1 Tɛsalɔnikɛ 3:3 - Fana Ngbangɔ 1987

³ wadila ta zo kɔi na popo tɛ ĩ adɔ lege tɛ Gbia Yezo azia, na lo ti apɛnɔ mɛ ĩ ndohũ ma. Ta sanga ma, ĩ nvɛni ĩ hĩnga ya, Nzapa apia ndo apa ya, ale e awa Kristo e hũ gi tɛrɛ apɛnɔ ko.

1 Tɛsalɔnikɛ 3:3 Iomraidhean Croise

Luka 21:12

“Kanda uzu ti aye ko zu singɔ ko, agbɔ̃nɔ ĩ gbanda, ahɛ̃ ĩ pɛnɔ, anɔ na ĩ ka ya da sambela ya, afa ngbanga tɛ ĩ, asa nga ĩ bɔlɔkɔ. Anɔ na ĩ gbanda na lo tɛ mbi ka gbɛlɛ agbia, asi nga na ĩ gbanda ka gbɛlɛ akɛtɛ agbia ti sese olo.

Yoanɛ 16:2

Azi atoma gbanda ĩ ka ya da sambela, asa gegi. Mbanga lá kɔi gbanda ko, azi aho gbanda ambanga azi na popo tɛ ĩ, ko ala da bɛ la gbanda ya, oko ani ho la ko, ani li kwa hɛ̃ Nzapa.

Yoanɛ 16:33

Mbi pa tɛnɛ olo kwe zu hɛ̃ ĩ ya, ĩ ma, ko ĩ du nga ndoni kɔi na mbi, wadila bɛ ĩ adu pii. Ĩ na hũngɔ penɔ ge lɛ sese. Kanda ale ĩ gbe bɛ ĩ! Ĩ hĩnga ya, mbi nwɔ asiɔ ye ti lɛ sese wɛ.”

Awa Pangɔ Kwa 14:22

Ala sa ndo nguru bɛ awa Kristo, awa la ya, ala kpã bɛ la ngoi zu ndo Yezo. Polo na Barnabasi apa ndo hɛ̃ la ya: “Ale e hũ pɛnɔ sĩ, wa e si ka Kɔdɔrɔ Gbia tɛ Nzapa.”

Awa Pangɔ Kwa 2:25

Davidi apa ndo tɛnɛ na lo tɛ Yezo ya: ‘Mbi ndohũ ndo Gbia so gbɛlɛ mbi ngoi zu, Lo na ndo kɔti ti mbi, Na lo ni ko, ta tɛrɛ mbi ndodɔ ma.

Awa Pangɔ Kwa 21:11

lo tã e. Lo hã gba ti gu ya Polo, lo gbe na gɛrɛ lo nvɛni, nga na ti lo nvɛni, ko lo pa ya: “Ĩ ma tɛnɛ mɛ Tɔrɔ Santo atɛnɛ lo mɛ: Ĩ ba se mɛ Ayuda na gbengɔ na nvɛ̃ gba olo ka Yeruzalɛmɛ la. So pɛni, ala na kangɔ lo hɛ̃ awa ndɛ̃.”

Awa Pangɔ Kwa 21:13

La Polo agbinya hɛ̃ e ya: “Nda to mɛ ĩ ndoto nɛ? Nda mɛ ĩ separa sangɔ mi bɛ mbi nɛ? Bɛ se agbɔ̃ mbi, aho mbi ka Yeruzalɛmɛ na lo tɛ Gbia Yezo ko, mbi ye.”

Awa Pangɔ Kwa 9:16

Mbi nvɛni na fangɔ lo na se mɛ lo na hũngɔ na pɛnɔ na lo tɛ mbi.”

Roma 5:3

Ta e ndosaba bo na lo ni ma, kanda abɛ nga na ya apɛnɔ mɛ e ndohũ ko, e ndosaba, ta sanga ma, e hĩnga ya, pɛnɔ ndokpengba na bɛ e.

1 Kɔrinto 15:58

Aya bua ti kpɔ̃ bɛ mbi, na lo ni ko, ĩ du na nguru, ko ta ĩ diri gesi ma. Ĩ li kwa tɛ Gbia na gonvɛnɛ aɔ ti uzu, ta sanga ma, ĩ hĩnga ya, kwa mɛ ĩ ndoli hɛ̃ Gbia Yezo Kristo ko, ta kwa ni ati gbanda gɛgɛrɛ ma.

1 Kɔrinto 4:9

Ta sanga ma, mbi da bɛ mbi ya, Nzapa akpã e awa pangɔ kwa tɛ lo na ndangba tɛ azi zu. E du nga ma azi mɛ afa ngbanga abi li la, la anɔ na la so kpɔngɔ la na gbɛlɛ azi zu. Ko azi zu na aangelo ndoba e.

Efɛzɛ 3:13

La mbi gbɔ̃ gɛrɛ ĩ ya, ta ĩ nzɛ̃ na lo ti pɛnɔ mɛ mbi ndohũ so ĩ ma. Ta sanga ma, se zo ahũ pɛnɔ so ĩ ko, adu kota ndima na lo tɛ ĩ.

Filipɛ 1:28

Ta mbɛtɔ tɛ awa kɛ̃ngɔ ĩ agbɔ̃ ĩ bɛ gbɔ ma. Se ta mbɛtɔ tɛ la agbɔ̃ ĩ ma ko, ala hĩnga ya, Nzapa afa ngbanga abi li ani wɛ la. Kanda tɛ ĩ ko, ĩ hĩnga ya, ĩ mu lege ti songɔ kwá, ko Nzapa la afa lege ni na nguru tɛ lo.

Kɔlɔsɛ 1:23

Ko ale ĩ ngbã bo na yengɔ lo tɛ Yezo Kristo, ko ĩ ngbã na ni ka ka ka, ta ĩ zia ma. Ale ĩ lɛndɛrɛ bo tɛnɛ ti Nzɔ̃ Pa mɛ ndo ĩ ma. Nzɔ̃ Pa ni la apa hɛ̃ azi zu mɛ ge lɛ sese, ko nga bo Nzɔ̃ Pa ni la mbi Polo mbi ti wa pangɔ ni.

1 Tɛsalɔnikɛ 5:9

Ta Nzapa asara ndo e akpã ya, ni li ngɔnzɔ hɛ̃ e ma, kanda lo sara ndo e ya, Gbia tɛ e Yezo aso e.

2 Tɛsalɔnikɛ 1:4

Na lo ni la, ngoi mɛ e ndodu na popo tɛ azi ti Eklezia tɛ Nzapa ko, e ndotɛnɛ tɛnɛ tɛ ĩ na dengɔ bɛ. Ta sanga ma, na ya apɛnɔ zu mɛ azi ndohɛ̃ ĩ, nga na ya giangɔ bɛ zu mɛ azi ndogia na ĩ ko, ĩ ndogbe bo bɛ ĩ, ko ĩ ndongbã bo na yengɔ lo tɛ Yezo Kristo.

2 Timɔte 1:8

Wa ale ta kamɛnɛ agbɔ̃ mɔ na ngoi mɛ mɔ ndopa lo tɛ Gbia tɛ e Yezo ma, ta kamɛnɛ agbɔ̃ nga mɔ na lo tɛ mbi mɛ mbi li bɔlɔkɔ na lo tɛ lo ma. Kanda ale mɔ hũ pɛnɔ na lo ti Nzɔ̃ Pa nga ma mbi, ko mɔ gbe bɛ mɔ na nguru mɛ Nzapa ahɛ̃ mɔ.

1 Petro 2:21

Ta sanga ma, Nzapa aili ĩ ya, ĩ gbe bɛ ĩ na ya pɛnɔ, na lo mɛ ya, Yezo Kristo nvɛni ahũ ndo pɛnɔ so ĩ. Ko lo fa ndo ĩ na nzɔ̃ lɛ lo ya, ĩ hũ pɛnɔ nga ma ni.

Suma 2:10

Ta ĩ du na mbɛtɔ na lo pɛnɔ mɛ ĩ na hũngɔ ma. Wa í ma la: Satana na sangɔ ambanga azi na popo tɛ ĩ bɔlɔkɔ so tarangɔ bɛ ĩ, ĩ na hũngɔ pɛnɔ bi sui kɔi. Ko ĩ ye bo lo tɛ ni bɛ ĩ kɔi nga ka ĩ kpili. Ni hɛ̃ ĩ gbanda mbana gɛrɛ ĩ, mbana gɛrɛ ni adu du ti kaka.

Suma 2:13

ni hĩnga ndo mɛ ĩ ndodu da. Ĩ ndodu na ndo mɛ Satana ndole gbia da. Ĩ gbɔ̃ lo tɛ ni ka ka ka. Abɛ na ngoi ko ndo azi aho na Antipasi mɛ bɛta temwɛ tɛ ni, ka tɛ ĩ mɛ Satana ndodu da ko, ĩ gbɔ̃ ndo lo tɛ ni ka ka ka. Ta ĩ zia yengɔ lo tɛ ni ma.