1 Tɛsalɔnikɛ 3:5 - Fana Ngbangɔ 1987

⁵ Mbi ha gbengɔ bɛ mbi gba, la mbi to Timɔte ka tɛ ĩ ya, lo ba bere ĩ dɛ bo na yengɔ lo tɛ Yezo Kristo kpɔ! Mbi ndokpe ndo ya, bere Satana ka ahanda ĩ, ko kwa tɛ e ka ati gɛgɛrɛ.

1 Tɛsalɔnikɛ 3:5 Iomraidhean Croise

Matie 4:3

Satana anɔ ka tɔ̃nda lo, apa hɛ̃ lo ya: “Se mɔ du Nyi Nzapa ko, pa hɛ̃ atɛ̃nɛ olo agbinyangbi ati tɛ, mɔ tɛ.”

Awa Pangɔ Kwa 15:36

Ĩ la so pɛni yakere ko, Polo apa hɛ̃ Barnabasi ya: “É diri na ya kɔdɔrɔ kɔi kɔi mɛ ndo e pa na tɛnɛ tɛ Gbia da, é ba awa Kristo, é ba nga se mɛ ala ndoli na kwa tɛ la.”

1 Kɔrinto 7:5

Ko ale ta kɔli na ya lo akɛ̃ngbi na tange ma. Kanda se ala mangbi ya, ani kɛ̃ngbi na pɛ nyi ngoi so sambelangɔ Nzapa, wadila ala kɛ̃ngbi na tange. Wa so pɛni ko, ale ala diri abombi na tange, so Satana ahanda la, ala ha gbengɔ bɛ la na lo gwɛ̃ ti tɛrɛ la gba, ko ala ti kɔmbɛ.

2 Kɔrinto 2:11

Mbi ka lɛ mbi ndo ni, so Satana alua lege anwɔ e. Ta sanga ma, ti biani ko, e hĩnga ye mɛ Satana ndosepara lingɔ na e.

2 Kɔrinto 6:1

Ko e mɛ e ndoli kwa ndoni kɔi na Nzapa ko, e gbɔ̃ gɛrɛ ĩ ya, ta ĩ zia nzɔ̃ bɛ mɛ ndo Nzapa ali hɛ̃ ĩ ati gɛgɛrɛ ma.

Galatia 2:2

Mbi nɔ ndo ka Yeruzalɛmɛ, na lo mɛ ya, Nzapa apa ndo hɛ̃ mbi ya, mbi nɔ kai. Ngoi mɛ mbi si kai ko, bo mbi na awa batangɔ azi ti Eklezia ndo la e gbe lingo. Na ngoi ti lingo ni ko, mbi kambisa ndo hɛ̃ la Nzɔ̃ Pa mɛ mbi ndopa hɛ̃ azi mɛ ta Ayuda ma. Ta mbi ye ndo ya, kwa mɛ ndo mbi li, bere omɛ mbi ndoli ati gɛgɛrɛ ma.

Galatia 4:11

Ye mɛ mbɛtɔ ni ndogbɔ̃ mbi la, ale ta kwa mɛ ndo mbi li ka tɛ ĩ agwe gɛgɛrɛ ma.

Efɛzɛ 4:14

Wa se mɛ gbanda ta e ti e du nga ma ayangambi ma la. Ta e ti e yu gbanda ndo na lo ti nvɛnɛ mɛ awa poroso ndohanda na azi ya, ala yu ndo ma. Ta e ye gbanda ya, ye mɛ ala ndoha ayuru e, nga ma se mɛ ngu na yá ndoyuru na ngɔ yenge yenge ma.

Filipɛ 2:16

Ko ale du tɛ ĩ adu nga so, wa ĩ pa hɛ̃ la tɛnɛ mɛ ndohɛ̃ azi bɛta du. Se ĩ li nga so, wa ada gbanda na la ko Yezo Kristo adiri aga ko, mbi saba gbɛlɛ lo kela kela na lo tɛ ĩ. Ta sanga ma, ye ko ĩ li ko, afa ya, ta kpengba kwa mɛ ndo mbi li adu gɛgɛrɛ ma.

Filipɛ 2:19

Mbi ndolɛnderɛ ya, se Gbia Yezo aye, na pɛ nyi ngoi ko, mbi to Timɔte ka tɛ ĩ. Wa se lo diri lo ga, lo pa pa tɛ ĩ hɛ̃ mbi, wadila nguru agbɔ̃ mbi nvɛni.

1 Tɛsalɔnikɛ 2:1

Aya bua, ĩ nvɛni ĩ hĩnga nzɔ̃ni ya, ta e nɔ ndo ka tɛ ĩ sanga ma.

1 Tɛsalɔnikɛ 3:6

Kanda na olo ko, Timɔte alo ka tɛ ĩ adiri ge tɛ e, ko lo pa anzɔ̃ pa tɛ ĩ hɛ̃ e ya, ĩ dɛ bo na yengɔ lo tɛ Yezo Kristo kpɔ, ko ĩ ndoyengbi nga. Lo pa nga ya, ĩ ndoda bɛ ĩ na e ngoi zu, ko bɛ ĩ ndode na lo tɛ e. Lo pa nga ya, ĩ ndosepara bangɔ e fani mɛ ndɛ̃, nga ma se mɛ e ndosepara nga bangɔ ĩ.