1 Tɛsalɔnikɛ 3:11 - Fana Ngbangɔ 1987

¹¹ To e Nzapa nvɛni, na Gbia tɛ e Yezo Kristo alɛkɛ bɛ lege hɛ̃ e, wa e nɔ e ba ĩ ma ke!

1 Tɛsalɔnikɛ 3:11 Iomraidhean Croise

Matie 6:14

“Biani, se ĩ ka lɛ ĩ ndo siɔ ye mɛ afɔ̃ ĩ ali tɛrɛ ĩ ko, To ĩ mɛ ka yayu aka nga lɛ lo ndo siɔ ye tɛ ĩ.

Matie 6:18

ya ta azi ahĩnga ya, mɔ kɛ̃ tɛngɔ ye ma. Ko bo To mɔ kɔi mɛ so ndo ko, lo mɛ ta andohũ lo ma ko, lo hĩnga ya, mɔ kɛ̃ tɛngɔ ye. Ko gbanda To mɔ mɛ ndohũ ye mɛ mɔ ndoli na gbɛ mbingo, ahɛ̃ mɔ mbana gɛrɛ mɔ.”

Matie 6:26

Ĩ ba ahũ ti lɛ ndozu hĩ. Ta ala ndolu tɛ ma, ta ala ndokɔ tɛ ma, ta ala ndobombi nga tɛ ka ya gɔ ma, ko To ĩ mɛ ka yayu ndokã la na tɛ! Singa na ahũ o singa na ĩ mɛ ĩ ɔ la ma!

Matie 6:32

Aye ni ko zu ko, adu apaganɔ la ndoli ni ngoi zu. Kanda tɛ ĩ ko, To ĩ mɛ ka yayu ahĩnga ya, ĩ na gwɛ̃ ti aye ni ko.

Matie 6:4

Li so ya, ye ko la mɔ hɛ̃ ko, angbã na gbɛ mbingo, ko gbanda To mɔ mɛ ndohũ ye mɛ mɔ ndoli na gbɛ mbingo, ahɛ̃ mɔ mbana gɛrɛ mɔ.”

Matie 6:6

Kanda na ngoi ko la mɔ ye tɛ mɔ sambelangɔ ko, ale bo mɔ kɔi mɔ li ka ya da tɛ mɔ ti langɔ, mɔ vĩ nyɔ ngise pɛ mɔ. Ko mɔ vɔrɔ To mɔ me so ndo ko, na ndo mɛ ta zo da ma. Wa gbanda To mɔ mɛ ndohũ ye mɛ mɔ ndoli na gbɛ mbingo, ahɛ̃ mɔ mbana gɛrɛ mɔ.

Marko 1:3

Wa kwa ni ndoto mbela ka bɛ ndo ya: ‘Ĩ lɛkɛ lege alo mbiri mbiri hɛ̃ Gbia oo!’ ”

Luka 12:30

Aye ni ko zu ko, adu apaganɔ ti lɛ sese olo la ndogi ni ngoi zu. Kanda tɛ ĩ ko, ĩ na To ĩ mɛ ahĩnga ya, ĩ na gwɛ̃ ti aye ni ko.

Luka 12:32

“Aya mbi, ta mbɛtɔ agbɔ̃ ĩ ma! Ta sanga ma, bɛ To ĩ Nzapa aye, la ĩ ti azi ti Kɔdɔrɔ Gbia tɛ lo.

Yoanɛ 20:17

Yezo apa hɛ̃ lo ya: “Zi ti mɔ tɛrɛ mbi, ta sanga ma, ta mbi dɛ mbi ma ka tɛ To mbi ma. Wa nɔ mɔ pa hɛ̃ ava mbi ya, mbi ma ka tɛ To mbi mɛ lo nga To ĩ, lo Nzapa tɛ mbi ko lo nga Nzapa tɛ ĩ.”

Roma 1:3

Nzɔ̃ Pa ni adu na lo tɛ Nyi lo Yezo Kristo mɛ Gbia tɛ e. Lo mu ndo tɛrɛ zo, lo ndo tara gbia Davidi.

Galatia 1:4

Kristo aka ndo tɛrɛ lo nvɛni ya, ni so e na ya asiɔ ye tɛ e, wadila ni tɔ̃ e na ya asiɔ ye ti lɛ sese olo. Lo li ndo so nga ma se mɛ bɛ To e Nzapa aye.

Kɔlɔsɛ 1:2

E to mbɛti ni hɛ̃ ĩ azi tɛ Nzapa mɛ ka kɔdɔrɔ ti Kɔlɔsɛ, ĩ mɛ nga ayata e awa Kristo mɛ ĩ ye lo tɛ Yezo na bɛ ĩ kɔi. E bala ĩ. To e Nzapa ali be nzɔ̃ bɛ hɛ̃ ĩ, ali bɛ nga ya, bɛ ĩ adu pii ma ke!

1 Tɛsalɔnikɛ 3:13

Lo na lingɔ so ya, ni kpengba na lo yengɔ tɛ ĩ, wa na ngoi mɛ gbanda Gbia tɛ e Yezo na azi tɛ lo zu adiri aga ko, bɛ ĩ ati vuruni, ko ta Nzapa abela nga ĩ na lo ye kɔi ma.

1 Tɛsalɔnikɛ 4:16

Na lá ni gbanda ko, azi ama gbanda Nzapa so ndohɛ̃ nyɔ mboro mboro hɛ̃ aangelo, azi ama gbanda legɔ̃ gbia tɛ aangelo, azi ama nga gbanda mbana tɛ Nzapa so ndokpale. So pɛni, Gbia nvɛni alo gbanda ka yayu azu. Azi mɛ ndo aye lo tɛ lo, la ala kpili ndo we ko, ala so gbanda kɔzoni.

1 Tɛsalɔnikɛ 5:23

Nzapa mɛ ndoli ya bɛ azi adu pii ko, ali bɛ ya, bɛ ĩ ati vuruni nga ma se tɛ lo ma ke! Lo bata bɛ du tɛ ĩ, na tɔrɔ tɛrɛ ĩ, na bɛ ĩ, nga na tɛrɛ ĩ zu ma ke! Lo li bɛ so ya, na ngoi mɛ gbanda Gbia tɛ e Yezo Kristo adiri aga ko, ta lo bela ĩ na lo ye kɔi ma ke!

2 Tɛsalɔnikɛ 2:16

E ndohũnda Gbia tɛ e Yezo Kristo nvɛni nga na To e Nzapa na lo tɛ ĩ. Nzapa ndoye e, ko na lo ti nzɔ̃ bɛ tɛ lo ko, lo ndosa nguru ti kaka bɛ e, lo ndoza nga e ya, e lɛndɛrɛ nzɔ̃ ye mɛ gbanda lo li hɛ̃ e. Ko e hũnda lo na Gbia tɛ e Yezo Kristo ya, ala sa bɛ nguru ka bɛ ĩ, ala hɛ̃ bɛ ĩ nguru ti lingɔ anzɔ̃ ye ngoi zu, nga na ti tɛnɛngɔ anzɔ̃ tɛnɛ ngoi zu ma ke!

2 Tɛsalɔnikɛ 3:16

Gbia Yezo nvɛni mɛ ndoli ya, bɛ azi adu pii ko, lo li bɛ ya, bɛ ĩ adu ngoi zu pii ma ke! Ko lo li bɛ nga ya, bɛ ĩ adu pii na se kɔdɛ zu ma ke! Gbia Yezo adu bɛ ndoni kɔi na ĩ zu ma ke!

2 Tɛsalɔnikɛ 3:5

Gbia Nzapa aza bɛ ĩ ya, ĩ hĩnga ya, lo ndoye e sĩ ma ke! Lo za bɛ nga ĩ ya, ĩ gbe be ĩ na ya apɛnɔ mɛ ĩ ndohũ, nga ma se mɛ ndo Yezo Kristo agbe na bɛ lo ma ke!

1 Yoanɛ 3:1

Ĩ da bɛ ĩ na se mɛ To e Nzapa aye na e! Lo ye e sĩ, ko lo ndoili e ya, e aya ni, ko biani, e aya lo. Ta azi ti lɛ sese ndohĩnga ya, e aya Nzapa ma, na lo mɛ ya, ta ala hĩnga lo ma.

Suma 21:3

Mbi ma legɔ̃ zo ka tɛrɛ ngɛndɛ gbia atɛnɛ tɛnɛ na kɔngɔ ya: “Na olo ko, Nzapa adu kɔdɔrɔ na popo tɛ azi! Lo na dungɔ ndoni kɔi na la, ala nga na dungɔ azi tɛ lo. Nzapa nvɛni na dungɔ ndoni kɔi na la, lo na dungɔ Nzapa tɛ la.