Ta sanga ma, se zo ana Yezo Kristo ati bo kɔi, abɛ afa zo ni ko ganza, abɛ zo ni ko adu wa popo ko, ta ali ye ma. Kanda ye mɛ ngbondoni la, ale zo aye lo tɛ Yezo Kristo, wadila lo ye afɔ̃ lo.

Filipɛ 1:8

Se mbi pa ya, mbi ye ĩ zu ko, Nzapa ahĩnga ya, adu bɛta tɛnɛ. Ko mbi ndoye ĩ nga ma se mɛ Yezo Kristo ndoye na ĩ.

Kɔlɔsɛ 1:4

Ta sanga ma, e ma pa ti yengɔ mɛ ĩ ye na lo tɛ Yezo Kristo, nga na pa ti yengɔ mɛ ĩ ye na azi tɛ Nzapa zu,

Kɔlɔsɛ 4:18

Mbi bala ĩ. Na ndo olo ti balangɔ ĩ ko, mbi Polo la mbi su tɛnɛ ni na ti mbi nvɛni. Ale ĩ da bɛ ĩ na mbi ge ya bɔlɔkɔ. Nzapa ali bɛ nzɔ̃ bɛ hɛ̃ ĩ ma ke!

1 Tɛsalɔnikɛ 1:3

Ngoi mɛ e ndosambela To e Nzapa ko, e ndoda bɛ e ngoi zu na se mɛ ĩ ndoli na kwa, na lo mɛ ya, ĩ ye lo tɛ lo. E ndoda bɛ e na se mɛ ĩ ndoli na kpengba kwa hɛ̃ lo, ta sanga ma, bɛ ĩ aye lo. E ndoda nga bɛ e na se mɛ ĩ ndolɛndɛrɛ na Gbia tɛ e Yezo Kristo kpengbani.

1 Tɛsalɔnikɛ 2:17

Aya bua, na olo ko, mbi na tɛnɛngɔ tɛnɛ na lo tɛ e. Na pɛ nyi ngoi mɛ ndo e kangbi na ni ko, e na kota gwɛ̃ ti diringɔ bangɔ ĩ. E kangbi ndo bo tɛrɛ e, kanda bɛ e adɛ ndo ĩ. Nda mɛ e ndoli kpengbani ya, e diri e nɔ e ba ĩ la.

1 Tɛsalɔnikɛ 2:9

Aya bua, e da be e ya, ta bɛ ĩ ali na se mɛ ndo e li na kpengba kwa ma. Ta bɛ ĩ ali nga na kota nzɛ̃ngɔ mɛ ndo e nzɛ̃ ma. Ngoi mɛ ndo e ndopa Nzɔ̃ Pa tɛ Nzapa hɛ̃ ĩ ko, e ndoli ndo kwa bi na lá ya, ta e yɔ ye ti ĩ ma.

1 Tɛsalɔnikɛ 3:7

Aya bua, e ndohũ ndo pɛnɔ sĩ. Kanda ngoi mɛ Timɔte ĩ lo ka tɛ ĩ ĩ diri, lo ĩ pa nga pa tɛ ĩ hɛ̃ e ko, nguru ti gbɔ̃ e. Lo yengɔ tɛ ĩ la asa nguru bɛ e,

2 Tɛsalɔnikɛ 1:3

Aya bua, ale e ndohɛ̃ sia kɔli hɛ̃ Nzapa ngoi zu na lo tɛ ĩ. Adu nzɔ̃ni ya, e li so, ta sanga ma, ĩ ndoye lo tɛ Yezo Kristo aɔ ndo ti uzu, ko yengbingɔ tɛ ĩ andomai bo maingɔ.

1 Timɔte 1:5

Mbi pa hɛ̃ mɔ ya, mɔ gbanzi la, wadila ala ye afɔ̃ la. Ti nɛngɔ ya, ala ye afɔ̃ la ko, ale bɛ la adu vuruni, ale ala li ye mɛ ala hĩnga ya adu nzɔ̃ni, ale ala ye nga lo tɛ Nzapa na bɛ la kɔi.

2 Timɔte 1:3

Mbi ndohɛ̃ sia kɔli hɛ̃ Nzapa mɛ mbi ndoli kwa hɛ̃ lo na vuru bɛ, nga ma se ko ndo akotara mbi ali nga na kwa hɛ̃ lo. Ngoi zu mɛ mbi ndovɔrɔ Nzapa ko, mbi ndoda bɛ mbi na mɔ bi na lá.

Filemɔ 1:5

Ta sanga ma, mbi ma azi ndopa ya, mɔ ndoye azi tɛ Nzapa zu, mɔ ndoye nga lo tɛ Gbia Yezo, na bɛ mɔ kɔi.

Aebreo 13:3

Ale ĩ ndoda bɛ ĩ na azi mɛ ka ya bɔlɔkɔ, ma bere ĩ na la ka ya bɔlɔkɔ. Ale ĩ ndoda nga bɛ ĩ na azi mɛ andogia la, ma bere abombi ĩ na la la andogia ĩ.

Aebreo 13:7

Angbina azi tɛ ĩ mɛ ndo awa batangɔ azi ti Eklezia ko, ta bɛ ĩ ali na la ma, ala ndo la apa hɛ̃ ĩ tɛnɛ tɛ Nzapa. Ale ĩ da bɛ ĩ na sé du tɛ la, nga na se kwa mɛ ndo ala kpili. Ale ĩ ye lo tɛ Nzapa na bɛ ĩ kɔi nga ma se tɛ la.

1 Yoanɛ 3:23

Ĩ ba ndia mɛ lo lu hɛ̃ e lo mɛ: ale e ye lo tɛ Nyi lo Yezo Kristo, ko e yengbi nga ma se mɛ ndo Kristo apa na ni hɛ̃ e.