1 Tɛsalɔnikɛ 3:1 - Fana Ngbangɔ 1987

^1-2 Ngoi mɛ ndo ta e ti ndoma pa tɛ ĩ ma ko, e ha gbengɔ bɛ e gba, la e to Timɔte nyita e wa Kristo ka tɛ ĩ. Ko na pɛ nyi ngoi ndo ko, e ngbã tɛ e na kunɛ e ge kɔdɔrɔ ti Atɛnɛ. Ĩ hĩnga ya, e na Timɔte e ndoli kwa tɛ Nzapa, e ndopa nga Nzɔ̃ Pa tɛ Yezo Kristo. E to ndo lo hɛ̃ ĩ ya, lo sa nguru bɛ ĩ, lo wa ĩ, ya ĩ ngbã na yengɔ lo tɛ Yezo Kristo,

1 Tɛsalɔnikɛ 3:1 Iomraidhean Croise

Awa Pangɔ Kwa 17:15

Ambanga awa Kristo mɛ ndo anɔ so sangɔ Polo ko, ala nɔ ndo ngbĩi, asi ka kɔdɔrɔ mɛ ili ni la Atɛnɛ. Na diringɔ tɛ la ka Berea ko, Polo ato la na kwa hɛ̃ Silasi na Timɔte ya, ala ga hiɔ atã ni ka Atɛnɛ.

Awa Pangɔ Kwa 17:16

Ngoi mɛ Polo ndoku Silasi na Timɔte ka Atɛnɛ ko, lo hũ angbilondo amu le kɔdɔrɔ kwɛ zu, ko ngɔnzɔ agbɔ̃ lo sĩ nvɛni.

2 Kɔrinto 2:13

Kanda bɛ mbi angbã ndo ngbũ nvɛni, na lo mɛ ya, kai ko, ta mbi tã ndo Tito mɛ nyita e wa Kristo ma. Nda mɛ ndo mbi zei azi ti Troasi, mbi zia la, mbi gwe ka sese ti Masedoanɛ la.

1 Tɛsalɔnikɛ 2:17

Aya bua, na olo ko, mbi na tɛnɛngɔ tɛnɛ na lo tɛ e. Na pɛ nyi ngoi mɛ ndo e kangbi na ni ko, e na kota gwɛ̃ ti diringɔ bangɔ ĩ. E kangbi ndo bo tɛrɛ e, kanda bɛ e adɛ ndo ĩ. Nda mɛ e ndoli kpengbani ya, e diri e nɔ e ba ĩ la.

1 Tɛsalɔnikɛ 3:5

Mbi ha gbengɔ bɛ mbi gba, la mbi to Timɔte ka tɛ ĩ ya, lo ba bere ĩ dɛ bo na yengɔ lo tɛ Yezo Kristo kpɔ! Mbi ndokpe ndo ya, bere Satana ka ahanda ĩ, ko kwa tɛ e ka ati gɛgɛrɛ.