1 Tɛsalɔnikɛ 2:16 - Fana Ngbangɔ 1987

¹⁶ Ala ndogi kɔdɛ ti gbanzingɔ e ya, azi mɛ ta Ayuda ma ko, ta e pa tɛnɛ tɛ Nzapa hɛ̃ la ma, so Nzapa aso azi ni ko. La siɔ ye tɛ la ndobu gi bungɔ na ndo angbina siɔ ye mɛ ndo ala ya lingɔ ni gã. Ko Nzapa apia ndo ali ngɔnzɔ hɛ̃ la wɛ.

1 Tɛsalɔnikɛ 2:16 Iomraidhean Croise

Matie 12:45

Lo ĩ hũ so ko, lo nɔ, lo lɔ asiɔ tɔrɔ mɛ ndɛ̃ mbara mbara mɛ ala siɔni buai aɔ lo, lo ga na la, ko lo na la adunga ka ya tɛrɛ zo ni. Na lo ni ko, du tɛ zo ko ati gbɛ̃ aɔ ti uzu. Se tɛ asiɔ azi ti ngoi olo gbanda nga la.”

Matie 23:32

Wa se adu nga so ko, ale ĩ nɔ bo na kwa mɛ ndo akotara ĩ ato nda ni, ko ĩ kɔ nda ni!

Matie 24:14

Apa gbanda Nzɔ̃ Pa ti lo Lɛngɔ Gbia tɛ Nzapa na lɛ sese zu ya, azi zu ama tɛnɛ ni uzu, wadila sese awɛ.”

Matie 24:6

Ngoi mɛ gbanda ĩ ma pa ti to mɛ azi ndotiri so tɔ̃nda ĩ, bere pa ti to mɛ azi ndotiri ka yɔngɔrɔ ndo ko, ta ĩ du na mbɛtɔ ma. Ale alo ni ko asi, kanda ta nda sese awɛ gbanda bo na ngoi ni ko ma.

Matie 3:12

Zo ni agbɔ̃ lungu so ti lo, ya ni pɛ na le tɛ, wa sã ni agwe katɛ. Lo na bongɔ le tɛ ni ka ya gɔ tɛ lo, ko lo na zɔngɔ sã ni na wá mɛ ta ndomingɔ bɛ gbɔ ma.”

Marko 16:16

Zo ko aye lo ni, amu nga batisimɔ ko, Nzapa aso lo. Kanda zo ko akɛ̃ lo ni ko, Nzapa na fangɔ ngbanga binga li lo.

Awa Pangɔ Kwa 13:45

Ambanga Ayuda ĩ hũ azi ko hingo hingo ko, ala li sɔbɛrɛ hɛ̃ Polo na Barnabasi sĩ. Ala kɛ̃ tɛnɛ mɛ Polo atɛnɛ, ala guru lo.

Awa Pangɔ Kwa 13:50

Kanda Ayuda awa akota azi ti kɔdɔrɔ, na awe ti ndima mɛ ndovɔrɔ Nzapa, la ala zu ato nda hɛ̃ngɔ pɛnɔ hɛ̃ Polo na Barnabasi, atoma la so ya kɔdɔrɔ tɛ la.

Awa Pangɔ Kwa 14:19

Ayuda alo ka kɔdɔrɔ ti Ikɔniɔmɛ, na ti Antiɔsɛ mɛ ka sese ti Pizidia aga. Ala tɛnɛ tɛnɛ siɔni na ili Polo hɛ̃ azi, ko azi ayeka, la Ayuda aboroka Polo na tɛnɛ ya, ani ho lo. So pɛni, ala giɔ Polo kpururu so ya kɔdɔrɔ asi na ni, ta sanga ma, ala ndoda ndo bɛ la ya, lo kpi we.

Awa Pangɔ Kwa 14:2

Kanda Ayuda mɛ ndo akɛ̃ yengɔ lo tɛ Yezo, awa azi mɛ ta Ayuda ma, Ĩa ala du na siɔ dangɔ bɛ na ndo Polo na Barnabasi.

Awa Pangɔ Kwa 14:5

Ayuda na azi mɛ ta Ayuda ma, nga na agbia tɛ la alɛkɛ ndo tɛrɛ la ya, ani sɔ Polo na Barnabasi, ani boroka la na tɛ́nɛ, ko ani ho la.

Awa Pangɔ Kwa 17:13

Ko ngoi mɛ Ayuda mɛ ka Tɛsalɔnikɛ ĩ ma ya, Polo ndopa nga tɛnɛ tɛ Nzapa ka Berea ko, ala lo kai aga, ato nda tongbingɔ azi, sangɔ siɔ wangɔ be la ya, ala kɛ̃ Polo.

Awa Pangɔ Kwa 19:9

Ko ambanga azi ndoli ndo kpengba li, ala ndokɛ̃ ndo yengɔ lo tɛ Yezo, ala ndosamana nga ndo na lo ti lege tɛ Gbia Yezo na gbɛlɛ azi. Polo ĩ hũ so ko, lo dɔ la so ndo ko lo zia, lo mu awa Kristo, ala ɔ. Ko ngoi zu lo ndoha ndo azi na tɛnɛ tɛ Nzapa na ya da mɛ ili ni la da mbɛti tɛ Tiranusi.

Awa Pangɔ Kwa 21:21

Azi apa hɛ̃ la ya, mɔ ndoha na Ayuda zu mɛ ndodu ka popo tɛ azi mɛ ta Ayuda ma ya, ala zia tɔndɔngɔ ndia tɛ Mɔizɛ, ta ala fara aya la ganza ma, ta ala tɔndɔ nga sé du tɛ Ayuda ma.

Awa Pangɔ Kwa 23:12

Ĩ la bu ndã ĩ de ko, ambanga Ayuda agbe lingo, anyɔ ngɛ ya, ta ani tɛ ye kɔi ma, ta ani nyɔ nga ye ma, nga ka ani ho Polo hĩ wadila.

Awa Pangɔ Kwa 24:9

Ayuda ĩ ma so ko, ala yeka da, ala pa ya: “Seni la, seni la.”

Awa Pangɔ Kwa 25:2

Lo ĩ si kai ko, agbia tɛ awa lungɔ Nzapa na ye, na Ayuda mɛ akota azi ati vɔ̃ to tɛrɛ Polo. Ala hũnda Fɛstusi ya,

Awa Pangɔ Kwa 25:7

Polo ĩ ga ko, Ayuda mɛ ndo alo ka Yeruzalɛmɛ aga aka lo kɛrɛrɛ. Ala kara ndo ló ma wo ma, nga na akota tɛnɛ tɛrɛ lo. Ko ala ha ndo fangɔ yango ya, adu biani gba.

Awa Pangɔ Kwa 4:12

Bo Yezo kɔi la ndoso azi, ta sanga ma, na le sese zu ko, ta Nzapa ato hɛ̃ e zo mɛ ndɛ̃ ya, e so na lo tɛ lo ma.”

Awa Pangɔ Kwa 9:23

Ĩ la so pɛni yakere ko, Ayuda amangbi ya, ani gbɔ̃ Saulo, ani ho lo.

1 Kɔrinto 10:33

Ĩ li ye nga ma se tɛ mbi: mbi ndoli kpengbani ya, na ya ye zu ko, mbi li ye mɛ ndode bɛ azi zu. Ta mbi ndogi ya, mbi li ye mɛ nzɔ̃ni bo na lo tɛ mbi ma, kanda mbi ndogi ya, mbi li ye mɛ nzɔ̃ni na lo tɛ azi zu. Mbi ndoli so ya, Nzapa aso la.

Galatia 5:11

Aya bua, tɛ mbi ko, mbi ndopa tɛnɛ tɛ Nzapa, wa se adu ya, mbi ndonɛ nga ya, afa azi ganza ko, nda mɛ Ayuda ndokɛ̃ kia ahɛ̃ mbi pɛnɔ nɛ? Ko nda mɛ tɛnɛ mɛ mbi ndotɛnɛ na lo ti kwa mɛ ndo Kristo akpi ka ndo krusi, alengbi nga ti zɔngɔ bɛ la nɛ?

Efɛzɛ 3:13

La mbi gbɔ̃ gɛrɛ ĩ ya, ta ĩ nzɛ̃ na lo ti pɛnɔ mɛ mbi ndohũ so ĩ ma. Ta sanga ma, se zo ahũ pɛnɔ so ĩ ko, adu kota ndima na lo tɛ ĩ.

Efɛzɛ 3:8

Mbi ndangba tɛ azi tɛ Nzapa zu. Bɛ se mbi du ndangba tɛ la zu ko, lo hɛ̃ mbi lege ya, tɛnɛ ti ngbondo nwa mɛ alo ka yamba ti Yezo Kristo ko, mbi pa ni hɛ̃ azi mɛ ta Ayuda ma. Ko ta zo alengbi ti hĩngangɔ se mɛ nwa ni akɔnɔ na ni ma.

1 Tɛsalɔnikɛ 1:10

nga so masingɔ ya, Nyi lo Yezo mɛ ndo lo so lo na pɛ kwa, alo ka yayu aga. Ko Nyi lo ni aso e na ya siɔ ye, so Nzapa ali ngɔnzɔ hɛ̃ e na ngoi ti fangɔ ngbanga.

1 Timɔte 2:4

Andode bɛ lo, na lo mɛ ya, lo ye ya, ni so azi zu, ko ala hĩnga nga bɛta lo tɛ ni.

Aebreo 6:8

Wa se sã ti kĩ nga na asiɔ sã ako na sese ni ko, sese ni ati gɛgɛrɛ. Nzapa na zóngangɔ sese ni bo lo mɛ, ko lo nga na zɔngɔ ni na wá, ya ni gbɛ̃ ni.

Suma 22:11

Zo ko la wa lingɔ siɔ ye, ali bo siɔ ye tɛ lo! Zo ko la se li ye tɛ lo siɔni, lo du bo na se siɔ li ye tɛ lo ni! Zo ko la lo zo tɛ Nzapa, lo du bo zo tɛ Nzapa!