1 Tɛsalɔnikɛ 2:3 - Fana Ngbangɔ 1987

³ Ngoi mɛ ndo e ndopa hɛ̃ azi ya, ala ye lo tɛ Nzapa ko, ta tɛnɛ ti nvɛnɛ ndo la e ndopa, bere e ndo na siɔ dangɔ bɛ ma. Ta e ndogi ndo nga kɔdɛ ya, e handa zo kɔi ma.

1 Tɛsalɔnikɛ 2:3 Iomraidhean Croise

Awa Pangɔ Kwa 13:15

Ngoi mɛ ĩ kɔ nda dingɔ tɛnɛ ti ya buku ti ndia, nga na tɛnɛ ti ya buku mɛ ndo awa pangɔ nyɔ Nzapa asu ko, agbia ti ya da sambela ato kwa hɛ̃ Barnabasi na Polo ya: “Aya bua, se ĩ du na tɛnɛ ti tɛnɛngɔ hɛ̃ azi ya, ĩ sa nguru bɛ la ko, ĩ tɛnɛ na olo buai!”

Awa Pangɔ Kwa 4:36

Mbanga zo mɛ ndo aka ye tɛ lo la Yozɛfu. Lo ka yaka tɛ lo na ngere, lo mu faranga ni, lo hɛ̃ awa pangɔ kwa tɛ Yezo. Lo ndo mbanga zo mɛ na ale tɛ Levi. Adú ndo Yozɛfu ka ya zúa mɛ ili ni la Siprɛ. Awa pangɔ kwa tɛ Yezo ahɛ̃ ndo lo mbanga ili mɛ ndɛ̃ ya Barnabasi. (Nda ili ni ko ya: “Wa hɛ̃ngɔ nzɔ̃ wangɔ.”)

2 Kɔrinto 11:13

Ta ala du abɛta awa pangɔ kwa tɛ Yezo Kristo ma. Ala ndopa nvɛnɛ na lo ti kwa mɛ ala ndoli. Ala ndohanda azi ya, ani awa pangɔ kwa tɛ Yezo Kristo, kanda ta seni la ma.

2 Kɔrinto 2:17

Ambanga azi ma ya ma amu tɛnɛ tɛ Nzapa ndode na buze so luangɔ na faranga, ko ta e tɛ e nga ma la ma. Kanda e du awa pangɔ kwa tɛ Yezo Kristo, Nzapa la ato e, e ndopa nga tɛnɛ tɛ lo na bɛ e kɔi, ko lo ndohũ e.

2 Kɔrinto 4:2

Na ya kwa mɛ e ndoli ko, e kɛ̃ lingɔ aye ti kamɛnɛ nga na aye ti gbe mbingo. Ta e ndoli ye na poroso ma, ta e ndogbinya tɛnɛ tɛ Nzapa ati ndɛ̃ ma. Kanda e ndopa bɛta tɛnɛ tɛ Nzapa yango, ko lo ndohũ e. E ndoli so ya, azi zu ahĩnga ya, e abɛta azi.

2 Kɔrinto 4:5

Nzɔ Pa mɛ e ndopa ko, ta adu na lo tɛ e nvɛni ma, kanda adu na lo tɛ Yezo Kristo. E ndopa ya, lo la Gbia. Wa tɛ e ko, e du awa kwa tɛ ĩ, na lo mɛ ya, e ava Yezo.

2 Kɔrinto 6:8

Ambanga azi ndotɔndɔ e, ambanga mɛ ndɛ̃ ndosa kamɛnɛ lɛ e. Ambanga ndotɛnɛ tɛnɛ nzɔ̃ni na ili e, ko ambanga mɛ ndɛ ndotɛnɛ tɛnɛ siɔni na ili e. Azi ndomu e ka lɛ la nga ma e awa nvɛnɛ, kanda e ndopa bɛta tɛnɛ.

2 Kɔrinto 7:2

Ale ĩ ndofa na e ya, ĩ ndoye e. Ta e li siɔ ye tɛrɛ zo kɔi ma, ta e gbɛ̃ ndo zo kɔi ma, ta e handa ndo nga zo kɔi, e mu ye tɛ lo ti lo ma.

1 Tɛsalɔnikɛ 2:11

Ĩ hĩnga ya, e li ndo ye tɛrɛ ĩ kɔi kɔi zu nga ma se mɛ to ayangambi ndoli na ye tɛrɛ aya lo.

1 Tɛsalɔnikɛ 4:7

Ta sanga ma, ta Nzapa aili ndo e ya, e li siɔ ye ti kamɛnɛ ma, kanda lo ili ndo e ya, e du na vuru bɛ.

2 Tɛsalɔnikɛ 2:11

Nga ma la ala kɛ̃ Nzapa ko, Nzapa na lingɔ ya, dangɔ bɛ tɛ la adu yenge yenge, wa ala ye lo ti tɛnɛ ti nvɛnɛ.

2 Petro 1:16

E kambisa ndo hɛ̃ ĩ se mɛ Gbia tɛ e Yezo Kristo aga na ni, e kambisa nga lo ti nguru tɛ lo. Ko ta e mu ndo abuba tɛnɛ ti mbaye mɛ azi ndoko na kɔdɛ ti bɛ la, la e kambisa na ni hɛ̃ ĩ ma. E hũ ndo ndima tɛ lo na lɛ e nvɛni.