1 Tɛsalɔnikɛ 2:11 - Fana Ngbangɔ 1987

¹¹ Ĩ hĩnga ya, e li ndo ye tɛrɛ ĩ kɔi kɔi zu nga ma se mɛ to ayangambi ndoli na ye tɛrɛ aya lo.

1 Tɛsalɔnikɛ 2:11 Iomraidhean Croise

Awa Pangɔ Kwa 20:2

Na fangbingɔ lo ti lɛ sese ni ko, lo sa nguru bɛ awa Kristo, lo ha nga la na tɛnɛ tɛ Nzapa ma wo ma. So pɛni, lo gwe ka sese ti Grɛsɛ,

Efɛzɛ 4:17

Wa mbi gbɔ̃ gɛrɛ ĩ na ili Gbia ya, ĩ ma tɛnɛ mɛ mbi na tenɛngɔ, tɛnɛ ni lo mɛ: ale ta ĩ ti du du nga ma apaganɔ ma. Ala ndodu bo na gɛgɛrɛ dangɔ bɛ,

1 Tɛsalɔnikɛ 2:7

Ti mbiri mbiri ko, e lengbi ndo ti mungɔ tɛrɛ e ndo ĩ nga ma agbia, na lo mɛ ya, e awa pangɔ kwa tɛ Kristo. Kanda e ndo adede azi, nga ma se tɛ ta ayangambi.

1 Tɛsalɔnikɛ 4:1

Aya bua, e na kɔngɔ nda mbɛti tɛ e so mɛ: ndo uzu ko, e ha ĩ na se li ye mɛ ndode bɛ Nzapa, ko e hĩnga ya, ĩ ndodu nga so biani. Ko na olo ko, e gbɔ̃ gɛrɛ ĩ ka ka ka na ili Gbia Yezo ya, ĩ ti du nzɔ̃ni aɔ ndo ti uzu.

1 Tɛsalɔnikɛ 4:6

Na ndo atɛnɛ olo tɛ kɔli na wali ko, ale ta zo kɔi ali ye siɔni tɛrɛ ayata lo awa Kristo, bere ahanda la bɛ gbɔ ma. E pia ndo e pa tɛnɛ ni ko hɛ̃ ĩ, e tisa ndo nga ĩ kpengbani na lo ni ya: Gbia ahɛ̃ gbanda etumbu hɛ̃ azi mɛ ndoli gi tɛrɛ asiɔ ye ni ko.

1 Tɛsalɔnikɛ 5:11

Na lo ni ko, ale ĩ sa nguru na bɛ afɔ̃ ĩ, nga ma se mɛ ĩ ndoli na ni gã.

1 Tɛsalɔnikɛ 5:14

Aya bua, e gbɔ̃ gɛrɛ ĩ ya, ĩ tisa azi mɛ ndokɛ̃ lingɔ kwa, ĩ sa nguru bɛ awa mbɛtɔ. Ĩ za azi mɛ ta na nguru ma, ĩ du na yɔngɔrɔ bɛ na ndo azi zu.

2 Tɛsalɔnikɛ 2:5

Mbi pia ndo mbi pa ni hɛ̃ ĩ, na ngoi mɛ ndo mbi dɛ ka tɛ ĩ. Ko bɛ ĩ ali na ni?

2 Tɛsalɔnikɛ 3:12

Na ili Gbia Yezo Kristo, e gbɔ̃ gɛrɛ azi ni ko, e wa nga la ya, ala li kwa ngoi zu, wadila ala nvɛni akã tɛrɛ la.

1 Timɔte 5:21

Na ili Nzapa, na ili Yezo Kristo, nga na ili aangelo mɛ ndo Nzapa asara la akpã ko, mbi gbɔ̃ gɛrɛ mɔ sĩ nvɛni ya, mɔ tɔndɔ tɛnɛ ko la mbi tɛnɛ hɛ̃ mɔ. Ta mɔ pia mɔ kɛ̃ tɛnɛ tɛ zo mɛ avɔ̃ to tɛrɛ lo ka tɛ mɔ, bere mɔ pia mɔ ye tɛnɛ tɛ lo ma. Ta mɔ ye zo kɔi, ko mɔ dɔ zo mɛ ndɛ̃ mɔ zia ma.

1 Timɔte 5:7

Ba tɛnɛ mɛ ale mɔ pa hɛ̃ la, so zo abela la la.

1 Timɔte 6:13

Na ili Nzapa mɛ ndohɛ̃ dungɔ lɛ ngɛ̃ hɛ̃ aye zu, nga na ili Yezo Kristo mɛ ndo apa nzɔ̃ lo ni na gbɛlɛ Pɔnse Pilato ko, mbi hɛ̃ mɔ nyɔ ya,

1 Timɔte 6:17

Hɛ̃ nyɔ hɛ̃ azi ko la na nwa ti lɛ sese na ti la ya, ta ala du awa yakɛ ma. Hɛ̃ la nyɔ ya, ta ala kpa nga bɛ la na ndo nwa ni ko ma, na lo mɛ ya, ta nwa ni ko ndoninga ma. Kanda ale ala kpã bɛ la na ndo Nzapa mɛ ndohɛ̃ e ye kwɛ ma wo ma. Lo ndohɛ̃ e aye ni ko ya, e saba na lo ni.

1 Timɔte 6:2

Ambɛ ko la ato gbia la adu awa Kristo ko, ale ta ala samana na ato gbia la, na lo mɛ ya, ato gbia la ni adu ayata la awa Kristo ma. Kanda ale ambɛ ni ali hɛ̃ la kwa nzɔ̃ni buai, na lo mɛ ya, azi ko la ambɛ ni ko ndoza la na kwa ko, ala du awa Kristo mɛ ambɛ ko ndoye la. Ba lo mɛ ale mɔ ndoha, ko mɔ ndowa nga na ambɛ la.

Tito 2:15

Ha la na aye ko, sa nguru bɛ la, bela nga la. Pa hɛ̃ la alo ni ko na nguru mɛ Nzapa ahɛ̃ mɔ. Ta mɔ ye ya, zo kɔi asamana na mɔ ma.

Tito 2:6

Gbɔ̃ nga gɛrɛ aya kɔli ya, ala du na nzɔ̃ kɔdɛ.

Tito 2:9

Pa hɛ̃ ambɛ ya, ale ala ma nyɔ ato gbia la, ko na ya alo zu ko, ale ala li ye mɛ ndode bɛ ato gbia la. Ale ta ala kɛ̃ tɛnɛ mɛ ato gbia la ndotɛnɛ hɛ̃ la ma.

Aebreo 13:22

Aya bua, mbi gbɔ̃ gɛrɛ ĩ ya, atɛnɛ mɛ mbi tɛnɛ hɛ̃ ĩ so sangɔ nguru bɛ ĩ ko, ale ĩ gbe bɛ ĩ na lo ni. Ta sanga ma, atɛnɛ mɛ mbi tɛnɛ hɛ̃ ĩ na ya mbɛti olo ko, ta adu yɔngɔrɔni buai ma.

3 Yoanɛ 1:4

Ngoi zu mɛ mbi ndoma ya, aya mbi ndodɔ nga nɔ na bɛta lege tɛ Nzapa ko, bɛ mbi ndode aɔ ndo aye mɛ ndɛ̃ zu.