1 Tɛsalɔnikɛ 2:9 - Fana Ngbangɔ 1987

⁹ Aya bua, e da be e ya, ta bɛ ĩ ali na se mɛ ndo e li na kpengba kwa ma. Ta bɛ ĩ ali nga na kota nzɛ̃ngɔ mɛ ndo e nzɛ̃ ma. Ngoi mɛ ndo e ndopa Nzɔ̃ Pa tɛ Nzapa hɛ̃ ĩ ko, e ndoli ndo kwa bi na lá ya, ta e yɔ ye ti ĩ ma.

1 Tɛsalɔnikɛ 2:9 Iomraidhean Croise

Luka 18:7

Azi mɛ Nzapa asara la akpa azi tɛ lo, ko bi na la, ala ndodɛrɛ kɔngɔ hɛ̃ lo ko, lo fa gbanda ngbanga tɛ la. Ta lo ndanga nga gbanda tɛrɛ lo na zangɔ la ma.

Luka 2:37

Kɔ lo akpi ti lo, ko lo la so pɛ kwá tɛ kɔ lo ngbĩi lo ti na buru sui miambe ndoni siɔ. Lo ndonɔ ndo lá kwɛ lá kwɛ ka ya kota da Nzapa. Ko lo ndovɔrɔ ndo Nzapa bi na lá, lo ndokɛ̃ ndo tɛ so vɔrɔngɔ Nzapa.

Awa Pangɔ Kwa 18:3

angbã so ndo tɛ la, na lo mɛ ya, lo nɔ la ndoli kwa kɔi. Ala ndo awa lɛkɛngɔ bɔngɔ mɛ andowa na gofa ti tandi. Lo ngba ndo ka tɛ la, ko ala zu ndoli ndo kwa ndoni kɔi.

Awa Pangɔ Kwa 20:24

Ko mbi ndohũ tɛ mbi du tɛ mbi ge lɛ mbi gɛgɛre. Kɔtɛ lo mɛ ndosɔ bɛ mbi la, ale mbi nɔ na kwa tɛ mbi ngbĩi mbi kɔ nda ni, ko mbi onzi nga kwa mɛ ndo Gbia ahɛ̃ mbi. Kwa ni la, pangɔ Nzɔ̃ Pa ti nzɔ̃ bɛ tɛ Nzapa.

Awa Pangɔ Kwa 20:31

Ale ĩ bata tɛrɛ ĩ, ĩ hĩnga ya, buru ta mɛ ndo mbi li so popo tɛ ĩ ko, ta mbi ndonzɛ̃ ndo ma, mbi ndotisa ndo zo kɔi kɔi so popo tɛ ĩ bi na lá, na ngulɛ le mbi.

Roma 1:1

Mbi Polo, wa kwa tɛ Yezo Kristo la mbi to mbɛti olo hɛ̃ ĩ awa Kristo ti Roma. Nzapa aili mbi ya, mbi du wa pangɔ kwa tɛ ni, lo sara nga mbi lo kpa ya, mbi pa Nzɔ̃ Pa tɛ ni hɛ̃ azi.

Roma 15:16

ya mbi du wa kwa tɛ Yezo Kristo, ko mbi za nga azi mɛ ta Ayuda ma. Mbi hɛ̃ tɛrɛ mbi zu hɛ̃ Nzapa so hangɔ Nzɔ̃ Pa tɛ lo ya, azi mɛ ta Ayuda ma ati azi tɛ Nzapa na nguru tɛ Tɔrɔ Santo, ati nga ma ye mɛ alu na Nzapa, ko andode nga bɛ lo.

Roma 15:19

Lo li nga ni na lege ti akukuna ye, na lege ti aye ti kpɛnɛ mɛ ndo mbi li, nga na lo nguru tɛ Tɔrɔ Santo. Na lo ni la mbi pa Nzɔ̃ Pa tɛ Yezo Kristo na ndo kwe zu, ato ka Yeruzalɛmɛ ngbĩi asi ka sese ti Iliria.

1 Kɔrinto 4:12

E ndoli kwa na ti e kpengbani ya, e nvɛni e kã na tɛrɛ e. Ngoi mɛ se azi aguru e ko, e vɔrɔ Nzapa ya, lo sunu la. Ngoi mɛ se azi ahɛ̃ e pɛnɔ ko, e gbe bɛ e.

1 Kɔrinto 9:15

Ta mbi yɔ ndo ye kɔi ka ti ĩ ma, wa ta mbi to nga mbɛti olo hɛ̃ ĩ ya, ĩ to hɛ̃ mbi ye ma. Nzɔ̃ni ale mbi kpi, so mbi yɔ ye ka ti ĩ. Mbi na ndima, ta sanga ma, mbi ndoli kwa gɛgɛrɛ, ko ta zo alengbi ti gbɛ̃ngɔ ndima tɛ mbi ma!

1 Kɔrinto 9:18

Mbana gɛrɛ mbi la: dengɔ bɛ mɛ mbi na ni, na lo mɛ ya, Nzɔ̃ Pa mɛ mbi ndopa hɛ̃ azi ko, mbi ndopa ni gɛgɛrɛ. Ko nga ma la mbi wa pangɔ Nzɔ̃ Pa ko, mbi lengbi ti yɔngɔ ye ka ti azi, kanda ta mbi ndoyɔ ma.

1 Kɔrinto 9:4

Biani, mbi lengbi ti luangɔ tɛ ti tɛngɔ, nga na ye ti nyɔngɔ na lege ti kwa mɛ mbi ndoli.

2 Kɔrinto 11:27

Mbi li ndo akpengba kwa, mbi nzɛ̃ ndo nga. Fani sĩni ko, ta mbi ndola ndo langɔ na bi ma. Gwɛ̃ tɛ na gwɛ̃ ngu ndogbɔ̃ ndo mbi. Fani sĩni ko, mbi ndokɛ̃ ndo tengɔ ye. Mbi ndohũ ndo pɛnɔ ti de, ta mbi ndo nga na bɔngɔ ma.

2 Kɔrinto 11:9

Ngoi mɛ ndo mbi ka tɛ ĩ, mbi ndo nga na gwɛ̃ ti faranga ko, ta mbi yɔ ndo ye kɔi na ti ĩ ma! Ta sanga ma, ayata e awa Kristo mɛ ndo alo ka sese ti Masedoanɛ aga ko, ala hɛ̃ ndo mbi aye mɛ mbi na gwɛ̃ ni. Na ya alo zu ko, ta mbi yɔ ndo ye kɔi na ti ĩ ma, ko mbi ye bo ya, ta mbi yɔ ye na ti ĩ ma.

2 Kɔrinto 6:5

Asɔ̃nɔ e, asa e bɔlɔkɔ, atɔmbɔkɔ tɛrɛ e, e li kpengba kwa. Fani sĩni ko, ta e lua ngoi ti langɔ langɔ ma, ta e lua nga tɛ ti tɛngɔ ma.

Filipɛ 4:16

Ngoi mɛ ndo mbi ga ka kɔdɔrɔ ti Tɛsalɔnikɛ, ye mɛ ndo mbi na gwɛ̃ ni ko, ĩ to ndo ni hɛ̃ mbi fani sɛ.

1 Tɛsalɔnikɛ 1:3

Ngoi mɛ e ndosambela To e Nzapa ko, e ndoda bɛ e ngoi zu na se mɛ ĩ ndoli na kwa, na lo mɛ ya, ĩ ye lo tɛ lo. E ndoda bɛ e na se mɛ ĩ ndoli na kpengba kwa hɛ̃ lo, ta sanga ma, bɛ ĩ aye lo. E ndoda nga bɛ e na se mɛ ĩ ndolɛndɛrɛ na Gbia tɛ e Yezo Kristo kpengbani.

1 Tɛsalɔnikɛ 2:2

Ĩ hĩnga ya, uzu ti e singɔ ka tɛ ĩ ko, aguru ndo e, agia ndo nga e ka kɔdɔrɔ ti Filipɛ. Abɛ ambanga azi akɛ̃ ndo e ka ka ka ko, Nzapa ahɛ̃ ndo e nguru ya, e pa Nzɔ̃ Pa tɛ ni hɛ̃ ĩ.

1 Tɛsalɔnikɛ 2:6

Ta e tɛnɛ ndo tɛnɛ ya, ĩ gonda e, bere azi mɛ ndɛ̃ agonda e na lo ni ma.

1 Tɛsalɔnikɛ 3:10

Bi na lá, e ndohũnda Nzapa na bɛ e kɔi ya, lo zi lege hɛ̃ e, e nvɛni e diri e nɔ e ba ĩ, ko e ha ĩ na ye mɛ ta ĩ dɛ ĩ hĩnga ma, wa lo yengɔ tɛ ĩ ati kpengbani buai.

1 Timɔte 1:11

Bɛta lo ni alo na ya Nzɔ̃ Pa tɛ Nzapa mɛ na ndima, lo mɛ nga na dengɔ bɛ, ko Nzapa azia ni na yamba ti mbi ya mbi pa.

1 Timɔte 4:10

Ĩ ba nda mɛ e ndoli kwa kpengbani sĩ la. Ta sanga ma, e ndolɛndɛrɛ Nzapa mɛ lɛ lo ngɛ̃, lo mɛ Wa songɔ azi zu, lo mɛ lo ndoso mai bo awa yengɔ lo tɛ Yezo Kristo.

1 Timɔte 5:5

Wali mɛ we muã nvɛni, ko ta zo ti zangɔ lo da ma ko, lo ndolɛndɛrɛ Nzapa, ta lo ndonzɛ̃ na vɔrɔngɔ Nzapa, nga na hũndangɔ lo bi na lá ya, lo za ni ma.

2 Timɔte 1:3

Mbi ndohɛ̃ sia kɔli hɛ̃ Nzapa mɛ mbi ndoli kwa hɛ̃ lo na vuru bɛ, nga ma se ko ndo akotara mbi ali nga na kwa hɛ̃ lo. Ngoi zu mɛ mbi ndovɔrɔ Nzapa ko, mbi ndoda bɛ mbi na mɔ bi na lá.