1 Tɛsalɔnikɛ 2:7 - Fana Ngbangɔ 1987

⁷ Ti mbiri mbiri ko, e lengbi ndo ti mungɔ tɛrɛ e ndo ĩ nga ma agbia, na lo mɛ ya, e awa pangɔ kwa tɛ Kristo. Kanda e ndo adede azi, nga ma se tɛ ta ayangambi.

1 Tɛsalɔnikɛ 2:7 Iomraidhean Croise

Awa Pangɔ Kwa 13:18

Ngoi mɛ ndo ala ka bɛ ndo, na pɛ buru sui siɔ ko, lo ndogbe ndo bɛ lo na lo tɛ la.

1 Kɔrinto 2:3

Ngoi mɛ ndo mbi ka tɛ ĩ ko, mbi wo ndo sĩ, mbɛtɔ ndogbɔ̃ ndo mbi, ko tɛrɛ mbi ndodɔ ndo nga za za za.

1 Kɔrinto 9:22

Ngoi mɛ mbi ndoli kwa na popo tɛ azi mɛ ta lo yengɔ lo tɛ Yezo ali bɛ la kpa ma ko, mbi ndodu nga ma se tɛ la. Mbi ndoli so ya, mbi ili la ngĩi hɛ̃ Gbia Yezo nvɛni. Bɛ se azi adu sia, ngoi mɛ mbi ndoli kwa na popo tɛ la ko, mbi ndodu nga ma se tɛ la. Mbi ndoli so ya, mbi ili ambanga na se kɔdɛ ndɛ̃ ndɛ̃ ndɛ̃ hɛ̃ Gbia Yezo, wadila Nzapa aso la.

2 Kɔrinto 10:1

Mbi Polo, mbi gbɔ̃ gɛrɛ ĩ na lo ye kɔi. Azi ndopa tɛnɛ na ili mbi ya, ngoi mɛ mbi e na ĩ, e du ndoni kɔi ko, mbi tɛnɛ tɛnɛ mɛ woni, wa ngoi mɛ mbi du yɔngɔrɔni na ĩ ko, mbi ti wa tɛnɛngɔ kpengba tɛnɛ hɛ̃ ĩ. Yezo Kristo adu dede zo, lo nga wa nzɔ̃ bɛ. Na lo ni ko, lo mɛ mbi gbɔ̃ gɛrɛ ĩ na lo ni lo mɛ:

2 Kɔrinto 13:4

Ti biani, ngoi mɛ ndo agɔngɔ lo ndo krusi ko, lo ndo woni. Kanda na olo ko, lo so, ko lo ndodu lɛ lo ngɛ̃ na nguru tɛ Nzapa. Wa tɛ e ko, e na lo e ti bo kɔi, ko e nga woni. Kanda e na lo e ndodu nga lɛ e ngɛ̃ ndoni kɔi. Ko kwa mɛ e na lingɔ ka popo tɛ ĩ ko, e na lingɔ ni na nguru tɛ Nzapa.

Galatia 4:19

Aya mbi, mbi ti ndohũ kpengba pɛnɔ na lo tɛ ĩ, nga ma wali mɛ gwa atɛ lo. Ko mbi na hũngɔ pɛnɔ ni, ngbĩi nga ka sé du tɛ ĩ ati nga ma tɛ Yezo Kristo.

1 Tɛsalɔnikɛ 2:11

Ĩ hĩnga ya, e li ndo ye tɛrɛ ĩ kɔi kɔi zu nga ma se mɛ to ayangambi ndoli na ye tɛrɛ aya lo.

Zaki 3:17

Ndara mɛ ndolo ka tɛ Nzapa ko, ta ndodu na siɔ ye kɔi ma. Zo ko la na gi tɛrɛ ndara ni ko, lo dede zo, lo nga na nzɔ̃ bɛ. Lo ndoma vundu tɛ azi sĩ, lo ndoli nga anzɔ̃ ye. Ta lo ndoye zo kɔi, ko lo dɔ atanga ni lo zia ma. Ta nyɔ lo sɛ sɛ ma.