1 Tɛsalɔnikɛ 2:5 - Fana Ngbangɔ 1987

⁵ Ĩ hĩnga nzɔ̃ni ya, ta e tɛnɛ ndo nzɔ̃ tɛnɛ fani kɔi ya, e kara na ĩ lɛkpɛ lɛkpɛ ma, ta e tɛnɛ ndo nga tɛnɛ kɔi ya, ĩ hɛ̃ e ye na lo ni ma. Nzapa nvɛni ahĩnga ya, tɛnɛ tɛ e adu na seni.

1 Tɛsalɔnikɛ 2:5 Iomraidhean Croise

Matie 22:16

So pɛni, ala to ambanga ava la, na ambanga ava Erodɛ ya, ala nɔ apa hɛ̃ Yezo ya: “Wa hangɔ lo tɛ Nzapa, e hĩnga ya, mɔ ndotɛnɛ bɛta tɛnɛ, ko mɔ ndoha nga bɛta lo na ndo sé du mɛ Nzapa ndoye. Ta mɔ ndokpɛ lɛ zo ma, ta sanga ma, ta mɔ ndoda bɛ mɔ na ndima mɛ zo na ni ma.

Matie 23:13

Yezo apa ya: “Siɔ lo ati na ĩ awa hangɔ ndia, ati nga na ĩ Afarizeo! Ĩ du awa poroso! Ta sanga ma, ĩ ndovĩ nyɔ gbágbá ti Kɔdɔrɔ Gbia tɛ Nzapa ya, ta azi ali kai ma. Ta ĩ nvɛni ĩ ndoli nga kai ma, ko ĩ ndogbanzi azi mɛ asepara lingɔ kai. [

Awa Pangɔ Kwa 20:33

Ta mbi ndo na gwɛ̃ ti faranga, bere na gwɛ̃ ti bɔngɔ tɛ zo ma.

Roma 1:9

Ko Nzapa ahĩnga ya, tɛnɛ mɛ mbi ndotɛnɛ ko, adu biani. Lo hĩnga ya, na ngoi zu mɛ mbi ndosambela ni ko, mbi ndoda bɛ mbi na ĩ. Mbi ndohũnda lo ya, se bɛ lo aye ko, lo hɛ̃ mbi lege ho lo mɛ, mbi m ka tɛ ĩ. Lo la Nzapa mɛ mbi ndoli kwa ti pangɔ Nzɔ̃ Pa tɛ Nyi lo na bɛ mbi kɔi.

Roma 16:18

ta sanga ma, ta gi tɛrɛ azi ni ko ndoli kwa hɛ̃ Gbia tɛ e Yezo Kristo ma, kanda ala ndoli ye mɛ ndode bɛ la nvɛni! Ala ndotɛnɛ anzɔ̃nzɔ̃ tɛnɛ, ala ndokara nga azi na tɛnɛ lɛkpɛ lɛkpɛ so handangɔ azi mɛ ta lɛ la azi ma.

Roma 9:1

Tɛnɛ mɛ mbi na tɛnɛngɔ hɛ̃ ĩ ko, adu beta tɛnɛ, na lo mɛ ya, mbi zo tɛ Kristo, ko ta tɛnɛ tɛ mbi adu nvɛnɛ ma. Kɔdɛ tɛ mbi mɛ Tɔrɔ Santo gbia ni ndofa nga na mbi ya, tɛnɛ ni adu beta tɛnɛ.

2 Kɔrinto 12:17

Na popo tɛ azi mɛ ndo mbi to la ka tɛ ĩ ko, mbi pa ndo hɛ̃ mbanga ya, lo handa ĩ, lo mu aye tɛ ĩ lo kã? Ipɔ!

2 Kɔrinto 2:17

Ambanga azi ma ya ma amu tɛnɛ tɛ Nzapa ndode na buze so luangɔ na faranga, ko ta e tɛ e nga ma la ma. Kanda e du awa pangɔ kwa tɛ Yezo Kristo, Nzapa la ato e, e ndopa nga tɛnɛ tɛ lo na bɛ e kɔi, ko lo ndohũ e.

2 Kɔrinto 4:2

Na ya kwa mɛ e ndoli ko, e kɛ̃ lingɔ aye ti kamɛnɛ nga na aye ti gbe mbingo. Ta e ndoli ye na poroso ma, ta e ndogbinya tɛnɛ tɛ Nzapa ati ndɛ̃ ma. Kanda e ndopa bɛta tɛnɛ tɛ Nzapa yango, ko lo ndohũ e. E ndoli so ya, azi zu ahĩnga ya, e abɛta azi.

2 Kɔrinto 7:2

Ale ĩ ndofa na e ya, ĩ ndoye e. Ta e li siɔ ye tɛrɛ zo kɔi ma, ta e gbɛ̃ ndo zo kɔi ma, ta e handa ndo nga zo kɔi, e mu ye tɛ lo ti lo ma.

Galatia 1:20

Tɛnɛ mɛ mbi su hɛ̃ ĩ ko, adu biani. Na lɛ Nzapa ko, mbi pa hɛ̃ ĩ ya, ta mbi pa nvɛnɛ ma.

1 Tɛsalɔnikɛ 2:10

Ĩ hĩnga ndo ye mɛ e li, ko Nzapa ahĩnga ndo nga ni. Ngoi mɛ ndo e dɛ ka popo tɛ ĩ ko, sé du tɛ e ndo nzɔ̃ni, nga bɛtani, ko ta azi abela ndo e ma.

1 Timɔte 3:3

Ale ta lo nyɔ kana agbɔ̃ lo ma, ale ta lo du wa gingɔ ló ma. Kanda ale lo du dede zo, zo mɛ ndomangbi na azi. Ale ta lo du zo mɛ bɛ lo kotani na ndo faranga ma.

1 Timɔte 3:8

Ale adiakrɛ adu azi ti ndima, azi mɛ ta nyɔ la se se ma. Ale ala du azi mɛ ta ndonyɔ kana sĩ ma, azi mɛ ta ndolua faranga na se lege mɛ siɔni ma.

Tito 1:7

Ta sanga ma, wa batangɔ Eklezia adu zo mɛ azia kwa tɛ Nzapa na yamba ti lo. Ko ale ta lo du zo mɛ ndoli ye mɛ alengbi ti belangɔ lo na lo ni ma. Ale ta lo du wa yakɛ ma, ta lo du wa ngɔnzɔ ma, ta lo du wa nyɔngɔ kana sĩ ma, ta lo du wa gingɔ ló ma, ta lo du nga zo mɛ ndolua faranga na lege mɛ siɔni ma.

1 Petro 5:2

azi tɛ Nzapa mɛ Nzapa azia la na yamba ti ĩ ko, ĩ́ bata la nzɔ̃ni, nga ma se mɛ wa batangɔ angasã ngbaga ndobata na angasã ngbaga tɛ lo. Ale ĩ bata la na nzɔ̃ bɛ nga ma se mɛ Nzapa aye, ta ĩ bata la na siɔ bɛ ma. Ta ĩ́ li kwa tɛ Nzapa so gwɛ̃ luangɔ faranga ma, kanda ale ĩ hɛ̃ tɛrɛ ĩ zu na ya kwa ni.

2 Petro 2:18

Ala ndoyakɛ tɛrɛ la na tɛnɛngɔ abuba tɛnɛ. Ala ndohanda azi mɛ alo ka popo tɛ apaganɔ asi bo lo mɛ, ko azi ni ko ndoli ye na se gwɛ̃ ti tɛrɛ la.

2 Petro 2:3

Awa hangɔ lo ti nvɛnɛ ni ko ndodu na gwɛ̃ ti luangɔ faranga, ko na lo ni ko, ala na karangɔ ló ya, ani tɛ faranga tɛ ĩ. Ko ato ndo gã, Nzapa mɛ wa fangɔ ngbanga tɛ la, wa kpɔngɔ la ko, ta lo ndola langɔ ma, lo ndoku bo kungɔ ya, ni sa la ka lifɛlo.

Yudɛ 1:11

Siɔ lo ati ndo na la, na lo mɛ ya, ala mu ndo lege tɛ Kaina. Ala ndohɛ̃ ndo tɛrɛ la ya, ani lua na faranga, nga ma se mɛ ndo Balamɛ ndoli na ni. Ala saba ndo tɛrɛ Nzapa, ko ala ndo nga ma Kore mɛ ndo asaba nga tɛrɛ Nzapa.