1 Tɛsalɔnikɛ 3:10 - Fana Ngbangɔ 1987

¹⁰ Bi na lá, e ndohũnda Nzapa na bɛ e kɔi ya, lo zi lege hɛ̃ e, e nvɛni e diri e nɔ e ba ĩ, ko e ha ĩ na ye mɛ ta ĩ dɛ ĩ hĩnga ma, wa lo yengɔ tɛ ĩ ati kpengbani buai.

1 Tɛsalɔnikɛ 3:10 Iomraidhean Croise

Luka 2:37

Kɔ lo akpi ti lo, ko lo la so pɛ kwá tɛ kɔ lo ngbĩi lo ti na buru sui miambe ndoni siɔ. Lo ndonɔ ndo lá kwɛ lá kwɛ ka ya kota da Nzapa. Ko lo ndovɔrɔ ndo Nzapa bi na lá, lo ndokɛ̃ ndo tɛ so vɔrɔngɔ Nzapa.

Awa Pangɔ Kwa 26:7

Ale tɛ azi tɛ e ti Izrayɛlɛ sui kɔi ndoni se ndokpã bɛ la ndo kapa ni ya, ati na Seni na ngoi mɛ ani dɛ lɛ ani ngɛ̃, ko ala ndoli kwa kpuru kpuru hɛ̃ Nzapa bi na lá. Ae gbia! Adu na lo ti bɛ mbi mɛ mbi ndokpã na ndo kapa ko la Ayuda avɔ̃ to tɛrɛ mbi!”

2 Kɔrinto 1:15

Mbi hĩnga alo ni ko zu nzɔ̃ni, ko na lo ni la mbi separa ndo ya, mbi ɔ ti ndo ĩ, wa mbi gwe ka sese ti Masedoanɛ. Na longɔ mbi kai diringɔ ko, mbi diri nga ti ndo ĩ, mbi ba ĩ. Adu nga ma mbi na zangɔ ĩ fani sɛ, ko ĩ lengbi nga ti zangɔ mbi na ye, ya mbi gwe na ni fɔnɔ tɛ mbi ka Yudea.

2 Kɔrinto 1:24

Ló mɛ ĩ ye lo ni ko, ta e ndogi ya, e gbɔ̃ ĩ gbɔ̃ngɔ, wa ĩ ye ló ni ma. Ta sanga ma, ĩ kpengba na ya lo yengɔ tɛ ĩ wɛ. Kanda e ye ya, e na ĩ e bombi, e li kwa ndoni kɔi, wadila ĩ lua dengɔ bɛ.

2 Kɔrinto 13:11

Aya bua, na olo ko, mbi zei ĩ! Ale ĩ li kpengbani ya, ĩ ti abɛta anzɔ̃ azi. Ale ĩ sa nguru bɛ afɔ̃ ĩ, ale nyɔ ĩ ase kɔi, ale ĩ du nga na mangbingɔ, wadila Nzapa adu ndoni kɔi na ĩ. Lo ndoye azi, lo ndoli ya, bɛ azi adu pii.

2 Kɔrinto 13:9

Ngoi mɛ se ĩ du kpengbani na lege tɛ Nzapa, ko e du tɛ e woni ko, e ndosaba. Ko na ya sambela tɛ e ko, e ndohũnda nga Nzapa ya, ĩ ti abɛta anzɔ̃ azi.

Filipɛ 1:25

Nga ma la adu nga so ko, mbi hĩnga ya, mbi na ngbãngɔ lɛ mbi ngɛ̃ biani. Mbi hĩnga nga ya, mbi na ĩ zu, e na ngbãngɔ ndoni kɔi ya, mbi za ĩ, wa ĩ ye lo tɛ Yezo Kristo aɔ ti uzu, ko bɛ ĩ ade nga.

Kɔlɔsɛ 1:28

Ko Yezo Kristo la e ndopa lo tɛ lo hɛ̃ azi. E ndotisa zo kɔi kɔi, e ndoha nga zo kɔi kɔi na ndara zu ya, zo zu ko la ana Yezo Kristo ati bo kɔi ko, zo ni ati nga ma zo mɛ Iɛ lo azi biani na lege tɛ Nzapa.

Kɔlɔsɛ 4:12

Epafrasi mɛ mbanga wa tɛ ĩ abala ĩ. Lo wa kwa tɛ Yezo Kristo, ta lo ndonzɛ̃ na sambelangɔ Nzapa kpengbani na lo tɛ ĩ ma. Lo ndosambela na lo tɛ ĩ ya, lɛ ĩ azi na lege tɛ Nzapa, ĩ ngbã na yengɔ lo tɛ Nzapa kpengbani, ko ĩ hĩnga nga lingɔ ye zu mɛ Nzapa ndoye.

1 Tɛsalɔnikɛ 3:11

To e Nzapa nvɛni, na Gbia tɛ e Yezo Kristo alɛkɛ bɛ lege hɛ̃ e, wa e nɔ e ba ĩ ma ke!

2 Tɛsalɔnikɛ 1:11

Ĩ ba nda mɛ e ndosambela Nzapa ngoi zu na lo tɛ ĩ la. E ndohũnda lo ya, lo li ya, ĩ ti azi mɛ ĩ lengbi ti dungɔ nzɔ̃ du mɛ ndo lo ili ĩ na lo ni. E ndohũnda nga lo ya, lo za ĩ na nguru tɛ lo, ko ĩ li anzɔ̃ kwa zu mɛ ĩ ye lingɔ ni, na lo mɛ ya, ĩ ye lo tɛ lo.

2 Timɔte 1:3

Mbi ndohɛ̃ sia kɔli hɛ̃ Nzapa mɛ mbi ndoli kwa hɛ̃ lo na vuru bɛ, nga ma se ko ndo akotara mbi ali nga na kwa hɛ̃ lo. Ngoi zu mɛ mbi ndovɔrɔ Nzapa ko, mbi ndoda bɛ mbi na mɔ bi na lá.

Filemɔ 1:22

Wa lɛkɛ nga hɛ̃ mbi ndo ti langɔ, ta sanga ma, mbi ndolɛndɛrɛ ya, Nzapa na mangɔ sambela tɛ ĩ, ko lo na zingɔ hɛ̃ mbi lege ya, mbi diri ka tɛ ĩ.

Suma 4:8

Sa kɔi kɔi na kpange ti lo mana, lɛ la amu tɛrɛ la zu, ka ya ni, nga ka koko ni. Bi na lá, ta ala ndonzɛ̃ na yengɔ bia ma. Bia mɛ ala ndoye lo mɛ: “Gbia Nzapa mɔ santo, mɔ bɛta santo, Mɔ lombe. Mɔ ndo da gã, mɔ da na olo, mɔ na gangɔ.”

Suma 7:15

Nda mɛ ala longa so gbɛlɛ ngɛndɛ gbia tɛ Nzapa, ndoli kwa hɛ̃ lo bi na lá, na ya da tɛ lo la. Zo mɛ adu so ndo ngɛndɛ gbia na batangɔ la.