1 Tɛsalɔnikɛ 2:12 - Fana Ngbangɔ 1987

¹² E ndosa ndo nguru bɛ ĩ, e ndopa ndo nga hɛ̃ ĩ kpengbani ya, sé du tɛ ĩ adu nga ma se mɛ Nzapa ndoye. Lo la lo ndoili ĩ ya, ĩ si ka Kɔdɔrɔ Gbia tɛ ni, ko ĩ lua nga ndima kai.

1 Tɛsalɔnikɛ 2:12 Iomraidhean Croise

Roma 8:28

E hĩnga ya, Nzapa ndoli ya, ye zu ati nzɔ̃ni na lo tɛ azi mɛ lo ili la na se bɛ lo nvɛni, azi mɛ ndoye lo.

Roma 8:30

Azi mɛ Nzapa apia asara la akpã ko, Nzapa aili nga la ya, ala azi tɛ ni. Azi mɛ lo ili la ko, lo mu nga la ka le lo ya, ala abɛta azi. Azi mɛ lo mu la ya, ala abɛta azi ko, lo hɛ̃ nga la ndima ka tɛ lo.

1 Kɔrinto 1:9

Nzapa aili ndo ĩ ya, dangɔ bɛ tɛ ĩ na tɛ Nyi ni Yezo Kristo mɛ Gbia tɛ e ati bo kɔi. Ko ta lo ndoweza kapa mɛ lo ndoko ma.

2 Kɔrinto 4:6

Nzapa mɛ apa ya: “Ale ndo avuru na ya mbingo” ko, nga bo lo la lo li ya, ndo avuru ge ya bɛ e. Lo li so ya, ni fa e na ndima tɛ ni mɛ ndosũ ka yangba lɛ Yezo.

Galatia 5:16

Ĩ ma tɛnɛ mɛ mbi na ni so tenɛngɔ hɛ̃ ĩ lo mɛ: ale ĩ zia Tɔrɔ Santo afa ĩ na lege ti lingɔ ye. Ta ĩ li ye na se gwɛ̃ ti tɛrɛ ĩ ma.

Efɛzɛ 4:1

La mbi mɛ wa bɔlɔkɔ na lo ti kwa tɛ Gbia mɛ mbi ndoli, mbi gbɔ̃ gɛrɛ ĩ ya, ale se li ye tɛ ĩ adu nzɔ̃ni, nga ma se mɛ ndo Nzapa aye na ni na ngoi mɛ ndo lo ili na ĩ.

Efɛzɛ 5:2

Ale ĩ ndoye afɔ̃ ĩ, nga ma se mɛ Kristo aye na e, akpi nga na lo tɛ e. Lo ka ndo tɛre lo, nga ma sa mɛ aho alu na Nzapa, ko bɛ Nzapa ade ndo na lo tɛ lo sĩ.

Efɛzɛ 5:8

Ndo uzu ko, ĩ ndo na ya mbingo, kanda na olo ko, ĩ na ya vuru ndo, na lo mɛ ya, ĩ na Gbia ĩ ti bo kɔi. Na lo ni ko, ale ĩ li ya, du tɛ ĩ adu nga ma du tɛ azi mɛ na ya vuru ndo.

Filipɛ 1:27

Ye kɔi mɛ bo ngbondoni lo mɛ: ale sé du tɛ ĩ adu bo nga ma se mɛ Nzɔ̃ Pa tɛ Yezo Kristo apa na ni. Na lo ni ko, bɛ se mbi ga so bangɔ ĩ bere se ta mbi ga ma ko, mbi ye bo mangɔ ya, ĩ ngbã bo na yengɔ lo tɛ Yezo Kristo, ko bɛ ĩ adu kɔi, ko ĩ bombi nga tɛrɛ ĩ so lingɔ kwa, wadila Nzɔ̃ Pa tɛ lo agwe ngoi zu uzu uzu.

Kɔlɔsɛ 1:10

wa se mɛ ĩ du du mɛ Gbia Yezo aye, ko ĩ li nga ye zu mɛ ndode bɛ lo la. Ĩ na lingɔ anzɔ̃ ye ndɛ̃ ndɛ̃ ndɛ̃, ko ĩ nga na hĩngangɔ Nzapa ɔngɔ ti uzu.

Kɔlɔsɛ 2:6

Wa nga ma la ĩ ye ya, Yezo Kristo adu Gbia tɛ ĩ ko, ale du tɛ ĩ adu nga ma tɛ lo.

1 Tɛsalɔnikɛ 4:1

Aya bua, e na kɔngɔ nda mbɛti tɛ e so mɛ: ndo uzu ko, e ha ĩ na se li ye mɛ ndode bɛ Nzapa, ko e hĩnga ya, ĩ ndodu nga so biani. Ko na olo ko, e gbɔ̃ gɛrɛ ĩ ka ka ka na ili Gbia Yezo ya, ĩ ti du nzɔ̃ni aɔ ndo ti uzu.

1 Tɛsalɔnikɛ 4:12

Se ĩ li nga so ko, azi mɛ ta awa Kristo ma na tɔndɔngɔ ĩ, ko ta ĩ na yɔngɔ ye ka ti azi ma.

1 Tɛsalɔnikɛ 5:24

Nzapa mɛ ndoili ĩ ya, ĩ du azi tɛ ni ko, lo na lingɔ so biani, ta sanga ma, ta lo ndoweza ló ma.

2 Tɛsalɔnikɛ 1:10

Ala na tongɔ nda hũngɔ pɛnɔ ni na lá mɛ gbanda Gbia Yezo adiri aga na ni. Lo ga gbanda na lá ni ko ya, azi tɛ ni zu mɛ awa yengɔ lo tɛ ni agonda ni, atɔndɔ nga ni. Ĩ nga na tɔndɔngɔ lo, ta sanga ma, ĩ ye ndo tɛnɛ tɛ lo mɛ ndo e pa hɛ̃ ĩ.

2 Timɔte 1:9

Lo la lo so e, lo nga la lo ili e ya, e du azi tɛ ni. Ko ta lo so e, lo ili nga e na lo ti anzɔ̃ kwa mɛ e li ma, kanda lo li ndo so na se bɛ lo nvɛni, nga na nzɔ̃ bɛ tɛ lo. Uzu ti lo lingɔ sese ko, lo hɛ̃ ndo nyɔ lo ya, ni na lingɔ nzɔ̃ bɛ hɛ̃ e ti ndo Yezo Kristo.

1 Petro 2:9

Kanda tɛ ĩ ko, ĩ du ale mɛ Nzapa asara ĩ akpã na lo tɛ lo, ĩ du awa lungɔ Gbia Nzapa na ye, ĩ abɛta azi tɛ Nzapa. Nzapa aili ĩ ya, ĩ lo ka ya mbingo ĩ si, í du na ya vuru ndo mɛ ngbɛ̃. Lo sara ĩ lo kpã ya, ĩ pa lo ti akwa ti ndima tɛ ni hɛ̃ azi.

1 Petro 3:9

Se zo ali ĩ siɔni ko, ta ĩ́ li nga lo siɔni ma. Se zo aguru ĩ ko, ta ĩ́ guru nga lo ma. Kanda ale ĩ́ vɔrɔ Nzapa, ya Nzapa asunu zo ni ko. Ta sanga ma, ngoi mɛ ndo Nzapa aili ĩ ko, lo ko ndo kapa ya, ni na sunungɔ ĩ nvɛni.

1 Petro 5:10

Ĩ ndohũ pɛnɔ, kanda na pɛ ngoi yakere ko, Nzapa mɛ ndoli kota nzɔ̃ bɛ hɛ̃ e, lo nvɛni na lɛkɛngɔ ĩ, kpengbangɔ na bɛ ĩ, hɛ̃ngɔ ĩ nguru. Lo la lo ili ĩ ya, ĩ lua ndima ti kaka ka tɛ ni, na lo mɛ ya, ĩ na Kristo ĩ ti bo kɔi.

2 Petro 1:3

Yezo na nguru tɛ Nzapa, ko lo hɛ̃ e aye zu mɛ alengbi ti zangɔ e na ya du tɛ e ya, e li ye mɛ ndode bɛ Nzapa. Na lo ti nguru ni ko la e hĩnga Nzapa mɛ aili e ya, e du azi tɛ ni na lege ti aye ti ndima mɛ lo li, nga na lege ti nguru tɛ lo.

1 Yoanɛ 2:6

zo ko ndonɛ ya, ni ndodu ndoni kɔi na Nzapa ko, ale du tɛ lo adu nga ma du tɛ Yezo Kristo.

3 Yoanɛ 1:6

Awa Kristo mɛ ndo mɔ za la ko, ala ga agonda mɔ na gbɛlɛ azi ti Eklezia mɛ ge. Mbi gbɔ̃ gɛrɛ mɔ ya, mɔ za bo la nga ma se ko la Nzapa aye, ko ala gwe fɔnɔ tɛ la ngbĩi, akɔ nda ni.