1 Tɛsalɔnikɛ 3:12 - Fana Ngbangɔ 1987

¹² Gbia tɛ e Yezo Kristo ali bɛ ya, ĩ ti ĩ yengbi aɔ ti uzu, ko ĩ ye nga azi mɛ ndɛ̃ zu aɔ ndo ti uzu ma ke! Lo li bɛ nga ya, ĩ ye la, nga ma se mɛ e ndoye na ĩ ma ke!

1 Tɛsalɔnikɛ 3:12 Iomraidhean Croise

Matie 22:39

Wa ĩ ba ndia ti sɛ mɛ ngbondoni nga ma se ti kɔzoni lo mɛ: ‘Ale mɔ ye afɔ̃ mɔ nga ma se mɛ mɔ ndoye na tɛrɛ mɔ nvɛni.’

Matie 7:12

“Ye kwɛ zu mɛ ĩ ndoye ya, azi ali tɛrɛ ĩ ko, ĩ li nga bo gi tɛrɛ ye ni ko na tɛrɛ la, na lo mɛ ya, se mɛ ndia tɛ Mɔizɛ, nga na se mɛ buku tɛ awa pangɔ nyɔ Nzapa apa na ni la.”

Luka 17:5

Awa pangɔ kwa tɛ Gbia Yezo apa hɛ̃ lo ya: “Gbia, za e, ko e ti e ye lo tɛ Nzapa aɔ ti uzu.”

Roma 13:8

Ta ĩ du na sende tɛ zo kɔi ma, kanda sende mɛ ĩ lengbi ti dungɔ na ni bo la sende ti yengɔ afɔ̃ ĩ. Zo ko la aye afɔ̃ lo ko, afa ya, lo tɔndɔ nga andia tɛ Nzapa zu la.

2 Kɔrinto 9:10

Nzapa mɛ ndohɛ̃ azi ale tɛ ya ala kĩ, lo mɛ nga lo ndohɛ̃ la tɛ ya ala tɛ ko, lo na hɛ̃ngɔ ĩ aye zu mɛ ĩ na gwɛ̃ ni, lo nga na lingɔ ya, aye ni ko ati ma ya ma. Lo na lingɔ so ya, ĩ ka kaye ma ya ma hɛ̃ azi.

Galatia 5:22

Kanda tɛ Tɔrɔ Santo ko, lo ndoli ya, azi ayengbi, adu na dengɔ bɛ, adu na bɛ pii, adu na yɔngɔrɔ bɛ, ali nzɔ̃ ye na tɛrɛ afɔ̃ la, adu nga na nzɔ̃ bɛ, ali ye na seni,

Galatia 5:6

Ta sanga ma, se zo ana Yezo Kristo ati bo kɔi, abɛ afa zo ni ko ganza, abɛ zo ni ko adu wa popo ko, ta ali ye ma. Kanda ye mɛ ngbondoni la, ale zo aye lo tɛ Yezo Kristo, wadila lo ye afɔ̃ lo.

Filipɛ 1:9

Ĩ ma sambela mɛ mbi ndosambela na lo tɛ ĩ lo mɛ: mbi ndohũnda Nzapa ya, ale ĩ ti ndoyengbi aɔ ndo ti uzu. Se ĩ li nga so ko, ĩ hĩnga bɛta lo tɛ lo. Ko se ĩ hũ anzɔ̃ ye na asiɔ ye ko, ĩ hĩnga ni,

1 Tɛsalɔnikɛ 2:8

Wa so fangɔ ya, bɛ e aye ndo ĩ sĩ ko, ta e ye ndo bo pangɔ Nzɔ̃ Pa tɛ Nzapa hɛ̃ ĩ ma, kanda e ye ndo nga ya, e ka tɛrɛ e na lo tɛ ĩ. Ta sanga ma, ĩ ti ndo nga ma afɔ̃ e ti kpɔ̃ bɛ e!

1 Tɛsalɔnikɛ 4:1

Aya bua, e na kɔngɔ nda mbɛti tɛ e so mɛ: ndo uzu ko, e ha ĩ na se li ye mɛ ndode bɛ Nzapa, ko e hĩnga ya, ĩ ndodu nga so biani. Ko na olo ko, e gbɔ̃ gɛrɛ ĩ ka ka ka na ili Gbia Yezo ya, ĩ ti du nzɔ̃ni aɔ ndo ti uzu.

1 Tɛsalɔnikɛ 5:15

Ĩ du na kpengba le ya, se zo ali ĩ siɔni ko, ta ĩ gɛ̃ kula ni ma. Kanda ngoi zu ko, ĩ li kpengbani ya, ĩ li nzɔ̃ ye na popo tɛ ĩ, ĩ li nga ni tɛrɛ azi zu.

2 Tɛsalɔnikɛ 1:3

Aya bua, ale e ndohɛ̃ sia kɔli hɛ̃ Nzapa ngoi zu na lo tɛ ĩ. Adu nzɔ̃ni ya, e li so, ta sanga ma, ĩ ndoye lo tɛ Yezo Kristo aɔ ndo ti uzu, ko yengbingɔ tɛ ĩ andomai bo maingɔ.

Zaki 1:17

anzɔ̃ ye zu ndolo ka yayu, ka tɛ Nzapa, wa azu ge tise. Lo la lo li lá, na nzɛ̃, nga na atongolo. Nzapa ndongbã ngoi zu na se tɛrɛ lo, ta lo ndosana tɛrɛ lo ya, ni zia ĩ na ya mbingo ma.

2 Petro 1:7

Na ndo dungɔ du mɛ ndode bɛ Nzapa ko, ĩ yengbi, nga ma se tɛ zo na nyita lo, na ndo yengbingɔ tɛ ĩ ko, ĩ ye nga azi zu.

2 Petro 3:18

Kanda ale ĩ ngbã bo na maingɔ na ya lo yengɔ tɛ ĩ, wadila Gbia tɛ e Yezo Kristo mɛ Wa songɔ e andoli nzɔ̃ bɛ hɛ̃ ĩ, ko ĩ hĩnga nga lo nzɔ̃ni. É gonda Gbia tɛ e na olo, é gonda nga lo buru na buru zu! Seni la.