1 Tɛsalɔnikɛ 2:8 - Fana Ngbangɔ 1987

⁸ Wa so fangɔ ya, bɛ e aye ndo ĩ sĩ ko, ta e ye ndo bo pangɔ Nzɔ̃ Pa tɛ Nzapa hɛ̃ ĩ ma, kanda e ye ndo nga ya, e ka tɛrɛ e na lo tɛ ĩ. Ta sanga ma, ĩ ti ndo nga ma afɔ̃ e ti kpɔ̃ bɛ e!

1 Tɛsalɔnikɛ 2:8 Iomraidhean Croise

Luka 7:2

Mbanga gbia tɛ aturugu ti Roma ndodu ndo ka Kapɛrnaumɛ, lo ndo na wa kwa tɛ lo kɔi mɛ lo ye lo ma wo ma. Tɛrɛ wa kwa ni ko ndosɔ ndo, ko lo ndoili ndo bɛ lo.

Roma 1:1

Mbi Polo, wa kwa tɛ Yezo Kristo la mbi to mbɛti olo hɛ̃ ĩ awa Kristo ti Roma. Nzapa aili mbi ya, mbi du wa pangɔ kwa tɛ ni, lo sara nga mbi lo kpa ya, mbi pa Nzɔ̃ Pa tɛ ni hɛ̃ azi.

Roma 10:1

Aya bua, lo mɛ mbi Ye na bɛ mbi kɔi, ko mbi ndohũnda nga Nzapa na lo ni hɛ̃ Ayuda lo mɛ: mbi separa ya lo so la.

Roma 15:29

Ko mbi hĩnga ya, ngoi mɛ gbanda mbi si ka tɛ ĩ ko, Yezo Kristo asunu gbanda ĩ sĩ.

2 Kɔrinto 12:15

Tɛ mbi ko, mbi na dungɔ na dengɔ bɛ sĩ ya, mbi ka aye tɛ mbi zu hɛ̃ ĩ gɛgɛrɛ, ko mbi ka nga tɛrɛ mbi nvɛni hɛ̃ ĩ na ndo ni, so zangɔ ĩ. Nga ma la mbi ye ĩ sĩ nvɛni ko, ta ĩ ye nga mbi sĩ ma?

2 Kɔrinto 6:1

Ko e mɛ e ndoli kwa ndoni kɔi na Nzapa ko, e gbɔ̃ gɛrɛ ĩ ya, ta ĩ zia nzɔ̃ bɛ mɛ ndo Nzapa ali hɛ̃ ĩ ati gɛgɛrɛ ma.

Galatia 4:19

Aya mbi, mbi ti ndohũ kpengba pɛnɔ na lo tɛ ĩ, nga ma wali mɛ gwa atɛ lo. Ko mbi na hũngɔ pɛnɔ ni, ngbĩi nga ka sé du tɛ ĩ ati nga ma tɛ Yezo Kristo.

Filipɛ 1:8

Se mbi pa ya, mbi ye ĩ zu ko, Nzapa ahĩnga ya, adu bɛta tɛnɛ. Ko mbi ndoye ĩ nga ma se mɛ Yezo Kristo ndoye na ĩ.

Filipɛ 2:17

Yengɔ lo tɛ Yezo Kristo mɛ ka bɛ ĩ adu nga ma ye mɛ ĩ lu na Nzapa. Bere se aho mbi ko, mɛnɛ tɛrɛ mbi mɛ na sangɔ, na dungɔ nga ma ye mɛ mbi lu na Nzapa na ndo ye mɛ ĩ lu nga na lo. Se adu so ko, bɛ mbi na dengɔ na lo ni, ko mbi nga na kpãngɔ ĩ na ya dengɔ bɛ tɛ mbi.

Filipɛ 2:20

Ge ko, zo mɛ ya, bɛ lo ada na ĩ, bere bɛ lo asɔ so ĩ ngĩi ko, ta zo ni dazu ma, wenge bo Timɔte kɔi.

Filipɛ 4:1

Aya bua ti kpɔ̃ bɛ mbi, wa ĩ ba se mɛ ale ĩ ndongbã bo na yengɔ lo tɛ Gbia la. Akwa mbi, mbi ndosepara ma ya ma ya, mbi diri mbi ga mbi ba ĩ. Ĩ ndohɛ̃ mbi dengɔ bɛ ma ya ma, ko na lo tɛ ĩ la mbi ndolɛndɛrɛ mbana gɛrɛ mɛ Nzapa na hɛ̃ngɔ mbi.

Kɔlɔsɛ 1:28

Ko Yezo Kristo la e ndopa lo tɛ lo hɛ̃ azi. E ndotisa zo kɔi kɔi, e ndoha nga zo kɔi kɔi na ndara zu ya, zo zu ko la ana Yezo Kristo ati bo kɔi ko, zo ni ati nga ma zo mɛ Iɛ lo azi biani na lege tɛ Nzapa.

Kɔlɔsɛ 1:7

Epafrasi ndo la aha ĩ na Nzɔ̃ Pa ni lo fɔ̃ e ti kpɔ̃ bɛ e, lo nga la e na lo e ndoli kwa tɛ Gbia. Lo ndoli kwa tɛ Yezo Kristo ka tɛ ĩ na se lɛ e na bɛ lo kɔi.

Kɔlɔsɛ 4:12

Epafrasi mɛ mbanga wa tɛ ĩ abala ĩ. Lo wa kwa tɛ Yezo Kristo, ta lo ndonzɛ̃ na sambelangɔ Nzapa kpengbani na lo tɛ ĩ ma. Lo ndosambela na lo tɛ ĩ ya, lɛ ĩ azi na lege tɛ Nzapa, ĩ ngbã na yengɔ lo tɛ Nzapa kpengbani, ko ĩ hĩnga nga lingɔ ye zu mɛ Nzapa ndoye.

Filemɔ 1:1

Mbi Polo mɛ abi mbi bɔlɔkɔ na lo tɛ Yezo Kristo, na Timɔte mɛ nyita e wa Kristo la e to mbɛti olo hɛ̃ mɔ Filemɔ. Mɔ kwa e, mɔ nga fɔ̃ e ti kwa mɛ e ndoli hɛ̃ Yezo. E bala mɔ.

Aebreo 13:17

Ale ĩ ma nyɔ azi tɛ ĩ mɛ awa batangɔ azi ti Eklezia, ĩ bi nga tɛrɛ ĩ hɛ̃ la. Ta sanga ma, ala ndobata ĩ, ko ala kambisa nga gbanda hɛ̃ Nzapa se mɛ ndo ala bata na ĩ. Se ĩ ma nyɔ la, wadila ala li kwa tɛ la na dengɔ bɛ. Ta so ma ko, ala li kwa ni na sɔngɔ bɛ, ko se ala li kwa na sɔngɔ bɛ ko, ta alengbi ti zangɔ ĩ bɛ yakere ma.

1 Yoanɛ 3:16

Yezo Kristo afa e na se mɛ e lengbi ti yengbingɔ na ni. Lo ga ndo, lo kpi so e. Nda mɛ ale e ye nga ya, e ka tɛrɛ e na lo tɛ ayata e awa Kristo la.